ခွဲသွားတဲ့သူငယ်ချင်း

တစ်သက်စာ
တဘဝပေလို့
ငါတို့တွေထင်ခဲ့
တွေ့ဆုံပျော်မြူး
ထင်ခဲ့ဘူးလည်း
ကွေကွင်းနောက်ဆုံး

အတူလည်းပျော်ခဲ့ဖူးတယ်
အတူလည်းရင်ခုန်ခဲ့ဖူးတယ်
အတူတူလည်းအလွမ်းသည်းခဲ့ဖူးတယ်
တူတူခုံမင်
နေ့ရက်တွေလျှင်
ကွေကွင်းနောက်ဆုံး

သံသရာလမ်းမှာ
အဖန်ဖန်လှမ်းခဲ့ကြ
ဘယ်ဘဝရောက်လေမလဲ
အတွေးထဲမှာ

ကာရံနဘေတွေ
အတူတူစပ်
အလွမ်းထဲရွာလည်တော့လည်း
တူတူပဲသူငယ်ချင်း

အောင်မြင်ခြင်း
ကျော်ကြားခြင်းတွေ
မင်းအတွက်ရောက်လာမှ
ခွဲသွားသလား
အတွေးမှာထင်ထားခဲ့
အဝေးမှာမြင်မသွားခဲ့ပါကွာ

သေခြင်းတရား
ဘယ်အချိန်လာမလဲ
ဘယ်သူမြင်မိ
သိမလဲလေ
ခွဲသွားခဲ့
နှုတ်တောင်မဆက်ပဲနဲ့
ဒီတခေါက်တော့
တိတ်ဆိတ်စွာ
ငါတွေဝေနေခဲ့ရ
ယူကြုံးမရတဲ့အဖြစ်
ကြယ်တစ်ပွင့်
ကြွေလွင့်ခြင်းလား
အတောက်ပဆုံအချိန်မှာ
ခွဲခွာလို့လွင့်..........။     ။

ရောင်စဉ်လေးညှို့ သို့ တမ်းခြင်း

ရောင်စဉ်လေးညှို့ရယ်
ရှောင်ဖယ်မယ်ဆိုယင်လည်း
ရင်ကဒါဏ်ရာ
စာနာစွာဖေးမ
တွေးဆပေးခဲ့ပါဦးလေ.....

ရောင်စဉ်လေးညှို့ရယ်
မောနေတဲ့ကိုယ့်ရင်ခွင်
မင်းမမြင်သာအောင်
အလွမ်းတွေစုပြီး
တမ်းတခြင်းတွေထုတက်
အလွမ်းတွေရက်ဆက်
မရှည်စေလို
နွမ်းကြွေအမျက်ထွက်
မနေစေလို
ပန်းတွေထွက်သက်
ပြေစေလို
အနေမပိုလည်း
အဖြေလိုဆဲဝေဒနာ
နေ.....မငိုရဲပါ
ပိုသည်းရင်ကဝေဒနာ......

ရောင်စဉ်လေးညှို့ရယ်
အမုန်းမျှားအစင်းစင်း
ပစ်ခွင်းမယ်ဆိုယင်လည်း
နာကျင်စွာအပ်နှင်း
ကိုယ့်ဖြစ်ရပ်အရင်းနဲ့
နှလုံးသားကချစ်ခြင်း
ထုဆစ်ခြင်းတွေကို
ဆန်းစစ်ကာဆင်ခြင်
မှားနေယင်တောင်မှ
အပြစ်ရယ်လို့မယူစေချင်ပါ....

ရောင်စဉ်လေးညှို့သခင်
မှောင်နေတဲ့တစပြင်လို
မောင့်ရင်ကိုထွန်းလင်းလှည့်
ဘဝမှာတခဏတာ
တွယ်ငြိတပ်မက်နေချင်သေးတယ်
ပကာသနပဲဖြစ်ဖြစ်
မာန်မာနပဲဖြစဖြစ်
သဘောရှိပါကွယ်
ငယ်ဂုဏ်လေးနဲ့
စပယ်ရုံနဘေးမှာ
လွယ်ယုံလည်းမတွေးနဲ့ပေါ့ကွယ်....

ရောင်စဉ်လေးညှို့ ရယ်
ခဏတာဆိုတဲ့ဘဝမှာ
မကြာခဏအမှားမဖြစ်ပဲ
သဘာဝအဆင်းအဖြစ်
ချစ်နေယင်းနဲ့ပေါ့
ခဏတာသာတည်တံ့မယ့်
မင်းရဲ့အဖြစ်ကို
တွေးလို့ရင်လေး
မောင့်အတွေးစတွေ
ညတာရှည်..........။     ။

သိပါလေ.....သခင်

သခင်
ရင်ထဲမှာ
နင်အမြဲရှိတယ်
အစဉ်ပဲလေ
ထာဝရချုပ်နှောင်
သံယောဇဉ်နွယ်မျှင်က
တင်းတရစ်ရစ်
တိုးတိုးဖြစ်ကျန်
ရင်မှာဖော်ဝေး
ကွာဝေးခဲ့ကြ
ငါတို့ဘဝတွေ.....

