လွမ်းလက်စ
လွမ်းလက်စမှမကုန်သေးခင်
လာပြန်ပြီနှင်းငွေ့တွေ
မိုးတွေသည်းလို့ကောင်းနေတုန်း
ဗြုန်း..ဆိုဆောင်းရောက်လာတယ်...........
မြူတွေထောင်းလမောင်းထအောင်ဆိုင်းလို့
မှိုင်းညို့ညို့ဟိုတောတန်း
ဖြတ်သန်းဖို့ကြံခဲ့စဉ်က
နေရာမရွေးတဲ့အလွမ်း
သူကပဲတပန်းသာရော့သလား
အမေးများစွာအတွေးတရား........
အစဉ်မှာ....ဘေးမများချင်တာလဲပါရဲ့
အနန္တသူရိယ..အမတ်ကြီးရေးတဲ့
"သူတည်းတယောက်".....အစချီတဲ့
မျက်ဖြေလင်္ကာကရော
ရင်ကိုတိုက်စားခဲ့လေသလား.......
အမှတ်များစွာ.....ရင်ခွင်မှာစု
ရတနာလိုဥထားတဲ့
စေညွှန်ရာကိုရော်ရမ်းမှန်းဆ....
တမ်းတရတာအကြိမ်ကြိမ်ပါပဲ.......
ထောင်းလမောင်းကြေတဲ့
ဆောင်းပေါင်းလည်းမနည်းတော့
ခပ်ပေါ့ပေါ့လေးတွေးရယင်လေ
လွမ်းနေချင်သေးတယ် ။ ။
No comments:
Post a Comment