တိမ်မထွန်းလို့
ရွာယောင်မမြင်
မိုးသက်လေနှင်
မျှော်လို့မရလည်း
ပေါ်မလာဆဲ သက်တန့်
ခေါ်စရာလည်းမဲ့ခဲ့ပါတယ်
ဖော်ကွာဝေးကာ
ပျော်စရာတွေးလည်း
ရင်ကအတွေး
ခပ်ရေးရေးသာ....
မျှော်မိတယ်ငှက်ကလေး
ဘယ်အဝေးပြေးထွက်
စွဲလန်းစိတ်နဲ့
ရင်ဖိုလှိုက်ခုန်
ခင်ငိုရှိုက်ယုံလား
တွေးမိမှားထင်
ငှက်အသွင်ပျံကြွ
ရင်ကတေးချင်း
မင်းအတွက်ညည်းယင်း....
တွေ့ချင်ပေမယ့်
မစွမ်းသာတစ်ကယ်ပါ
တွေးနေယုံကျေနပ်
နေတတ်ချင်လည်း
မှားယွင်းမှုတွေ
အလီလီဖြစ်မှာကို
စိုးထိတ်ပိုကဲ
အလွမ်းတိုးကာ
နွမ်းလျမှာစိုး....
ညတွေညတွေ
ထထထိုင်နေ
တွေးလို့ယောင်မှား
စိတ်ချောက်ခြားခဲ့
သက်တန့်ရယ်
ငှက်ကလေးရယ်
အမှောင်ထဲကမျက်နှာ
ရင်မခုန်လည်းကျေနပ်
နင်မယုံလည်း
မဖြေတတ်ပါကွယ်......။ ။
No comments:
Post a Comment