နှုတ်ဆက်ချင်ပြီဒီဇင်္ဘာ ၊

ဘာလိုလိုနဲ့
တနှစ်ပြီးတနှစ်
ပြီးဆုံးသွားခဲ့
ကုန်တော့မယ့်နှစ်ဟောင်းကိုပဲ
နှမြောသလိုလို
လာတော့မယ့်နှစ်သစ်ကိုပဲ
ကြိုချင်သလိုလို
စိတ်ထဲမှာနှစ်မျိုးနှစ်ခွ
ဖြစ်နေလေရဲ့...........

ဘယ်လိုဖြစ်ဖြစ်
တားရစ်လို့မရနိုင်
မထားရစ်လို့မရနိုင်မယ့်အတူ
နှစ်ဟောင်းကိုရင်မနာပဲနှုတ်ဆက်
နှစ်သစ်ကိုချစ်ခင်စွာနဲ့ကြို
အပြစ်မမြင်ပဲ
အချစ်ဝင်ဆဲပါကွယ်
ဇန်န၀ါရီဟာ
ခပ်တည်တည်
သူမသိသလို
လူသိမခံချင်တဲ့မျက်နှာနဲ့
အိုက်တင်ခံနေရဲ့..............

ဘာပဲဖြစ်ဖြစ်
နှစ်ထောင့်ရှစ်ကိုနှုတ်ဆက်ပြီး
နှစ်ထောင့်ကိုးကို
နှစ်သက်စွာနဲ့ကြိုပါတယ်။ ။

