ရင်မှာသတိရ
လွမ်းလှပါသည်
နှောင်ကြိုးချည်သို့
တတွဲတွဲလျှင်
မခွဲတူယှဉ်
နေချင်မိ.....
မကြင်ရက်တယ်
သခင်ဆိုမလား
ရင်မှာနင့်အောင်
ပူလောင်ကျွမ်းတယ်
ကိုယ်တိုင်ကလွဲ
ဘယ်သူသိဘယ်သူမြင်
ကြင်ချင်ပေမယ့်
အကြင်ခက်တယ်
နီးလျက်နဲ့ဝေး.........။ ။
အကယ်၍သာ
ခွဲခွာခြင်းတစ်စတလေသာ
ခွဲဖြစ်ခွာဖြစ်
ဝေးသွားဖြစ်လည်း
ရင်ထဲမှာလေ
ကြွေချင်လဲကြွေ
နေချင်နေပေါ့
တစ်သက်အနား
ဝေးမသွားအောင်
နေနိုင်တတ်ခဲ့.....
အပူရုပ်ကို
ဟန်လုပ်သိမ်းထုပ်
ခွဲခွာခြင်းသရုပ်မှန်
မပြီပြင်စေရန်အလို့ငှာ
ဝေးရမည်
ဝေးတော့မည်ကို
ကြိုတင်မြင်နိုင်ရန်
စွမ်းအားမရှိခဲ့......
နေရစ်တော့လေ
ကျန်ခဲ့ချစ်ဦး
အသည်းပလ္လင်နန်း
ကိုးကွယ်ခန်းလည်း
မရောက်ခဲ့ဘူးသက်ထား
လွမ်းသခင်
လွမ်းမိုးစွေ
နှင်းခိုးဝေတဲ့
ဒီနှစ်ဆောင်းမှာ
မလွမ်းသာသည်.......
အေးရိပ်မမြင်ခဲ့
ကာလရှည်လျား
နှစ်တွေကြာခဲ့
ဆောင်းရယ်မပီ
တွေးစိတ်ဆီမှာ
အလွမ်းတွေ
သိမ်းထားပါလျက်
စွတ်စွတ်စိုစို
မျက်ဝန်းခိုမှာ
သခင်မမြင်သာသည်
တည်ကြည်စွာနေခဲ့
တိုးတိတ်တိတ်ရက်များဟာ
စိုးတထိတ်ထိတ်ပါလေ.......
မွတ်သိပ်တမ်းမက်သော
နှုတ်ခမ်းအစုံ
ချိုမြိန်လှသော
အနမ်း အိပ်မက်
တစ်ခါမက်လည်း
ခဏခဏလေ
တရှိုက်မက်မက်
နမ်းချင်သည်.......
အလွမ်းလည်းမပီသ
ထီးတည်းကျန်အဖော်မဲ့
ရင်ကွဲနာကျတဲ့နေများ
တမ်းတသည်သခင်
ကိုယ်ပိုင်ရင်ခွင်ပျောက်လည်း
ဒီရင်မှာခိုလှည့်ကွယ်လို့
မပြောရက်ပါ
ပြောမထွက်သာသည်
ကွယ်ရာကပင်
လွမ်းချင်သည်......။ ။
လွမ်းသည်တိတ်တိတ်
ညောင်ညိုရိပ်မှ
ခွဲခဲ့သောလမ်း
အလှမ်းမကျယ်
တွယ်တာတပ်မက်
သည်နေ့ရက်တို့
ရှည်လှသည်။ ။
တစ်သက်စာ
တဘဝပေလို့
ငါတို့တွေထင်ခဲ့
တွေ့ဆုံပျော်မြူး
ထင်ခဲ့ဘူးလည်း
ကွေကွင်းနောက်ဆုံး
အတူလည်းပျော်ခဲ့ဖူးတယ်
အတူလည်းရင်ခုန်ခဲ့ဖူးတယ်
အတူတူလည်းအလွမ်းသည်းခဲ့ဖူးတယ်
တူတူခုံမင်
နေ့ရက်တွေလျှင်
ကွေကွင်းနောက်ဆုံး
သံသရာလမ်းမှာ
အဖန်ဖန်လှမ်းခဲ့ကြ
ဘယ်ဘဝရောက်လေမလဲ
အတွေးထဲမှာ
ကာရံနဘေတွေ
အတူတူစပ်
အလွမ်းထဲရွာလည်တော့လည်း
တူတူပဲသူငယ်ချင်း
အောင်မြင်ခြင်း
ကျော်ကြားခြင်းတွေ
မင်းအတွက်ရောက်လာမှ
ခွဲသွားသလား
အတွေးမှာထင်ထားခဲ့
အဝေးမှာမြင်မသွားခဲ့ပါကွာ
သေခြင်းတရား
ဘယ်အချိန်လာမလဲ
ဘယ်သူမြင်မိ
သိမလဲလေ
ခွဲသွားခဲ့
နှုတ်တောင်မဆက်ပဲနဲ့
ဒီတခေါက်တော့
တိတ်ဆိတ်စွာ
ငါတွေဝေနေခဲ့ရ
ယူကြုံးမရတဲ့အဖြစ်
ကြယ်တစ်ပွင့်
ကြွေလွင့်ခြင်းလား
အတောက်ပဆုံအချိန်မှာ
ခွဲခွာလို့လွင့်..........။ ။
.jpg)
ရောင်စဉ်လေးညှို့ရယ်
ရှောင်ဖယ်မယ်ဆိုယင်လည်း
ရင်ကဒါဏ်ရာ
စာနာစွာဖေးမ
တွေးဆပေးခဲ့ပါဦးလေ.....
ရောင်စဉ်လေးညှို့ရယ်
မောနေတဲ့ကိုယ့်ရင်ခွင်
မင်းမမြင်သာအောင်
အလွမ်းတွေစုပြီး
တမ်းတခြင်းတွေထုတက်
အလွမ်းတွေရက်ဆက်
မရှည်စေလို
နွမ်းကြွေအမျက်ထွက်
မနေစေလို
ပန်းတွေထွက်သက်
ပြေစေလို
အနေမပိုလည်း
အဖြေလိုဆဲဝေဒနာ
နေ.....မငိုရဲပါ
ပိုသည်းရင်ကဝေဒနာ......
ရောင်စဉ်လေးညှို့ရယ်
အမုန်းမျှားအစင်းစင်း
ပစ်ခွင်းမယ်ဆိုယင်လည်း
နာကျင်စွာအပ်နှင်း
ကိုယ့်ဖြစ်ရပ်အရင်းနဲ့
နှလုံးသားကချစ်ခြင်း
ထုဆစ်ခြင်းတွေကို
ဆန်းစစ်ကာဆင်ခြင်
မှားနေယင်တောင်မှ
အပြစ်ရယ်လို့မယူစေချင်ပါ....
ရောင်စဉ်လေးညှို့သခင်
မှောင်နေတဲ့တစပြင်လို
မောင့်ရင်ကိုထွန်းလင်းလှည့်
ဘဝမှာတခဏတာ
တွယ်ငြိတပ်မက်နေချင်သေးတယ်
ပကာသနပဲဖြစ်ဖြစ်
မာန်မာနပဲဖြစဖြစ်
သဘောရှိပါကွယ်
ငယ်ဂုဏ်လေးနဲ့
စပယ်ရုံနဘေးမှာ
လွယ်ယုံလည်းမတွေးနဲ့ပေါ့ကွယ်....
ရောင်စဉ်လေးညှို့ ရယ်
ခဏတာဆိုတဲ့ဘဝမှာ
မကြာခဏအမှားမဖြစ်ပဲ
သဘာဝအဆင်းအဖြစ်
ချစ်နေယင်းနဲ့ပေါ့
ခဏတာသာတည်တံ့မယ့်
မင်းရဲ့အဖြစ်ကို
တွေးလို့ရင်လေး
မောင့်အတွေးစတွေ
ညတာရှည်..........။ ။
.jpg)
သခင်
ရင်ထဲမှာ
နင်အမြဲရှိတယ်
အစဉ်ပဲလေ
ထာဝရချုပ်နှောင်
သံယောဇဉ်နွယ်မျှင်က
တင်းတရစ်ရစ်
တိုးတိုးဖြစ်ကျန်
ရင်မှာဖော်ဝေး
ကွာဝေးခဲ့ကြ
ငါတို့ဘဝတွေ.....
