ညီမလေးအတွက်လွမ်းချင်း

လွမ်းခဲ့တယ်လေ
ရာသီတွေပြောင်း
နှစ်တွေဟောင်းလည်း
အမှတ်တမဲ့နဲ့လည်း
မမေ့ရဲပါ
ထားရစ်ခံရသူရဲ့ဝေဒနာ
ဘယ်သူလေမြင်လို့သိမလဲ~~~

ခွဲထားခဲ့ပြီ
နှစ်သည်ရှည်ကြာ
သေရွာသွားခဲ့
ချစ်တဲ့ညီမလေး
ကွယ်လွန်ခြင်း ရှစ်နှစ်
ဘာလိုလိုနဲ့ပြည့်ခဲ့ပြီလား~~~~

ခဏလို့မတွေးခဲ့ပေမယ့်
တဘဝစာပါပဲ
တစ်ကယ်ထားရစ်ခဲ့
ယောင်ရမ်းရေရွတ်ခဲ့ချိန်တွေ
အလွမ်းသည်းလို့
ရင်ကွဲနာကျခဲ့တဲ့ ညတွေ
ညီမလေးမမြင်
ညီမလေးမသိ
ညီမလေး၏ဥပေက္ခာ~~~~

တမ်းတခြင်းတွေနဲ့
နွမ်းမောလျဝေဒနာတွေ
ဘာပဲဖြစ်ဖြစ်ညီမဆီကို
ကိုကိုလာဦးမယ်
အမှတ်တရရှိတဲ့ရက်
မှတ်မိခဲ့တဲ့နှလုံးထဲစူးနစ်
ရင်ကွဲကြေတဲ့ရက်
မှတ်မိသိရှိနေခဲ့တဲ့
ရင်ကအချစ်တွေအတွက်
အစိုးမရနိုင်တဲ့
ကိုကိုရဲ့စိတ်အတွက်~~~~~

နှင်းဆီအဝါ
ဝယ်မရခဲ့ယင်တော့
ခွင့်လွှတ်ညီမရယ်
အဲဒီရက်ဆိုယင်
အဝါရောင်နှင်းဆီတွေက
ရှားတတ်တယ်~~~~။     ။