ရင်မှာထိရှသော ပေါ့လျော့မှုများ

ပြောရလျှင်တော့အပြစ်သာဖြစ်ချေရော့မည် ယနေ့နေ့လည်ပိုင်းလောက်က တွေ့လိုက်ရတဲ့အဖြစ်လေးတစ်ခု
ဖြစ်ပါသည်။ ကားတိုက်မှု တစ်ခုသာ မျက်စေ့ရှေ့တွင်မျက်ဝါးထင်ထင်မြင်တွေ့လိုက်ရသောကိစ္စသာဖြစ်တော့
ရင်ထဲတော်တော်မကောင်းပါ မင်းဓမ္မ လမ်းပေါ်တွင် သာဖြစ်လေသည် ။ကလေးတစ်အုပ်ထဲမှ ကလေးငယ်တဦး
ကားလမ်းဖြတ်အပြေး ကျွန်တော့ ရှေ့မှမောင်း သွားသောကားက၀င်တိုက်မိခြင်းဖြစ်လေသည် ။ထိုမြင်ကွင်းကို
ထင်ရှားစွာမြင်တွေ့ရသောကျွန်တော့အဖို့ စိတ်မကောင်းမိပါချေ ထိုအဖြစ်ပျက်က ကျွန်တော့အတွေးကိုပိုမို
ရှည်လျားစွာဆွဲဆန့်မိစေတော့၏။ အထက်ပါအဖြစ်ပျက်သည် မည်သူ၏ အပြစ်ဖြစ်သည် ကို ကျွန်တော့တွင်
ဆုံးဖြတ်ရန်ခက်ခဲခဲ့ချေတော့၏။ တရားဥပဒေအရ ယာဉ်မောင်းသူ ထံအပြစ်လုံးလုံးလျားလျား ကျပေတော့
မည် ။ ပြန်ပြောရန်အခွင့်လမ်းမရှိပါချေ။ယာဉ်မောင်းသူသည်လည်း စည်းကမ်းမဲ့စွာမောင်းနှင်ခြင်းမဟုတ်
သည်ကိုကျွန်တော်ကိုယ်တိုင်မြင်တွေ့ ခြင်းဖြစ်ရသဖြင့် ACCIDENT ဟု နာမ တွင်စေသော်လည်း တဦးဦး
တွင် တာဝန်ရှိသည်မှာအသေချာပင်ဖြစ်သည် ။ထိုကလေးငယ်သည် သေဆုံးမည်မှာဧကန်မလွဲပေ ။ပစ်ကပ်
ကားနှင့်တိုက်မိကာ အရှိန်ဖြင့်ကား၏ အရှေ့မှ ကားအောက်သို့လုံးလုံးလျားလျား ရောက်ရှိသွားခြင်း
ဖြစ်ချေသည် ။ရင်ထဲတွင်တော်တော်မကောင်းမိပါ။သားသမီးမကောင်းမိဘခေါင်း ဟုစကားရှိသော်ငြား အား
အားယားယား ခြင်ကိုက်တိုင်း ကလေးမွေးထားသောမိဘ များကိုသာအပြစ်ဆိုလိုက်ချင်ပါတော့သည် ။
ကလေးတစ်ယောက်
လူ့လောကသို့ရောက်ရှိလာရန်ခက်ခဲ ပါ၏ သို့သော် ရောက်ရှိလာသောကလေး ကိုထိန်းသိမ်းစွာမွေးမြူထိန်း
ကျောင်းခြင်းသည် ပိုမိုခက်ခဲမည်ထင်ပါသည် ။ထိုကလေး၏ ရှင်သန်ခြင်းအနှစ် လူလားမြောက်ခြင်း စသည်တို့
ကိုထည့်မတွက်သော မိဘများရှိနေခြင်းသည် ၀မ်းနည်းဖွယ်ရာဖြစ်ချေသည်။ ကျွေးမွေးမပျက် ၊ဆောင်ရွက်စီမံ
အစချီမိဘ၀တ္တရား ငါးပါးကျေပွန်စေချင်သည် သားသမီးများမွေးထားသော်လည်း ထိုသားသမီးတို့ကိုမစောင့်
ရှောက် သောမိဘများ ပေါလှချေသည်ဟုမိမိကိုယ်သာနှုတ် ဆိတ်အောက်မေ့နေမိချေ၏ ။အမှန်တစ်ကယ်ဆို
ရပါမူ မိမိတို့၏သားသမီးများအရွယ်မရောက်ခင် တွင်မိမိတို့၏မျက်စေ့အောက်တွင်သာရှိနေစေသင့်သည်
အရွယ်ငယ်ငယ် လေးတွေ အက်ဆီးဒင့်နှင့်သေကုန်တယ်ဆိုသည့် စကားသံကား........
ရင်ထဲတွင်အမှန်မချိပါချေ ကလေးများကိုပစ်ချင်သလိုပစ်ထားခဲ့ပြီး တခုခုဖြစ်တော့မှ ကလေးကိုပိုက်လျှက်
အမလေးငါ့သားလေးငါ့သမီးလေးဟု အသံကောင်းဟစ်နေ မည့်အစား အရွယ်မရောက်သေးသောကလေး
ငယ်များကိုမိမိတို့၏ မျက်စေ့ရှေ့တွင်သာ ထားသင့်ပါသည်။ထိုကိစ္စများကားပြောရန်ခက်ခဲလှပါ၏။
မလွယ်ကူသော ကိစ္စများလည်းမဟုတ်ပါချေ ၀မ်းရေးကိုအကြောင်းပြကာ ကလေးများကိုကားလမ်းပေါ်တွင်
လွှတ်ထားသောမိဘများလည်းရှိချေ၏ ။ မိဘ၀တ္တရား ကျေပွန်လျှင် သားသမီးတို့သည်လည်းသားသမီးဝတ္တရား
ကျေပွန်ကြလိမ့်မည်ဟုထင်မြင်မိလေသောကျွန်တော့၏တဇွတ်ထိုးတယူသန်အတွေးကြောင့်ဖြစ်လေမည်လား...
ခက်သည်က ကျွန်တောကမျက်စေ့ထဲတွင် ကားအောက်၌ တုံးလုံးလဲလျှက် ခေါ်၍ မရတော့သောကလေးငယ်၏
ပုံရိပ်က အိမ်ပြန်ရောက်သည်အထိ မြင်မိနေဆဲ ၊ မိဘများ ကလေးအုပ်ထိန်းသူများကိုမေတ္တာရပ်ခံချင်ပါသည်
မိမိ တို့၏ရင်သွေးများကိုပစ္စလက္ခတ် လမ်းများပေါ်တွင် လွှတ်ထားခြင်းသည် တိရိတ္ဆန်များကို လွှတ်ကျောင်းသည့်
အလေ့နှင့် တူနေပါသည်ဟုဆိုလျှင်.............

အတိတ်ကမင်္ဂလာဆောင်

ကြမ်းတမ်းတဲ့လက်များမှာ
နု ညံ့ တဲ့ကဗျာတွေရှိတယ်.....