အမှတ်တမဲ့
အမှတ်တရ
ဘာပဲဖြစ်နေနေပေါ့
တွယ်တာနှောင်ရစ်
သိပ်ချစ်ခဲ့ကြတာလား
တစ်ဖက်သတ်ဖြစ်
ငါပဲချစ်ခဲ့သလား
အမှတ်မှားတွေ
မတွေးချင်
မတွေးလို
သို့ပေမယ့်
အတွေးပိုခဲ့.......
ချစ်ခဲ့မိသည်
နှစ်ပေါင်းရှည်ကြာ
ကြာကြာလာလျှင်
ဘာမှမဖြစ်သလို
နေတတ်ပြီထင်
တစ်ကယ်ဆိုယင်
မနေတတ်သေးပါ
ဝန်ခံရလျှင်
မြတ်နိုးနေဆဲ
ချစ်နေဆဲမို့
ချစ်တဲ့လက်များ
မကမ်းသာသည်
အလွမ်းဆီမှာ
တဝဲလည်လည်........
ပျော်နေချင်သည်
လိုချင်တာမရခဲ့သည့်အဖြစ်
တမ်းတယင်း
တွေဝေနေရတဲ့အဖြစ်လေ
သခင်.....နင်သိပါစေ.......။ ။
အချစ်ဦးလေ
ညနေကသူ....... ဖုံးဆက်တယ်
ရင်တွေခုန်လိုက်တာ
သူဘာပြောလည်း
သိချင်ကြသလား
ရေစက်မကုန်သေးဘူးတဲ့လေ
ဟင်.....ဟုတ်ရဲ့လား
ငါကမေတ္တာရှိယင်းစွဲမို့
မခွဲ အမြဲ နေချင်သေးတာနော်
အမှန်တော့ ....ဘာမှမဟုတ်တဲ့
သာမာန်ကိစ္စလေးတစ်ခုပါ
ငါကအတွေးတွေချော်နေတာမို့
စိတ်မခိုင်လည်း
ယိုင်လဲပြိုကာနေတော့မယ်
ဖောက်ပြန်တဲ့အတွေး
မတွေးစတမ်း.........။ ။
မိုးရိပ်ကညို
စိုးစိတ်ပိုခဲ့
သည်းသည်းညံညံ
ရွာဟန်ရှည်လှ
သည်ညတွေလေ
အတွေးမဆုံး......
ဆုံးစမထင်
မျက်နှာရှစ်ခွင်
တိမ်ဆင်ရာမိုး
စိတ်မှာစိုးထင့်
ညို့ညို့ညိုကာ
ရွာလေရွှေမိုး
သည်းသည်းလှိုက်ကာ
ချမ်းစိမ့်တုန်........
ဖြောက်ဖြောက်မြည်ဟီး
ရွာလေပြီးသော်
တန်တန်မစဲ
ဘယ်အငြိုးနဲ့
ရွာလေလဲလေ
လျှပ်နွယ်ဝင်းဝင်း
သူခင်းကျင်းကာ
ငြိုးမာန်ပိုမှာ
အကျွန်တွေးကြောက်
စိုးစိတ်နှောက်သည်......
ဖောက်ပြန်မြည်ဟီး
တေးသွားညည်းသံ
ဖော်ဝေးသံလား
ထင်ယောင်မှားသည်
အတွေးဆိုးတွေ
ညနက်ထဲက
သံသရာမှာ
တဝဲလည်လည်........
ငြိုးငြိမ့်ငြိမ့်ညံ
စိုးတထိတ်ထိတ်
အမူပိုလို့
ရင်မှာပူ
သောကပွေရတယ်
စိုးစိမ့်စိမ့်မှန်
နေ့ရက်ညကုန်
သူယူသိမ်းတယ်
မိုးနေ့ရက်များ
ဤမိုးညိုသည်
တောင်ဖက်ဆီမှ
တိမ်တောင်တိမ်လိပ်
ရိပ်ရိပ်ထလှာ
မျက်ဝန်းမှာဆို
ကြောက်အားပိုသော
အမူယာပိုင်ရှင်
သူ...သခင်
လွမ်းနေရှာပေရော့မည်
ဟော...ပြောပြောဆိုဆို
စိမ့်စိမ့်ယိုသည်
ဖြောက်ဖြောက်မြည်ဟီး
သူလေတီးသည်
နရီစည်းနှင့်
နဘေသင့်သည်
ရွာပါရွှေမိုး
မျှော်ကိုးမိရာ
စက်ကျသံသာ
အိပ်ယာထဲမှာ
အမောင်ကွေးလင့်
မကွေးလင့်
ပြောစမ်းပါဆို
ရွှေမိုးညိုရာ
တရံခါက
အင်းလျားကန်ဘောင်ထက်က
ပျော်ရွှင်ခဲ့သော
ဘဝများသည်
ဘယ်ဆီကိုများ
ရောက်နေလည်း
တသည်သည်းနှင့်
မစဲသောမိုး
လွမ်းစိမ့်သောငှာ
သူလေဖန်သည်
တစ်ရံခါဆီက
ထီးကိုကွယ်ကာ
တစ်ခါတည်းသာ
ခိုးနမ်းခဲ့ဖူးသော
ချစ်သူ၏ပါးပြင်
ပြန်လည်တမ်းတ
လွမ်းမိ၏......။ ။
ဟုတ်ကဲ့ ချစ်သောဘလော့ဂါအပေါင်း (ဘလော့ဂီအပေါင်းလဲပါ)
မင်္ဂလာပါလို့နှုတ်ခွန်းဆက်သမေတ္တာပို့သလိုက်ပါတယ် ကျွန်တော် ကဗျာမရေး
ဖြစ်တာကြာပြီ မရေးဖြစ်ဆိုတွေးလို့မထွက်ဘူးကိုး ကဗျာဉာဏ်ဆိုတဲ့ကောင်က
တော်တော်ဒုက္ခပေးတာကလား အကြောင်းအရာတွေ့ပေမယ့်ကာရံကမတွေ့
တခါတလေ ကာရံတွေ့ပေမယ့် အကြောင်းအရာပျောက်ရှ အဲဒီတော့လည်းခေါင်း
စားပြီး အရောင်းအားမြှင့်တင်ရေးဝန်ထမ်းတွေကိုပဲ ဆဲရတော့မှာလား၊ အကုန်လုံး
သိမ်းကြုံးပြီးတော့မရမ်းချင်ပါ အလွန်လျှင်မြန်စွာတိုးတက်နေတဲ့ခေတ်ကြီးမှာ
မိမိကုန်စည်ရောင်းရဖို့ အဓိကကြံဆောင်နေတဲ့မားကက်တင်းသမား၊သမ တွေကို
ပထမတော့မုဒိတာလေးထားပြီးခွင့်လွှတ်ပါတယ် အော်သူတို့ စီးပွားရေးပဲလို့
ဒါပေမယ့်ဗျာလွန်ချက် က အတော်ဆိုးပါတယ် ကျွန်တော်တို့ဘလော့တွေအတွက်
feed back လို့ဆိုနိုင်တဲ့ comments ထဲအထိကြော်ငြာဝင်တာတော့မကောင်းဘူး
ပေါ့ဗျာ ဒါမှမဟုတ် spam တွေများလား ဒါမှမဟုတ် Hacker များလား အဲလို
အတွေးရောက်သွားပါတယ် ကျွန်တော် လင့်ကိုတောင်တို့မကြည့်ပဲ
ဖျက်ပစ်ခဲ့တဲ့ကွန်မန့် ကအကြောင်းအရာကို အပေါ်ဆုံးမှာ တင်ထားပါတယ်
spam လား virus လား hacker လား ဆိုတာတော့ကိုယ့်ကိုသာချင့်ချိန်ကြပါ
ကျွန်တော့ရဲ့ရင်ခုန်သံဖလှယ်ရာရပ်ဝန်းကို လာပြီးထိပါးတဲ့
သူတွေကိုအရမ်းမုန်းတယ် စီဘောက်တောင်ဖြုတ်ပစ်လိုက်ချင်တယ်ဗျာ စိတ်တွေ
ကုန်လွန်းလို့ ပါသူတို့ရဲ့ အရည်မရအဖတ်မရ ကြော်ငြာတွေ လဲမတင်ချင်ဘူး
ကိုယ့်ဝါသနာနဲ့ကို အေးဆေးကဗျာရေးနေချင်တာကို ဆက်ပြီးသိမ်းကြုံးပြော
ရပါဦးမယ် မားကက်တင်းသမား၊သမ တို့ ခင်ဗျာ ကြော်ငြာတာဈေးကွက်စီးပွား
ရေးခေတ်မှာအလွန်ထိရောက်တဲ့ရောင်းအားမြှင့်တင်ခြင်းပါ သို့ပေမယ့် အလွန်ကျွံ
ကြော်ငြာလို့ ကြော်ငြာဖိုးနဲ့ပြုတ်သွားတဲ့ ကုမ္ပဏီတွေရှိတာကိုခင်ဗျားတို့သိကြပါ
သလား၊ကျွန်တော်အလုပ်အတွက်မဖြစ်မနေကြော်ငြာကိုသုံးရပါတယ် ၊
များသောအားဖြင့် တနင်္ဂနွေအချပ်ပိုရောင်စုံ မှာပဲကြော်ငြာခြင်းဖြစ်ပါတယ် ၊
တစ်ခါကြော်ငြာပြီးယင် အရောင်းအဝယ်ဖုန်းစောင့်ရပါတယ် ။ သို့သော်လည်း
အဲဒီလိုအချိန်မျိုးမှာကြော်ငြာ မားကက်တင်းသမား၊သမ
တို့ရဲ့ဖုန်းမျိုးစုံဝင်လာတဲ့အခါ (တဖက်သူထပ်ကြော်ငြာချင်မှန်း မကြော်ငြာချင်မှန်း
မသိ) အတင်းစွတ်ကြော်ငြာခိုင်းတာမျိုး မလုပ်သင့်ပါဘူး
နောက်တော့ကျွန်တော်လည်း Black List ဆိုတဲ့ဆော့ဝဲသုံးဖြစ်သွားတော့တာပဲ
အခုလည်း စပမ် ကွန်မန့်တွေကိုဘယ်လိုရှင်းလင်းသုတ်သင်ရမလဲဆိုတာ
ကြံစည်လျှက်ရှိပါတယ်။
တွေ့နေရယုံ
မြင်ရယုံမျှ
နေသာကြည်နူး
နေခဲ့ဖူးသည်.....
