ခွဲသွားတဲ့သူငယ်ချင်း

တစ်သက်စာ
တဘဝပေလို့
ငါတို့တွေထင်ခဲ့
တွေ့ဆုံပျော်မြူး
ထင်ခဲ့ဘူးလည်း
ကွေကွင်းနောက်ဆုံး

အတူလည်းပျော်ခဲ့ဖူးတယ်
အတူလည်းရင်ခုန်ခဲ့ဖူးတယ်
အတူတူလည်းအလွမ်းသည်းခဲ့ဖူးတယ်
တူတူခုံမင်
နေ့ရက်တွေလျှင်
ကွေကွင်းနောက်ဆုံး

သံသရာလမ်းမှာ
အဖန်ဖန်လှမ်းခဲ့ကြ
ဘယ်ဘဝရောက်လေမလဲ
အတွေးထဲမှာ

ကာရံနဘေတွေ
အတူတူစပ်
အလွမ်းထဲရွာလည်တော့လည်း
တူတူပဲသူငယ်ချင်း

အောင်မြင်ခြင်း
ကျော်ကြားခြင်းတွေ
မင်းအတွက်ရောက်လာမှ
ခွဲသွားသလား
အတွေးမှာထင်ထားခဲ့
အဝေးမှာမြင်မသွားခဲ့ပါကွာ

သေခြင်းတရား
ဘယ်အချိန်လာမလဲ
ဘယ်သူမြင်မိ
သိမလဲလေ
ခွဲသွားခဲ့
နှုတ်တောင်မဆက်ပဲနဲ့
ဒီတခေါက်တော့
တိတ်ဆိတ်စွာ
ငါတွေဝေနေခဲ့ရ
ယူကြုံးမရတဲ့အဖြစ်
ကြယ်တစ်ပွင့်
ကြွေလွင့်ခြင်းလား
အတောက်ပဆုံအချိန်မှာ
ခွဲခွာလို့လွင့်..........။     ။