ရင့်ကျက်တဲ့ နှလုံးသားမှာ
ပြည့်ဝတဲ့စေတနာတွေရှိတယ်....

မာကျောတဲ့ ရင်ဘတ်မှာ
ချစ်တဲ့သူအတွက်
ချစ်ခြင်းတရားတွေရှိတယ်......

မလှောင်ပါနဲ့ငါ့ကို
နှင်းတွေ ဝေတိမ်တိုက်တွေ
ပြိုကျတဲ့နေ့က
မာကျောတဲ့ရင်ဘတ်ထဲက
မင်းကိုလွမ်းတဲ့သာဓကကို
ကဗျာအဖြစ်ရေးခဲ့ဘူးတယ်.........

တမ်းတမိတဲ့နေ့က
အလွမ်းတရားအပြည့်နဲ့
ကျောပိုးအိတ်ကိုလွယ်
ကမ္ဘာနယ်အနှံခြေဆန့်
ခရီးထွက်ခဲ့ဘူးတယ်........

အမှန်တော့မာကျောတဲ့
ရင်ခွင်နဲ့ နှလုံးသားဟာ
အလွမ်းတရားတွေပိုက်
စကြ၀ဠာ အစွန်းနားမှာ
နှင်းတွေကိုငုံ့ကြည့်
တစ်ကယ်တော့
တမ်းတခြင်းတွေနဲ့
နုနွဲ့တဲ့ ရင်အစုံက
မြင်ယုံနဲ့မသိနိုင်
မချိတင်ကဲ ရယ်ပွဲဖွဲ့တဲ့ရက်တွေဆို
တခါတခါလေ "မီး" ကို
သတိရတယ်
ဒီနေ့ဟာ
ဟိုး.....လွန်ခဲ့တဲ့ ကိုးဆယ့်လေးက
မင်္ဂလာတစ်ခါဆောင်တဲ့နေ့ပေါ့..........။ ။

ကျွန်တော် ချစ်ခင်နှစ်သက်သောဘလော့ နှင့်ဘလော့ဂါများ လင့်ချိတ်ထားသောဘလော့များ

၁။ ကူကူး ဆိုတာစန္ဒကူးမေလို့ ခေါ်ပါတယ် ကျွန်တော်ကတော့ကူကူးလို့ပဲခေါ်ပါတယ် သူကတော့ထူးဆန်းစွာ
နာမည်ပြောင်များကို ပေးတတ်သူပါ ကြံဖန်ပြီးလည်းတွေးတတ်သူပါ ကပ်သီးကပ်သပ် အတွေးလေးတွေသူ့ဆီ
ကရတတ်တယ် သူနဲ့ကျွန်တော်က လွန်ခဲ့သောနှစ်ဒီဇင်္ဘာမှာသေသေချာသိကျွမ်းခဲ့ တာပေါ့ ကျွန်တော်တို့
ချစ်တဲ့ ပဒုမ္မာတွေ့ဆုံပွဲမှာပါ ။သူကတော့ကျွန်တော့ကို ဥဥ လို့ခေါ်တတ်ပါတယ် ။ ဘလော့ဂါဆိုဒ်တွေထဲ
ဝင်ယင် သူ့ဆိုဒ်ကိုအယင်စ၀င်တတ်ပါတယ် ပြီးမှ sign in လုပ်တတ်တာပါ ပထမဆုံး ခင်တွယ်ရတဲ့ဘလော့
လေးတစ်ခုပါ ။(သူကတော့ စိတ်ခံစားမှုကိုအသားပေးတာထက်ဟင်းချက်စားနေတာ များတယ် :) )

၂။ပဒုမ္မာ နွေးထွေးတဲ့မိသားစုအသိုက်မြုံလေးတစ်ခုပါ ကျွန်တော်ကတော့ ကျွန်တော့ဝိဥဉ် နားခိုရာလို့သတ်
မှတ်ထားမိတဲ့ ဖိုရမ်တစ်ခုပါ။

၃။ချစ်သူကိုကို ဆိုတာကတော့ ကျွန်တော်ကဗျာတွေချည်းရေးမယ်လို့ စိတ်ကူးထားပြီးလုပ်ထားဖြစ်တဲ့
ဆိုဒ်လေးပါ။ခုတော့ဆက်မရေးဖြစ်ပါဘူး ကဗျာတွေလဲချစ်သူမောင်မှာပဲတင်ဖြစ်တာမို့။