မရွယ်စူးပဲ
ဘဝတကွေ့
ပြန်ဆုံတွေ့လျှင်
ရင်ခုန်ကြည်နူး
နေဖူးပြန်သည်.....
ဖေးမပြောကြား
စကားတွေမှာ
နှောင်တွယ်နွယ်ရစ်
အသစ်ဖြစ်တည်
တသရင်မှာ
လှိုက်မောသည်......
ပြောတဲ့စကား
နားမှာသကာဖြစ်
ပျားရည်နှစ်သို့
ချိုမြကြည်အေး
ရင်ကိုနွေးစေ.......
ကြည့်တဲ့မျက်ဝန်း
ရင်ကိုဖောက်ဝင်
စူးစူးနင်နင်
လှုက်ဖိုမောလျ
ချိန်တိုင်းတမ်းတ
လွမ်းပိုသည်......။ ။
မိုးတွေသည်းသည်း
တမ်းတဆဲမှာ
တခါကဝေဒနာ
ပြန်လည်မြင်ယောင်
အလွမ်းတွေတောင်ဖက်ဆီက
ညို့ညို့လို့လာချေပြီ
မရွာပဲဟန်ပြင်တဲ့သည်မိုး
မညာပဲခင်နှင်တဲ့အချိုးတွေကြောင့်
မောင့်အတွေးနယ်မှာ
လွမ်းလို့ကျန်ဆဲ.......။ ။
မိုးတွေရွာပြီ
အလွမ်းသည်မို့
ပျော်ချင်သလား
တွေးတိုင်းအားငယ်
မျက်ရည်လည်ရွဲ
ရင်ခွင်ထဲက
သည်းဦးနန်းမှာ
စံထိုက်သူရယ်မို့
အကြံအိုက်ရတဲ့
ကိုယ်ပါကွယ်
မလိုတမာဘယ်လို
ပြောစေဦးတော့
ရွယ်ရွယ်ရည်စူး
မောင့်သက်ဦးကို
အောက်မေ့သတိရ
တမ်းတမိသည်
မိုးတွေရွာခိုက်
တွေ့ခွင့်မကြုံ......။ ။
မေ့နေခဲ့တယ်
မင်းမွေးနေ့ကို
အလွမ်းတွေပါကွယ်
အနွမ်းကြွေ
စမ်းရေတစ်လျှောက်မှာ
တမ်းတခြင်းတွေ
ဝေးစေဆိုပြီး
တချိန်ကဖုံးဖိလို့မရတဲ့
အတ္တနဲ့မစ္စရိယအတွက်
မင်းမွေးနေ့ကို
ကိုယ်လေတမင်
မေ့ပစ်ခဲ့တယ်.....
ကြာလာတော့
တစ်ကယ်မေ့ရော
ဆိုပါစို့ကွယ်
ဝန်ခံပါတယ်
ရင်ကအမှား
မဖောက်ပြားတောင်
ဖောက်ပြားချင်ယောင်ဆောင်ခဲ့
အတ္တစိတ်ရဲ့
စေညွှန်ရာကို
မှားမှန်သိလျှက်
ကောက်ကောက်လိုက်ခဲ့
ချစ်သူမုန်းစေ
မေ့စေရွယ်စူး
မောင်ရူးချင်စိတ်
ဖြစ်မိလေလည်း
တွေးဘဝင်မှာ
ချစ်သူသက်သာစေရယ်ပေါ့
တမင်ထင်လွဲ
မုန်းစေရန်ရွယ်စူး
ဖယ်ခွာတိမ်းကာ
တစိမ်းလို
နေစေချင်
မှောက်မှားတဲ့
စိတ်အစဉ်မှာ
မောင်ရူးခဲ့တယ်
ဆိုပါစို့........
မမေ့သာသူ့ရင်ထဲ
သောကပွဲဆင့်အောင်
မောင်လေ.....
မချစ်ချင်ယောင်
ဆောင်ခဲ့မိတယ်
ဟိုတနေ့မှ
သိခွင့်ရခဲ့
ခွဲဖို့ခက်ခဲ
ဘဝထဲမှာ
မနေပျော်ပဲ
သူနေခဲ့ကာ
တစ်ယောက်တည်းဘဝမှာ
အထီးကျန်မှုတွေ
ရင်ဆိုင်ဖြတ်သန်း
ပန်းခင်းလမ်းမဟုတ်ပေမယ့်
နင်းလျှောက်ဖြတ်သန်း
လာခဲ့တယ်.......
မောင့်အမှားတွက်
ခွင့်လွှတ်စေရန်
မတောင်းပန်လည်း
သူကခွင့်လွှတ်
နေခဲ့သည်မို့
ယူကြုံးမရ
တဘဝစာ
ဝေးနှင့်လေဦးဟု
ညှာကေခိုင်ပိုင်ပိုင်
ပန်ခဲ့သူရဲ့
မောင့်အတွက်
လှောင်ပြုံး......။ ။
ငိုလို့ရဘူး
မောင့်ချစ်ဖူးရယ်
တွယ်တွယ်တာတာ
တမ်းတမ်းတတ
ညညရက်တွေ
မရှည်ချင်ပါ
မျှော်တော်ဇောနဲ့
မောလှပြီထင့်
တွေ့ချင်မြင်ချင်ဇော
ရင်မှာမောလျ
စိတ္တဇညလို
တမ်းတပိုတဲ့
ရှည်ကြာခဲ့
နေ့ရက်များပါ.....
မဖြေသာခဲ့
တွေ့အခက်ကြား
ဘယ်ဆီရှောင်ပုန်း
နေဦးပေါ့လေ
အချစ်တွေလေ
ရင်အပြည့်ပါ
မသိရော့လားထင်
ခင်ခင်မေ့မှာ
စိုးကြောက်ပါရဲ့
မိုးနှောင့်လို့
ညှာကြွေမျက်ရည်ပုလဲ
သီတွဲခဲ့သို့
လွမ်းလို့မော်ဖူး
မောင့်ချစ်ဖူးရယ်
မရွယ်ရာ
ကွယ်ရာကပဲတမ်းတတယ်.........
မျက်နှာမွန်ဦး
တွေ့ခွင့် ဖူးချင်
မျှော်လင့်ခြင်းအစဉ်
စိတ်ဘဝင်မှာ
တွယ်တာတမ်းတ
မြတ်နိုးရ၏
ချစ်သည်ခင်ရေ
တွယ်မက်တိမ်းမူး
ပျော်ခဲ့ဖူးတဲ့
ဘဝတွေကို
ပြန်လည်တမ်းတယင်း
ရင်ခွင်မှာတဆိတ်
စိုးထိတ်ပိုခဲ့
ဝင်ခဲ့သံသယ
ကြင်ခဲ့ခဏတာ
ဘဝဆိုတာ
ပိုင်ဆိုင်ခဲ့ကြဖူးပြီပဲ.......
