မင်းဆံပင်ထက်ပိုပြီး
ရှုပ်ထွေးများပြားတဲ့
မာယာအတတ်တွေကို
ဘယ်သူကဘယ်သူ့ကို
ဘယ်ခေတ်တည်းက
လက်ဆင့်ကမ်းလိုက်သလဲ၊
တကယ်တော့......တို့အားလုံး
မာယာတောမှာမျောခဲ့ကြ
မာယာတောမှာမောခဲ့ကြ
ခဏခဏဆိုသလိုပ၊
ခွဲခဲ့ကြခွာခဲ့ကြ
မာယာအနန္တနဲ့လူဖြစ်ခဲ့ကြ
တကယ်တွေးကြည့်ယင်
ဘယ်လောက်ခံပြင်းစရာကောင်းလိုက်လဲလို့
စဉ်းစားတိုင်းရင်နာယုံကလွဲလို့
ဘာတတ်နိုင်ခဲ့လို့လဲ
တကယ်တော့မာယာတောမှာ
မောခဲ့ပေါင်းလဲများပြီ
ထောင်စုနှစ်တခုမက
ရှိနေခဲ့မလားပဲ၊
တကယ်ပဲ ကဲကိုကဲတယ်
အမြဲလဲလွဲခဲ့တယ်
ဝင်္ကဘာမာယာတောမှာ
ရင်နာကာပြောချင်ပေမယ့်
နင့်တခါမြင်ရဖို့အရေး
မာယာပရပွအတွေးတွေမှာ
ငါဟာတဘဝပေးဆပ်
အရာရာဟာ
ချည်ေနှာင်ရစ်ပတ်......။ ။
No comments:
Post a Comment