၎။ဘလော့ဂါကိုမသုံးခင်က ကျွန်တော် မာတီပလိုင်းမှာသုံးပါတယ်၊အဲဒီဆိုဒ်က ဒုတိယအကြိမ် လုပ်ဖြစ်တဲ့ဆိုဒ်ပါ
ပထမအကြိမ်ကတော့ ဖျက်ပစ်ခဲ့ဘူးပါတယ် အကြောင်းကြောင်းကြောင့်။

၅။ တေဇာ ဆိုတာ တစ်ကယ်တော့အပြင်မှာမတွေ့ဖူးပါဘူး ဂျီတော့ထဲကနေပြီး သူ့ဆိုဒ်ကိုစ၀င်ဖြစ်ရာကနေ
နည်းပညာအကြောင်းနဲ့ စိတ်ဝင်စားဖွယ်ရာ လေးတွေစုစည်းထားတဲ့ဆိုဒ်လေးပါ။

၆။လိမ္မော် သီးဆိုတာကတော့ သူ့ရဲ့နစ်ခ ကအော်ရာအောရင့်ချမို့ကျွန်တော်ကတော့ခင်ခင်မင်မင် လိမ္မော် သီး
လို့ပဲခေါ်ပါတယ် ။သူကတော့သူ့ကိုယ်သူ WWH လို့နာမည်ဝှက်ပြီးပြောပါတယ်။

၇။ရှမ်းလေး ဆိုတာကတော့ မိုးကုတ်ကပါ ခင်ဖို့လည်းကောင်းပါတယ် နည်းပညာပိုင်းဆိုင်ရာသတင်းနဲ့မီဒီ
ယာ လေးတွေ တွေ့ရတဲ့ဆိုဒ်ပါ။

၈။နေနေ့တူလေး ဆိုတာကတော့ ဒေါက်တာ နေနေ ရဲ့တူလေးပါ သူကအထီးကျန်နိုင်ခြံကားမှာကျောင်းတက်
နေတာ (ခက်တာကဒေါက်တာနေနေ ဆိုတာဘယ်သူမှမသိဘူး ဆိုယင်ပြောရမှာပေါ့ အယင်တုန်းကတော့ပဒုမ္မာ
မှာ သူ့ကိုယ်သူကြွေးကြော်တယ.လေ God father of padonma တဲ့) ခင်မင်ရတဲ့ပဒုမ္မာအဖွဲ့သားပေါ့။

၉။ပေါ့ကျလေး တီးဆိုတာကတော့ သူ့ကိုယ်သူကြော်ငြာဝင်ယင်း လိုက်ဖတ်ဖြစ်ပြီးစိတ်ဝင်စားစရာမို့လို့
လင့်ခထားတာပါ။

၁၀။ပန်းခရေဆိုတာပေခရမ်းပါ သူ့ဆိုဒ်လေးဝင်ယင် အမြဲစိတ်ချမ်းသာစေအောင် Background ကောင်းကောင်း
လေးတွေပြောင်းထားတတ်ပါတယ်။

၁၁။Pinkgold လူချင်းမရင်းနှီးပါ သူ့ဆိုဒ်လေးလဲချစ်စရာမို့လင့်ခ ချိတ်ထားလိုက်ပါတယ် ။

၁၂။မနော်ဟရီ ဆိုတာဆရာတာရာမင်းဝေရဲ့ ဇနီးလား အဲဒီနစ်(ခ) နဲ့ရေးတာများတယ်လေ၊သူတို့ရဲ့ မင်္ဂလာဆောင်
ဖိတ်စာလေးကို အခု ဦးဇင်းဖြစ်နေတဲ့ စာပဒေသာမောင်လှထွေးတို့ဆီမှာတွေ့ခဲ့တာ ဘာမှမကြာသေးဘူးလို့ထင်
တုန်းဆရာတာရာမင်းဝေမရှိတော့တာအိပ်မက်ဆန်ဆန်ပဲ.......