ပျော်ခဲ့ဖူးတယ်
ခဏဆိုတဲ့
အဲဒီဘဝထဲမှာ
မောင်သာပြေးထွက်
မနေရဲခဲ့ခြင်းလို့
ခုမှတမ်းတ
နောင်တရလည်း
ကာရံစည်းခြား
တံတိုင်းဖျားက
မြင့်လွန်းသမို့
မခေါ်မပြောယင်လည်း
မနေပါနဲ့
အပေါ်ကြောဆိုယင်လည်း
မမင်ပါနဲ့ကွယ်
ရင်ခွင်ကနုသမို့
ငိုလို့ရဘူး
မောင့်ချစ်ဖူးရယ်.......။ ။
ကိုယ်ငိုနေတာ
သိသွားသလား
ဆောရီးပါကွယ်
နှောင်းမှရတဲ့
နောင်တတွေပွေ့လို့
ကလေးကလားတော့
မဟုတ်ခဲ့ပါဘူး
အသွေးသားကြောင့်
ဖြစ်မယ်ထင်တယ်
တစ်ခါက
တစ်ချိန်က
ကျူးလွန်ခဲ့တဲ့
အပြစ်အတွက်
ပေးဆပ်လိုက်ရတဲ့
အရာက
လူသားတစ်ယောက်အတွက်
လူသားတစ်ယောက်ပါ
အသက်တစ်ချောင်းအတွက်
အသက်တစ်ချောင်းပါ
ဟာမူရာဗီကိုယ်ဓဥပဒေ
နားမလည်ယင်နေပေါ့
သဘာဝတရားကတော့
နားလည်တယ်
ခက်တာက
လူသားနှစ်ယောက်လုံး
အသက်နှစ်ချောင်းလုံးက
ကိုယ့်သွေးတွေလေ
ကဲခံနိုင်မလား
မငိုပဲနဲ့
တစ်ယောက်က
ကိုယ့်ရဲ့အတ္တနဲ့
ဥပေက္ခာကြောင့်
နောက်တစ်ယောက်က
နောက်တစ်ယောက်ရဲ့
ဂရုနာမဲ့မှုကြောင့်
ဘာမှန်းတောင်မသိသေးတဲ့
သွေးခဲလေးဘဝမှာ
ပျက်စီးခဲ့ကြရှာ
ပြုသူအသစ်
ဖြစ်သူအဟောင်း
အကျိုးကြောင့်
အကြောင်းဖြစ်တယ်
ကဲ....ဘာပဲဖြစ်ဖြစ်ပေါ့
မင်းခါးကသေနတ်ထုတ်
ငါ့နထင်ကိုတေ့ပြီး
မောင်းသာဖြုတ်လိုက်တော့........ ။ ။
နေ့နေ့ညည
မေ့မရဘူး
သည်းဦးပန်းရယ်
ငေးမှိုင်တွေလည်း
မပျော်သောက
ရင်မောရတဲ့
ညတွေမှာလေ
နေစရာနေရာ
ရှားဘိတောင်း......
တွေ့တွေ့သမျှ
မင်းသာပန်ဖူး
မောင့်သဲပန်းဦး
ညညတွေဆို
အချွဲပိုတဲ့
စကားတွေလေ
ပြောလို့မကုန်
အမြဲဖောင်ဖွဲ့
နေခဲ့ရက်တွေ
လွမ်းလက်ကျန်လေ
မကုန်သ၍
ဘုံဓလေ့တွင်
ဆုံတွေ့ချင်ခဲ့.....
မက်မက်မောမော
တွယ်တာတမ်းတ
နွမ်းလျညတွေ
မရှိချင်ခဲ့
သို့ပေမယ့်လည်း
တို့တွေဝေးနေ
မိုင်ပေါင်းထွေထွေ
နီးလို့သာလေ
နေချင်ခဲ့.......
ဖွဲ့ဖွဲ့ နွဲ့ နွဲ့
မတွေးချင်လည်း
အဖြေခက်တဲ့
နေ့တွေညတွေ
မှိုင်တွေနေလည်း
တမ်းမက်မောမိ
ရင်မှာရှိနေ
အသိပွေတော့
ရင်ကသောက
မခက်လားကွယ်
သည်းညှာချစ်ဦး
မြတ်နိုးဖူးရယ်......
စိတ်ရဲ့စေတသိက်
ချုပ်ငြိမ်းရာရာ
လင်္ကာရသဘော
ခင်ထာဝရမောမည်
အပြောမညီသည့်
လက်တွေ့သဘောတွေသည်
စောကြောဝေဖန်
ဝေဒနာမှန်လေ.......
အခက်တွေ့နေ
တို့ဝေးနေလည်း
အချစ်ရေသည်းဦး
ရင်မွန်ဦးရယ်
ကမ်းလို့ကြိုမယ်
အချစ်တွေနဲ့ပေါ့
ရင်တံခါးကို
အစဉ်ထာဝရ
မင်းအတွက်ဖွင့်ထားမယ်
နားလှည့်ခိုလှည့်
ဘဝအမောတွေအတွက်
မှေးမှိတ်ချွေးသိပ်
ပြေစေလှည့်......။ ။
နှစ်ပေါင်းရှည်ကြာ
ကြာလေမမေ့
လမ်းတကွေ့
မုန်းတမေ့မှာ
ချစ်တင်းဆိုခြင်း
မမေ့သည်.....
လွမ်းတပွေ့နဲ့
လှမ်းတွေ့မိစဉ်
ရင်သည်လှပ်ခုန်
သည်းရင်ဖိုသည်
ပီဘိဆယ်ကျော်
တစ်ဦးနှယ်.....
ချစ်ခဲ့ဖူးသော
နေ့ရက်များဆီ
တမ်းမိသည်လား
မရေရာအတွေး
စိတ်ကူးတွေသည်
တောင်တောင်အီအီ
ပျံ့လွင့်စိတ်အစဉ်
ထိန်းချုပ်ခက်လျှက်
နေနှင့်ရက်ရှည်
တမ်းမိသည်လေ.....
ချစ်သခင်သက်ထား
အခက်များပွေချင်
မမေ့ချင်ပါ
နေ့ရက်တွေမှာ
စကားချိုမြ
ကြားမိနေချင်
စိတ်အစဉ်သည်
ပျံပျံလွင့်.......
ကြင်နာမြတ်နိုး
ချစ်စကားပြောမိ
တွယ်မက်မိသော
နေရာဟောင်းသို့
ခဏရောက်ဖြစ်
အလွမ်းတွေပြည့်
အဆွေးချည့်ကျန်သည်
သခင်သက်ထားသိစေချင်........
မမုန်းသေးပါ
တွင်တွင်မြတ်နိုး
ဆိုစကားတွေ
ထိန်းခဲ့ဖူးသော
သမာဓိသိက္ခာ
အလယ်မှာ
ပန်းတစ်ကုံးသာခြားကာ
အိပ်စက်ခဲ့ကြတဲ့
ဘန်ကောက်ညရဲ့
သစ္စာတရားသည်
အတွေးဝယ်ရိပ်ရိပ်ထင်.....
အမှတ်မထင်
ခေါ်သံကြားမှာ
လှိုက်ကနဲဝမ်းသာ
သို့သော်ငြားလေ
တို့တတွေသည်
ဝေးခဲ့ပြီလေ
အမှတ်ရမိ
သတိရှိစွာ
ရင်မှာလွမ်းမော
တမ်းတမိယုံမှတစ်ပါး........
ခက်ခဲနေ့ရက်များ
ဖြတ်ကျော်ခဲ့ပြီးပြီပဲ
ဘယ်လိုနေမလဲ
ဆက်မတွေးပါ
မျှော်လင့်ခြင်းများစွာ
မထားတော့ပါ
ရင်မှာသာ
အလွမ်းစကားအဖြစ်
တမ်းတယင်းကျန်ရစ်......။ ။
ဤသို့ကျက်သရေရှိသော.....
အချိန်ကား အေဒီ ၂၀၁၂ ခုနှစ်
နေရာကား ဗာရာဏသီပြည်
အုပ်ချုပ်မင်းလုပ်သူကား စကြဝတေးမင်းဟုသမုတ်ခံထားရသူ
ဆင်မည်းများရှင်သားရေစီသူမင်းတြား......ဗာရာဏသီပြည်ကြီးအလွန်စည်ကားဖွံ့ဖြိုးတိုး
တက်လာသည့် ကာလဖြစ်သည့်အလျောက်နိုင်ငံတွင်းတွင်လည်းအလွန်စည်ကား
သိုက်မြိုက်လွန်းလှချေသည်။ဝတ်စားပုံမှာအလွန်အဆင့်တန်းမြင့်မားလာကြရာ
ဖက်ရှင်ဒီဇိုင်နာများသည် ပိုးထည်အမျိုးစားမှထုတ်လုပ်အပ်သော (ယ္ခုခေတ်)
ဇာခြင်ထောင်တမျှ ပါးလှပ်သော ပိတ်အုပ်တို့ကို အဝတ်အထည်အဖြစ်ချုပ်လုပ်
ရတော့သည်။ထို့အပြင်ဘောင်းဘီ၊စကပ်စသည်တို့သည်လည်းတိုသည်ထက်တိုကုန်ကြသည်ဖြစ်ရာလုံမပျိုတို့
မြင်ကွင်းအလှူကြီးပေးကုန်ကြသောခေတ်ဖြစ်တော့သည်။
ကမ္ဘာကြီးပူနွေးလာသည့်အတွက် ဗာရာဏသီပြည်သည် အီကွေ
တာနှင့်နီးသဖြင့်အပူဒါဏ်ကိုခံစားရလေရာထိုမျှပါးသောလှပ်သောအဝတ်အထည်
ပင်အေးမြအောင်စွမ်းဆောင်နိုင်ခြင်းမရှိသေးချေ ။
ထို့အပြင်ထိုထိုသောဗာရာဏသီပြည်၏ထူးခြားချက်အဖြစ် နှစ်သစ်ကူးကာလတွင်
ရေပက်ဖျန်းခြင်းဖြင့်မင်္ဂလာယူကုန်ကြသည် ဖြစ်လေ၏။
ထိုကာလတွင်ကားလူငယ်များစည်းလွတ်ဝါးလွတ်ပျော်ရွှင်ကြသည်ဖြစ်ကြလေရာ
အရက်သေစာ သောက်ပွဲစားပွဲဆင်ယင်ကျင်းပကာ ရေသွန်းလောင်းပက်ဖျန်းကြ
ကုန်သည်ဖြစ်ရာယခင့်ယခင်မင်းများလက်ထက်ထက်ပို၍တမူထူးခြားကာပို၍
စည်ကားလေသည် မြို့တော်တစ်ဝိုက်တွင်ဆိုဖွယ်မရှိ။
အလွန်စည်ကားလေရာရေသဘင်ပွဲသည်သေသောက်ပွဲနှင့်မခြား တမူထူးခြား
သည်ကား ယခင့်ယခင်မင်းများလက်ထက်နှင့်မတူ အမျိုးသမီးမြောက်မြားစွာ
ပါသေသောက်ကြူးပွဲတွင်ပါဝင်လာကြခြင်းဖြစ်လေသည်၊
မြင်ကွင်း(၁)
အလွန်ပူအိုက်ရသည်ဖြစ်လေရာ အမျိုးသမီးများဘီကီနီ ပါးပါးဝတ်ကာ
မဏ္ဍပ်များပေါ်တွင်ရေကစားနေလတ္တံ့ထိုမဏ္ဍပ်ဘေးတွင်
မှောင်ခိုအရက်ဘီယာအမြည်းစုံလင်စွာရသောဆိုင်ငယ်လေးတစ်ဆိုင်အဆင်သင့်
ရှိလေရာမဏ္ဍပ်ပေါ်တွင်ရေကစားနေရာမှ အတန်ငယ်အေးလာသောလုံမပျိုများ
ထိုသေရည်ဆိုင်တွင်းသို့ဆင်း၍သောက်စားကြသည်မူးကာအန်ကြသည်အထိ။
အရက်သေစာကိုအလွန်ကျွံသောက်စားမိပါကသူရာမေဓရကံတစ်မျိုးမှလွဲ၍
ထပ်မံကာမည်သည့်ကံကိုမှ မချိုးဖောက်နိုင်သော်လည်း ရီဝေေ၀အဆင့်တွင်
မည်သည့်ကံမျိုးကိုကျူးလွန်ရမလဲလာခဲ့ဟူ၍သွေးကြွတတ်လေရာ သူရာမေဓရ
ကံအပြင် အနီးစပ်ဆုံးဖြစ်သော ကာမေသုမိစ္ဆာစာရကံကိုပါကျူးလွန်ရန်
ဝန်မလေးသည်ဖြစ်ရကာ ထိုသို့ဖြစ်အောင်မြှူဆွယ်သည့်ကကွက်မျိုးစုံဖြင့်
စင်ပေါ်ပြန်တက်ကာကော့ကော်ကန်ကား ကပြသည်ဖြစ်လေရာ
ရေပက်ခံထွက်လာသော ချယ်ဂါရီပေါ်မှပုရိဿတို့မနေနိုင်မထိုင်နိုင်ဖြစ်ကာ
ဝင်ရောရာမှ လူရှေ့မရှောင် အရှက်တရားကင်းမဲ့စွာ အနောက်နိုင်ငံများတွင်
နမ်းလေ့ရှိသောပါးစပ်ချင်းနမ်းသည်အထိအပြင်ရမက်ဇောပြင်းထန်လာပြီး
နောက် အဆင်ပြေပါက မဏ္ဍပ်နောက်အတူဝင်ကာ အဝတ်လဲခန်းတွင်း.............
မြင်ကွင်း(၂)
ရေပက်ခံထွက်သောစက်တပ်ချယ်ဂါရီများပေါ်တွင်လည်းမထွက်မီက ကြိုတင်စု
ဆောင်းထားသောရေခဲစိမ်ထားသည့်သေရည်ပုလင်းအပြည့်ထည့်ထားသော
ဖော့ပုံးများတင်ကာ ရေပက်ခံချယ်ဂါရီများပေါ်မှလုံမပျိုများနှင့် အမယ်ကြီးများ
ပါမကျန် ကိုကိုမောင်မောင်တို့အသာထား မူးယစ်ရီဝေကုန်ကြသည်ဖြစ်ရာ
ပတ်ဝန်းကျင်ကိုလည်းဂရုမထားနိုင်ကဲသာကဲဆွဲသာဆွဲဖြစ်ကုန်ကြသည်က
တဖုံ.......အားမရ၍တည်းခိုခန်းဟိုတယ်ရောက်ကြသူများလည်းရှိကြကုန်သည်
ဖြစ်ရာ............
မြင်ကွင်း(၃)
ဗာရာဏသီပြည်၏ တန်ဆာဖြစ်သောမင်းသမီးချောတစ်ဦးသည်လည်း ပထမနေ့
ဘီကီနီဝတ်ထားသည်ကိုဝိုင်းပြောကြသည်ကိုကြားသည်ထင့်နောက်တစ်နေ့တွင်
အတွင်းခံ(ဘရာစီယာ)ပင်မပါတီရှပ်လက်ရှည်ကိုရင်ဘတ်တွင်ကန့်လန့်ခွဲ
ကာဖြဲစုတ်ကာဝတ်ဆင်လာ၏အနုပညာနယ်ပယ်မှ နာမည်ကြီးရော့ခ်အဆိုတော်
မမခမျာပင်နီအင်္ကျ ီနှင့်သာ(ချီးကြူးစရာတစ်ဦး) အဖြစ်မြင်တွေ့ရလေရာ
ရင်မှာအေးချမ်းရပါသည် အနှီမမ အသက်ရှည်ကျန်းမာပါစေ။
မြင်ကွင်း(၄)
အလွန်ပူအိုက်ရှာလွန်းထင့် အကုန်ချွတ်ကုန်ကြလေပြီ(အဝတ်စားများ)
သို့သော် နှစ်ကူးပွဲတော်ကားဝတ်လစ်စလစ်နှင့်ပြီးဆုံးသွားချေပြီ...............
ဓါတ်ပုံတွေကိုတော့ဖေ့ဘွတ်ကနေယူသုံးပါသည်
ပ်ထြပီးပြောချင်ပါတယ် သြင်္ကန်ကာလမို့ဥပုသ်လည်းစောင့်မနေနိုင်ပါဘူး ဒီနှစ်သြင်္ကန်အလွန်ပဲစည်ကားလှပါတယ်။ထို့အတွက်လည်းမြန်မာပြည်သူတစ်ရပ်လုံးဝမ်းသာရွှင်မြူးနေတဲ့
အတွက်လည်းမုဒိတာပွား
ပြီးပီတိတွေနဲ့ပျော်စရာကြီးပေါ့ဗျာ။ သို့ပေမယ့်လည်း မမြင်မတွေ့ချင်တာတွေတွေ့နေရတဲ့
အတွက်လည်းခွေးရေပုရပိုဒ်နဲ့ပဲမှတ်မှတ် အိုင်ပက်(ဒ)နဲ့ပဲမှတ်မှတ် သိကြားမင်းကြီးရေ
ကန်တော့ဗျာ ကျွန်တော်စပြီးပြောတော့မှာဖြစ်ပါတယ်။မြန်မာယဉ်ကျေးမှုဆိုတာ
ဟီရိသြတပ္ပ ဆိုတဲ့ရှက်ခြင်းကြောက်ခြင်း တရားကိုလက်ကိုင်ထားပါတယ်ဗျာ.......