၁၃။ပေါက် ဖော်ဆွေမျိုး ကတော့ ပဒုမ္မာ က ပေါက်ပါ။

၁၄။ရင်ခွင်ထဲကချစ်သူမောင်ဆိုတာကတော့ သူ့ရဲ့ အချစ်တွေကိုဖုံးကွယ်သိုသိပ်ယင်း သူ့ကိုဥပေက္ခာပြုခံရသလိုခံစားနေ
ရတဲ့ခင်ကျော်ဇေပါ။

၁၅။ငွေစန္ဒာ လို့အမည်ပေးထားတာကတော့ silver moon ရဲ့ဆိုဒ်လေးမို့ပါ။

၁၆။ပဒုမ္မာအော်မေ့ဂိုဏ်းရဲ့အဆိပ်မယ်ကင်းမြီးကောက်ရဲ့ဆိုဒ် လေးပါ လျွှို့ဝှက်သိုသိပ်သော အရိပ်ခံစားရပါမယ်။

၁ရ။ဂျလေဘီနတ်အာဝါးဆိုတာကတော့ ပဒုမ္မာကိုစောင့်ပြီး ဖွံ မှန်သမျှငမ်း အဲ မှားလို့ ကောင်မလေးတွေကောင်လေး
တွေပါမကျန်ပူဇော်ရတဲ့နတ်ပါ အဲနတ်မဟုတ်ယင်တော့မူလီပဲ။နာမည်ရင်းက ဇေယျာမင်းထွန်း သူ့ဆိုဒ် လေးလဲ
လန်းတယ်။

ဟီး အချွန်နဲ့တော့မပြီးပြီ ဆဲချင်ယင်ဆဲကြတော့....................

"မီး ငယ်"အလွမ်း

ဒီနေ့မှာမောင်တို့မတွေ့ခဲ့ ကြပေမယ့် အလွမ်းတွေဝေနေခဲ့တာရင်ကသိ မှန်းကြည့်ပါမီး အလွမ်းမဝေချင် ပန်းကြွေတောမှာလွမ်း ဒီရေတိုး နှင်းမှုန်ဝေတဲ့ ဒီလဟာ မောင့်ရင်ကိုတဆတ်ဆတ်တုန်စေတယ် ဘာပဲဖြစ်
ဖြစ် လွမ်းတယ် မီးရယ် အပြစ်တင်လည်း ခံရယုံကလွဲလို့ ဘာရှိမလဲ။ အမှတ်တရလို့ပြောရအောင်လည်း မှတ်
မှတ်ရရ မီးပေးခဲ့တဲ့ အစိမ်းရောင်လွယ်အိတ်လေး ...... တော်ပြီမီး မတွေးချင် မရေးချင်တော့ပါ မောင်အချစ်
ကြီးပေမယ့် အမျက်မသို ရန်မလိုတတ်ခဲ့ပါ ရင်ထဲစူးနစ်စွာခံစားနေရတာတော့မောင့်ဖာသာ မောင်သိ ယနေ့ထိ
ပဲလွမ်းခြင်း၊တမ်းခြင်း ၊တွယ်တာခြင်းတွေကင်းဝေးစေဖို့သာ...........

အပြာရောင်မီးခြစ်တစ်လုံးရဲ့ဒဏ္ဍာရီ

ခါတိုင်းနှစ်တွေ
တွေးတွေးနေကျ
ရေးနေကျပဲ
ဒီနှစ်ထဲမှ
ဘာတွေစိတ်ကူး
ထူးမလာခဲ့
တွေးလို့မထွက်
အရေးခက်ခဲ့...........

ရေးမိပြန်သော်
ပြောခံရမည်
"မီး"ကိုမောင်လေ
တသသလို့..........

တွေးဆွေးစိတ်မှာမပြေ
ရေးရေးစိတ်မှာ
ထင်ကျန်နေခဲ့
မီး ရဲ့အရိပ်
မီး ရဲ့အသံ
မီး ရဲ့ဟန်တွေ
ပြန်မြင်ယောင်သား
အတွေးမှားသလို
ဆောင်းရဲ့အိပ်မက်
ကယောက်ကယက်လား.............

အိပ်မက်တစ္ဆေ
အရိပ်တွေအဖြစ်
ရင်ခွင်ပျက်အောင်
ချောက်လှန့်နေလား
သာယာတဲကစကားသံ
အစ်တစ်တစ်ရယ်သံ
မီး ပုံဟန်ကို
တွေးမိမြင်မက်
အိပ်မက်ထဲတွင်
မီး သာစိုးမိုး
နေရာယူ.........