ခုတော့ ကျွန်တော်လည်းမျက်စေ့ မမှား မဏ္ဍပ်တိုင်းမှာCCTVကင်မရာတွေမှာ
အထင်းသားမမြင်ချင်မတွေ့ချင် အဆုံးအရှက်မရှိသောပုံတွေသာဖြစ်ပါတယ်
သတိထားကြပါ မဏ္ဍပ်တွေမှာCCTV ကင်မရာအကုန်လုံးတပ်ထားပါတယ်
မသင့်မတော်ပုံတွေ ပါလာယင်ခက်ရချည်ရဲ့လို့မတွေးမိကြပေဘူးလားမသိပါ။အယင်က
အရှက်နဲ့အသက်လဲခဲ့ကြတဲ့ မြန်မာအမျိုးသမီးတွေရဲ့ မော်ကွန်းကို မှင်အနက်လောင်းကြတော့မှာလားမသိ။အတွင်းခံတောင်မပါပဲတီရှပ်ရေစိုတော့ဘာတွေဖြစ်ကုန်မလဲ ဒီနေ့မှအကျနေ့ပဲရှိသေးတာဗျာနော်......မိဘတွေကတော့ကလေးတွေကစားပါစေဆိုပြီး
လွှတ် ၊ကလေးတွေကတော့မဏ္ဍပ်ရောက်တော့သောက်ချင်တိုင်းသောက် ဖြစ်ချင်တိုင်း
ဖြစ်နေပုံတွေများမမြင်ချင်အဆုံးပါဗျာ။မြန်မာအမျိုးသမီးတွေ မလုံ့တလုံဝတ်ထားတယ်
အရက်၊ဘီယာလည်းသောက်ထားတယ်ဆိုယင် ဖြစ်လာမယ့်အကျိုးဆက်တွေအများ
ကြီးဖြစ်သွားနိုင်ပါတယ်။ခက်တာက ယဉ်ကျေးမှုတော်လှန်ရေးလို့ပဲပြောရမလား ကိုရီးယား
ယဉ်ကျေးမှု ၊နိုင်ငံတကာယဉ်ကျေးမှုတွေစီးမျောဝင်လာတဲ့အခါသမယမှာ ထင်တိုင်းဝတ်စားနေဖို့မကောင်းပါဘူး ။ အမြင်တင့်တယ်အောင်လည်းနေတတ်ထိုင်တတ်
ကြပါစေဗျာ။တချို့ကပေါင်ပေါ်မှလှတယ်ထင်တတ်ကြတယ် ၊ခြေသလုံးကဝဲခြောက်အမာရွတ်တွေကရွံစရာ၊တချို့ကတော့ ရင်သားဖေါ်မှလှတယ်ထင်ကြတယ်ဝတ်ထားတာကြိုးပျောက် အတွင်းက ဗလာ အဲတာတွေပဲ ပြောပြန်ယင်တရားဟောနေတယ်ထင်ကြမယ်....တကယ်လှဖို့အတွက် SEXY ဖြစ်စရာမလိုဘူးလို့ထင်ပါတယ် ။ SEXY ဖြစ်မှလှမယ်ဆိုယင်လှယဉ်ကျေးမယ်တွေ
မြောင်းထဲပစ်ထည့်ယုံရှိတော့တာပေါ့။ တစ်ကယ့်အလှစစ်ဆိုတာမိမိဝမ်းထဲမှာသာတည်ပါတယ်စိတ်ထားလှယင်ရုပ်ကအလိုလို
သိမ်မွေ့ပါတယ်။“ဟယ်ချစ်စရာလေး” ဆိုတဲ့အာမေဋိတ်စကားလုံး သူ့အလိုလိုထွက်လာ
တာမဟုတ်ပါဘူး အံ့သြဝမ်းသာလို့ ရုတ်တရက်ထွက်လာတဲ့စကားလုံးမျိုးပါ။အဲဒီ
စကားလုံးမျိုးတွေထဲမှာ SEXY စိတ်မပါပါဘူး ။တွေးကြည့်ကြပါ။ခက်နေတာခုခေတ်မိန်း
ကလေးအများစု ဘီယာအရက်သောက်နေကြတဲ့ကိစ္စကအစပေါ့ ဒီမိုကရေစီရပြီ ငါတို့
လုပ်ချင်ရာလုပ်လို့ရပြီဆိုပြီး ထင်ရာလုပ်နေကြသူတွေကိုလည်းပြောချင်ပါတယ်ဗျာ
အနာဂါတ်ရေးတွေးပြီးရင်လေးနေမိပါတယ်။
ချိတ်လုံချည် ၊ရင်ဖုံးအင်္ကျ ီဝတ်မှမဟုတ်ပါဘူးဗျာလုံလုံခြုံခြုံပေါ့ ဂျင်းဘောင်းဘီအရှည်
ဝတ်ပြီးတီရှပ်ကိုသေချာဝတ်တတ်ယင်လည်းအဆင်ပြေပါတယ်။ဖီလာဆန့်ကျင်တဲ့စကတ်အတို...
တိုသည်ထက်တို ရှေ့ကပစ္စည်းတစ်ခုကျလို့ငုံ့ကောက်
ယင်နောက်ကနေအတွင်းခံဘောင်းဘီဘာအရောင်ဆိုတာမြင်ရတာမျိုး ၊နောက်ဘောင်းဘီအရှည်ဝတ်လည်းအတွင်းခံရဲ့ ရှုံ့ကြိုးအနားစပေါ်နေတာမျိုးတွေမဝတ်
စေချင်တာပါ။လိင်စိတ်ထကြွစေမယ့်အဝတ်မျိုးတွေမဝတ်ကြစေချင်ပါကမ္ဘာပေါ်မှာ
ယောက်ကျားများသာရှိပါတယ် ယောက်ယုန် တို့ယောက် သမင်တို့မရှိဘူးဆိုတာသိထား
ကြစေချင်ပါတယ် ။ ယောက်ကျားဆိုမှတော့ နှာဘူး ဂန်ဒူးနဲ့ ....ပဲရှိပါတယ်။ဂန်ဒူးကို
မကြောက်ချင်နေပါ အရက်မူးနေတဲ့ ကိုယ်ကျင့်သိက္ခာကိုမငဲ့ကွက်တတ်တဲ့ နှာဘူးတွေ
ကိုသတိထားကြပါ။စေတနာနဲ့သတိပေးမိတာဝေဒနာဖြစ်သွားယင်ခွင့်လွှတ်စေချင်ပါတယ်ဗျာ။ဥပုသ်မစောင့်
နိုင်တဲ့ အန်တီတို့ ကြီးတော်တို့လည်း ဘီယာလေးတမြမြ မလုပ်ကြစေချင်ပါဘူး။ယဉ်ကျေး
မှုအရပါ ကိုယ်ပိုင်လွတ်လပ်ခွင့်ကိုတားမြစ်တယ်လို့မထင်စေချင်ပါ ။မြင်လို့ရေးမိတာပါ ။
ကျွန်တော်ရေးမိတဲ့အတွက်ပရိုက်ဗေစီထိပါးတယ်လို့ပြောယင်လည်း သဘောပါဗျာ.......။
ဓါတ်ပုံတွေကတော့ Google မှ ရှာတွေ့ပါတယ် သို့သော် ရွှေဒါလင်ကွန်းမှ ဓါတ်ပုံပိုင်ရှင်(ရိုက်ကူးသူ)ကိုစိုးဇေယျထွန်းကိုခရက်ဒစ်ပေးပါတယ်ယူသုံးခွင့်ပြုရန်လည်း
အနူးညွတ်တောင်းဆိုပါတယ်
မတားလေနှင့်
ရွာမယ်ဟန်ပြင်
မိုးသခင်ကို
မရွာလေနှင့်
ဆီးတားမရ
သဘာဝလေ
ဘယ်သူဖန်ဆင်း
တားမလဲ......
မတားလေနှင့်
စိမ့်စိမ့်အေးအေး
ဆောင်းလေပွေနော့
သူလေကျော့မယ်
ဆီးတားမရ
သဘာဝမို့
ဘယ်သူမအေးနဲ့
တားမလဲ.....