Nov-Dec အိပ်မက်
ဘ၀ပျက်စေ
ခဏ..ခဏအခက်ပွေခဲ့
ရတက်တွေဝေလည်း
နော့(ဗ)ဒက်(ဇ) ရောက်လျှင်
အလွမ်း ပင်သည်
ရှင်သန်နိုးထ
မုန်းမရတဲ့
စိတ်လေလား
အတွေးမှားခဲ့
တကယ်သာဆို
ခါးခါးတူးတူး
မုန်းရမှာ............

Nov-Decဆိုတာ
ပေါ့ပျက်ပျက်စကားတွေ
ပြောဆိုနေကျ
လို့ ထင်ယင်မှားမလား
စိတ်ထဲမှာထင့်
သံသယ၀င်
ဘယ်သောအခါမှ
မကြောင့်ကြချင်တော့
ခပ်ပေါ့ပေါ့ရယ်ဖြစ်
အတွေးသစ်မှာ
မလိုတမာ
လွမ်းတတ်တာကို
ရင်မှာမြိုသိပ်
တမင်တကာ
သိုသိပ်လည်း............

ခွဲခဲ့ရသည်
မောင့်ညရှည်ခဲ့
အတိတ်ဆိုသည်
ရင်ကိုကြေကွဲ
မနေရဲအောင်
ဒုက္ခဆောင်လို့
အနေမတတ်
နေရကျပ်လည်း
အရိပ်ပုံစံ
နှောင့်ယှက်ဟန်သည်
စိတ်ကိုအစဉ်
စိုးမိုးနှင်သလို
ချစ်ခင်စေသား
အတွေးမှားကဗျာချို
အရေးသားသာပိုလာခဲ့
ဘာမှမတွေးဘူး
ဘာထူးခြားမလဲဆိုပေမယ့်
ကဗျာဖြစ်တည်
မောင့်စိတ်ဆီတွင်
မီး သည် နက်ရှိုင်းစွာခိုဝင်
နေရာယူ...........

သစ္စာဖောက်ရက်တယ်လို့
မောင့်စိတ်ထဲရှိတဲ့
အငြိုး တရားဟာ
တကယ်တမ်းတော့
တိတ်တိတ်လေး
ခိုး ပြီးခွင့်လွှတ်တတ်ခဲ့မှန်း
မောင် ယောင်ရမ်းပြီးတောင်မှ
မသိခဲ့ရရိုး အမှန်ပါ........

လွမ်းတယ်လို့မဆိုသာပေမယ့်
တိုးတိုးတိတ်ကြိတ်လွမ်းနေခဲ့တဲ့
မောင့်ရဲ့ ရင်အစုံဟာ
နာလာယုံကလွဲပြီး
ကျန်တာ ကဗျာတွေဖြစ်တယ်
ရင်မှာနာပေမယ့်
နင်ဟာကဗျာဖြစ်တယ်
ကြင်နာခဲ့ပေမယ့်လည်း
နင်ဟာတရားခံဖြစ်တယ်
အဲလိုစွဲချက်တွေနဲ့
ကဗျာတွေအထပ်ထပ်တွေး
စာတွေဆက်စပ်ရေးခဲ့
အလွမ်းတရား
အချစ်ရဲ့သဘောတရားဟာလေ
ဘာနဲ့မှမတူ
လူကိုအူတူတူဖြစ်စေတယ်...............

ဘာပဲဖြစ်ဖြစ်ပေါ့
တချိန်က
ယုဇနပွင့်ရဲ့
ဒိုင်ယာရီမှတ်တမ်း
အလွမ်းခန်းမှာ
မှတ်တမ်းအဖြစ်
အပြာရောင်မီးခြစ်တစ်လုံးရဲ့
ဒဏ္ဍာရီတပုဒ်
လျှို့ဝှက်စွာတည်ရှိခဲ့လေရဲ့
ဒါပေမယ့်လေ
မရှိခိုးနိုး မျက်နှာမျိုးနဲ့တော့
မိုး မကြည့်နဲ့ပေါ့ကွယ်...........။ ။