မတားလေနှင့်
လေနုမွှေးမြ
အသစ်ဝေစည်
ခက်လက်စုံညီ
လှပသည်ကို
သည်လိုနွေဦး
ကြည်နူးစရာ
သည်လိုကာလ
ဂိမ္မာန်တမှာ
ဥသြချိုနှော
အစောကာလ
သဘာဝမို့
ဘယ်သူတန်ခိုးထွား
တားနိုင်မလဲ......
မတားနဲ့လေ
ချစ်တတ်ခြင်းအစဉ်
မုန်းယင်လည်းခဏ
လှိုက်လှိုက်သည်းသည်း
ကြည်နူးရင်ခုန်
ပျော်ရွှင်ချင်တဲ့
စိတ်မျိုးထွေလေ
ဘယ်သူကူလို့
တားနိုင်မလဲ......
မတားနဲ့လေ
တက်မယ်ပြင်တဲ့
ကုန်ဈေးနှုန်းကို
လိုက်လျောညီထွေ
ညှိမနေနဲ့
မတင်နဲ့ဝန်ပို
စံချိန်စံနှုန်း
သတ်မှတ်သုံးစွဲ
လောင်စာဈေးတက်
အမှားအချက်ချက်မှာ
ဘယ်သူနစ်နာ
စဉ်းစားကာလျှင်
တားမယ်ပြင်လျှက်
မတက်မနေ
တက်မယ်လေကွယ်
သဘာဝမဟုတ်လည်း
ကောလဟလ
ကြားယုံမျှနဲ့
တက်ချင်နေတဲ့
သည်ဈေးတွေကို
မတက်နဲ့လို့
ဘယ်သူဖန်ဆင်းတားမလဲ....။ ။
ညီမဝသုန်ရေ....ကျေနပ်နော်......
ဆောင်းဆိုသည်ကို
မတလေနှင့်
စိတ်ယော်ညှိုးနွမ်း
အလွမ်းတွေချည့်
မှုန်မှိုင်းဝေတော့
လေငယ်ဆော့သွေး
မနွေးနေခြည်
ဖြာလေသည်လည်း
ရင်လှိုက်ချမ်းတုန်
သည်းအူကုန်မျှ
ရင်ကသောက
ပွေမှာစိုး....
မတလေနှင့်
ဆောင်းသခင်ကို
ရင်မွန်ပိုင်ဦး
ပြိုင်ဆိုင်ရူးချင်
ဆောင်းလေနော့သွေး
ချစ်ရေးအမှား
ဆိုသည်ထားလေ
သည်းသည်းခုန်ခုန်
လှိုက်တုန်ချမ်းစေ
လွမ်းလေညှင်းနော့
ဆော့ကာကြည်စယ်
ဖြေလျော့ခွေ
နွမ်းလျက်မနေသာတကယ်.....။ ။
ညက
အမှတ်တရပါပဲ
လွန်ခဲ့တဲ့နှစ်ပေါင်း
နှစ်ဆယ်ကျော်က
တမြတ်တနိုး
တန်ဖိုးထားချစ်ခဲ့သူကို
တမဟုတ်ချင်းတွေ့ရသလိုပဲ
တကယ်ပဲ
သူပဲလား
ဝေခွဲမရခဲ့
ထိတွေ့ခွင့်ရှိခဲ့တယ်
မသိနိုင်ခြင်းတွေပါပဲ
ဟိုးအယင်လို
ဇွတ်တရွတ်ဆိုးပုံမျိုး
ခုထက်တိုင်ပဲလား
နောင်တမရခဲ့ဘူးလား
ငါ့ရင်ကတော့
ပြည့်နေခဲ့တဲ့
တချိန်ကမြတ်နိုးခြင်းတွေ
ထောက်ထားပြီး
ဒီတညတော့
မင်းဆိုးသမျှပါကွယ်
ဆိုးချင်လည်းဆိုးတော့
မခံနိုင်တဲ့အဆုံး
အဝေးဆုံးကို
ထွက်သွားယုံမှတပါး....
အမှတ်ရမိတာတစ်ခုက
နောက်ကျောဒါးနဲ့
ထိုးခဲ့ဘူးတယ်ဆိုတဲ့အတွေး
ဖျတ်ကနဲဝင်လာတာတောင်
စိတ်မနာပဲ
နေတတ်ရဲခဲ့ပြီပဲလေ.....
ဘာပဲဖြစ်ဖြစ်
ကိုယ်တိုင်အံ့သြမိတာ
ရင်မနာနေခဲ့ပါ
ဆိုးသမျှကိုလိုက်လျော
ချစ်ခဲ့ဖူးခြင်းတွေ
အမှတ်တရအဖြစ်နဲ့
ရင်မှာသဒ္ဓါပွားခဲ့
သည်းခံခြင်းတွေသာ
နွဲ့ဆိုးမဟုတ်တဲ့ပုံစံ
မင်းအမြင်မှန်မရသေးဘူးလား......
ဘဝမှာမြင်သမျှလူကို
နွဲ့ဆိုးလို့ရယင်
တခုခုပေးဆပ်ရမယ်
ဆိုတာနားလည်
ပြောစကားတွေခါးတယ်
အမှားတွေလည်းကြုံခဲ့
တရားတွေလဲစုံခဲ့
နားလည်ခြင်းအလျဉ်း
ရင်မှာကင်းယင်
မင်းဘဝနဲ့မင်း
တဒင်္ဂအတွင်း
လည်စင်းပေးတော့
လောကဓံဆိုတဲ့
စကားလုံးကနေ
လောကဒါဏ်ဖြစ်မယ်
ခံနိုင်ယင်ခံတော့........။ ။
တိမ်မထွန်းလို့
ရွာယောင်မမြင်
မိုးသက်လေနှင်
မျှော်လို့မရလည်း
ပေါ်မလာဆဲ သက်တန့်
ခေါ်စရာလည်းမဲ့ခဲ့ပါတယ်
ဖော်ကွာဝေးကာ
ပျော်စရာတွေးလည်း
ရင်ကအတွေး
ခပ်ရေးရေးသာ....
မျှော်မိတယ်ငှက်ကလေး
ဘယ်အဝေးပြေးထွက်
စွဲလန်းစိတ်နဲ့
ရင်ဖိုလှိုက်ခုန်
ခင်ငိုရှိုက်ယုံလား
တွေးမိမှားထင်
ငှက်အသွင်ပျံကြွ
ရင်ကတေးချင်း
မင်းအတွက်ညည်းယင်း....
တွေ့ချင်ပေမယ့်
မစွမ်းသာတစ်ကယ်ပါ
တွေးနေယုံကျေနပ်
နေတတ်ချင်လည်း
မှားယွင်းမှုတွေ
အလီလီဖြစ်မှာကို
စိုးထိတ်ပိုကဲ
အလွမ်းတိုးကာ
နွမ်းလျမှာစိုး....
ညတွေညတွေ
ထထထိုင်နေ
တွေးလို့ယောင်မှား
စိတ်ချောက်ခြားခဲ့
သက်တန့်ရယ်
ငှက်ကလေးရယ်
အမှောင်ထဲကမျက်နှာ
ရင်မခုန်လည်းကျေနပ်
နင်မယုံလည်း
မဖြေတတ်ပါကွယ်......။ ။
တော်ပါပြီကွာ
မလွမ်းတော့ဘူး
အလွမ်းဝေရတာနဲ့
ပန်းတွေသာကြွေယင်
ပန်းတွေလည်းစမ်းနဲ့အပြည့်
ဖြစ်တော့မယ်.......
ပန်းလှေနဲ့
နွမ်းခြေရာကောက်
စမ်းရေမှာ
ပန်းတွေနေစရာပျောက်တော့
ယမ်းယောင်ကာ
မျက်ကွယ်ပြုမယ်
စိမ်းချင်စိမ်းသွား......
မသိမခင်သလို
တစိမ်းပြင်ပြင်
နေချင်နေခဲ့
အိပ်မက်ရဲ့တောအလယ်မှာ
မောတယ်ကွယ်နွမ်းလျ
လွမ်းရလွန်းလို့ရူးချင်မိ
စူးနစ်တဲ့ဘဝရှည်
အခက်ပွေနေစရာမှားနေခဲ့
ရတက်ပွေဖြေစရာရှားစေကွယ့်လို့များ
သင့်ခဲ့သည်လားကျိန်စာ.......
ပျော်ပျော်နေ
သည်ဘဝထွေမှာ
မလွမ်းရလို့တောင်မှ
ကဗျာစပ်ဖူးသေးတာပဲ
ကဲအလွမ်းရေ
နင်အဝေးသွားတော့
သည်လိုနှင်ချင်လည်း
ရင်မှာခက်ခဲခဲ့တယ်.......
အစွဲလန်းကြီးတယ်
ဆိုကြမလား
အမြဲလွမ်းပြီး
ညည်းတွားတယ်ထင်ကုန်မယ်ပေါ့
ဒီတော့......
အလွမ်းတွေ
သည်မှာစခန်းသိမ်းလို့
ရင်ခွင်မှာငြိမ်းအေးပါရစေဦးကွယ်
ချစ်သခင်သက်ထား
အပြစ်မမြင်ပါနဲ့
ဖျက်စကားဆိုကွယ်........
အလွမ်းညိုုရယ်
တောင်စွယ်မှာကွယ်သလို
ဘဝမှာရယ်ပွဲဖွဲ့ပါရစေကွယ်
ရှောင်ဖယ်ကာပြေးထွက်လို့
အဝေးမှာပင်နေပါဦး.....။ ။
အတွေးဝေဒနာတွေ
ရင်မှာထင်ရှား
နင်လားကွယ်
ခွဲခဲ့တဲ့ အဖြစ်
ယူကြုံးမရခဲ့တဲ့
ငါ့အဖြစ်လေ....
ရင်ကချစ်ခြင်းတွေ
နှောင်ဖွဲ့ရင်းနဲ့
ရုန်းမဖယ်သာ
ရင်မှာသိုသိပ်
ခပ်မဆိတ်ခံစား
စိတ်မနောအစဉ်မှာ
မချိတရိပါ
သောကနဲ့ငိုပွဲဖွဲ့
နေ့တွေရက်တွေ
မြင်သိမှတ်မိမှား......
အလွမ်းထဲမှာ
မနေသာမနေရဲ
ဖြေဆည်ခြင်းမဲ့
နေခဲ့တဲ့ရင်ခွင်
အစဉ်....
ကွဲကြေပြုန်း
နင်လဲလေ
အမြဲသေဆုံးပြီလို့
မှတ်လို့မရခဲ့ပေမယ့်
ခုတော့သိပြီ
နင်သည်မရှိတော့......
ခွဲသွားတော့မယ်ဆိုလဲ
ကြိုပြောခဲ့ပါလားလေ
ငါအမှတ်မမှားအောင်လို့
ရုတ်တရက် အမှတ်တမဲ့
ခွဲသွားတဲ့အခါ
နေမထိထိုင်မသာဖြစ်ခဲ့တဲ့
ငါ့ရင်ခွင်က
ပျက်အိုနေတဲ့ဇရပ်လား......။ ။
လွမ်းနေခဲ့တယ်လေ
အသေချာပါပဲ
ရင်ထဲကိုဝင်လာကြည့်ယင်
တွေ့ မြင်မှာမလွဲ
တစ်ကယ်လည်းခက်ခဲပါတယ်
ရှက်သည်းဖြာကိုယ့်ရင်ဟာ
အမှတ်နည်းစွာပဲ
အောက်မေ့တမ်းတ
သတိရမိ.....
ကြွေလွင့်စောခဲ့သော
မြူနှင်းတို့နှင့်အတူ
သခင့်ဝိဉာဉ်အား
ရှေ့မှောက်ခစား
အလည်ရောက်
တပ်မက်တွယ်ငြိသော
အတိတ်မှစေတသိက်
ဖြေဆည်ရာမှီတည်ရာ
ခိုဝင်နားရာ
နေရာမှရှိပါလေစ
တွေးထင်မိသော
သခင့်ဝိဉာဉ်အတွက်သာ
ရင်မှာပူ၍မောလျသည်......
မှောင်မိုက်တိတ်ဆိတ်ခြင်းလော
သို့တည်းမဟုတ်
အေးချမ်းငြိမ်သက်ခြင်းလော
သို့တည်းမဟုတ်
အေးစက်မှောင်မိုက်ခြင်းလေလော
မကွဲပြားသည့်
အတွေးများ၏သံသရာတွင်
ဝဲလည်လှည့်လျှက်ရှိသည့်
စိတ်အစဉ်သည်
ကွေကွင်းခြင်း၏
သဘောတရားသာ......
နှစ်ကိုယ်ယှဉ်
ချစ်ကြင်ခဲ့ဖူးသော
ဖြူစင်အနမ်းတို့ဖြင့်
အတိပြီးသော
အိပ်မရသည့်ညတစ်ညသာ
သံသရာအလယ်မှာ
ကျန်ရစ်ခံစား
တမ်းတခြင်းများ
အကြင်နာလွှမ်းဖွဲ့
အနမ်းရက်များ
စိတ်တွင်ခိုဝင်
မငြိုငြင်ခဲ့ပါ
တည်မှီရာကို
တွယ်ငြိမက်မော
နေမိသည်........။ ။
ရောက်မယ်လာမယ်
အသေချာပါပဲ
ညီမလေးရယ်
တွေဝေတမ်းတ
ညညတွေမှာ
အတွေးမြင်မှောက်မှား
အဝေးနင်ရောက်သွားပေါ့~~~~
ခွဲခဲ့တယ်လေ
ခွဲရက်ခွာစွန့်
ဝေးသွားဝံ့လို့
ထားရစ်ခဲ့တာ
မဆန်းပါလည်း
တွယ်တာနှောင်ရစ်
ချည်ဖွဲ့ ထုံးခဲ့ဝေဒနာ
နေစရာဖြေဆည်ရာမရှိ~~~~
တည်တည်တံ့ တံ့
အတွေးစေရာ
ဝေဒနာပါသလား
ရင်ခွင်သည်းကြားမှာ
စွဲနစ်စူးဝင်
ရင်သည်မဟောင်း
အကောင်းတိုင်းပင်
မရှိချင်တော့~~~~~
ပေါ့စေတော့
ဝေဒနာတွေရယ်
လျော့ခွေပေါ့
ရင်ကနွေရယ်
မငိုချင်လည်း
မျက်ရည်ဝဲ
မဆိုချင်လည်း
ဖြတ်ချွေဆဲ
ဝေဒနာတေးသွား
ဆိုညည်းမိ
ငိုသည်းသည့်တိုင်~~~~~
မျက်ရည်တွေသာလျှင်
ခန်းခြောက်ခြင်း
အလျဉ်းမရှိနိုင်တော့သည့် အလားပါကွယ်
သည်းမြညှာချစ်ခြင်း
မောင့် ရင်မှာတွယ်
နှောင်ရစ်ကာနေတော့လေ
ဖြေလျော့ခွေမနေသာတကယ်~~~~။ ။
လွမ်းခဲ့တယ်လေ
ရာသီတွေပြောင်း
နှစ်တွေဟောင်းလည်း
အမှတ်တမဲ့နဲ့လည်း
မမေ့ရဲပါ
ထားရစ်ခံရသူရဲ့ဝေဒနာ
ဘယ်သူလေမြင်လို့သိမလဲ~~~
ခွဲထားခဲ့ပြီ
နှစ်သည်ရှည်ကြာ
သေရွာသွားခဲ့
ချစ်တဲ့ညီမလေး
ကွယ်လွန်ခြင်း ရှစ်နှစ်
ဘာလိုလိုနဲ့ပြည့်ခဲ့ပြီလား~~~~
ခဏလို့မတွေးခဲ့ပေမယ့်
တဘဝစာပါပဲ
တစ်ကယ်ထားရစ်ခဲ့
ယောင်ရမ်းရေရွတ်ခဲ့ချိန်တွေ
အလွမ်းသည်းလို့
ရင်ကွဲနာကျခဲ့တဲ့ ညတွေ
ညီမလေးမမြင်
ညီမလေးမသိ
ညီမလေး၏ဥပေက္ခာ~~~~
တမ်းတခြင်းတွေနဲ့
နွမ်းမောလျဝေဒနာတွေ
ဘာပဲဖြစ်ဖြစ်ညီမဆီကို
ကိုကိုလာဦးမယ်
အမှတ်တရရှိတဲ့ရက်
မှတ်မိခဲ့တဲ့နှလုံးထဲစူးနစ်
ရင်ကွဲကြေတဲ့ရက်
မှတ်မိသိရှိနေခဲ့တဲ့
ရင်ကအချစ်တွေအတွက်
အစိုးမရနိုင်တဲ့
ကိုကိုရဲ့စိတ်အတွက်~~~~~
နှင်းဆီအဝါ
ဝယ်မရခဲ့ယင်တော့
ခွင့်လွှတ်ညီမရယ်
အဲဒီရက်ဆိုယင်
အဝါရောင်နှင်းဆီတွေက
ရှားတတ်တယ်~~~~။ ။