အမှတ်တမဲ့
အမှတ်တရ
ဘာပဲဖြစ်နေနေပေါ့
တွယ်တာနှောင်ရစ်
သိပ်ချစ်ခဲ့ကြတာလား
တစ်ဖက်သတ်ဖြစ်
ငါပဲချစ်ခဲ့သလား
အမှတ်မှားတွေ
မတွေးချင်
မတွေးလို
သို့ပေမယ့်
အတွေးပိုခဲ့.......

ချစ်ခဲ့မိသည်
နှစ်ပေါင်းရှည်ကြာ
ကြာကြာလာလျှင်
ဘာမှမဖြစ်သလို
နေတတ်ပြီထင်
တစ်ကယ်ဆိုယင်
မနေတတ်သေးပါ
ဝန်ခံရလျှင်
မြတ်နိုးနေဆဲ
ချစ်နေဆဲမို့
ချစ်တဲ့လက်များ
မကမ်းသာသည်
အလွမ်းဆီမှာ
တဝဲလည်လည်........

ပျော်နေချင်သည်
လိုချင်တာမရခဲ့သည့်အဖြစ်
တမ်းတယင်း
တွေဝေနေရတဲ့အဖြစ်လေ
သခင်.....နင်သိပါစေ.......။     ။

BLOG DAY !!!!!!!

အစဥ္လာထဲ
မဂၤလာ အၿမဲလို႕
ခြန္းေခၽြဆုေတာင္း
ဘေလာ႕ဂါအေပါင္းလည္း
တစ္ႏွစ္တစ္ခါ
ဘေလာ႕ေဒးမွာ
ဘေလာ႕ဂင္းကို
စိတ္၀င္စားမပ်က္
ဖတ္ရႈသူမ်ားလည္း
က်န္းမာခ်မ္းသာလွ်က္
31082012 ေန႕
BLOG DAY အတြက္
ေတာင္းဆုေခၽြလွ်က္.......။     ။

ခ်စ္ခင္ေလးစားစြာျဖင္႕
ခ်စ္သူေမာင္

ကြွက်ကြောင့်ဖြစ်တဲ့အတွေး

အချစ်ဦးလေ
ညနေကသူ....... ဖုံးဆက်တယ်
ရင်တွေခုန်လိုက်တာ

သူဘာပြောလည်း
သိချင်ကြသလား
ရေစက်မကုန်သေးဘူးတဲ့လေ

ဟင်.....ဟုတ်ရဲ့လား
ငါကမေတ္တာရှိယင်းစွဲမို့
မခွဲ အမြဲ နေချင်သေးတာနော်

အမှန်တော့ ....ဘာမှမဟုတ်တဲ့
သာမာန်ကိစ္စလေးတစ်ခုပါ
ငါကအတွေးတွေချော်နေတာမို့

စိတ်မခိုင်လည်း
ယိုင်လဲပြိုကာနေတော့မယ်
ဖောက်ပြန်တဲ့အတွေး
မတွေးစတမ်း.........။      ။

ရွာလေရွှေမိုး

မိုးရိပ်ကညို
စိုးစိတ်ပိုခဲ့
သည်းသည်းညံညံ
ရွာဟန်ရှည်လှ
သည်ညတွေလေ
အတွေးမဆုံး......

ဆုံးစမထင်
မျက်နှာရှစ်ခွင်
တိမ်ဆင်ရာမိုး
စိတ်မှာစိုးထင့်
ညို့ညို့ညိုကာ
ရွာလေရွှေမိုး
သည်းသည်းလှိုက်ကာ
ချမ်းစိမ့်တုန်........

ဖြောက်ဖြောက်မြည်ဟီး
ရွာလေပြီးသော်
တန်တန်မစဲ
ဘယ်အငြိုးနဲ့
ရွာလေလဲလေ
လျှပ်နွယ်ဝင်းဝင်း
သူခင်းကျင်းကာ
ငြိုးမာန်ပိုမှာ
အကျွန်တွေးကြောက်
စိုးစိတ်နှောက်သည်......

ဖောက်ပြန်မြည်ဟီး
တေးသွားညည်းသံ
ဖော်ဝေးသံလား
ထင်ယောင်မှားသည်
အတွေးဆိုးတွေ
ညနက်ထဲက
သံသရာမှာ
တဝဲလည်လည်........

ညိုလေတဲ့မိုး

ငြိုးငြိမ့်ငြိမ့်ညံ
စိုးတထိတ်ထိတ်
အမူပိုလို့
ရင်မှာပူ
သောကပွေရတယ်

စိုးစိမ့်စိမ့်မှန်
နေ့ရက်ညကုန်
သူယူသိမ်းတယ်
မိုးနေ့ရက်များ

ဤမိုးညိုသည်
တောင်ဖက်ဆီမှ
တိမ်တောင်တိမ်လိပ်
ရိပ်ရိပ်ထလှာ
မျက်ဝန်းမှာဆို
ကြောက်အားပိုသော
အမူယာပိုင်ရှင်
သူ...သခင်
လွမ်းနေရှာပေရော့မည်

ဟော...ပြောပြောဆိုဆို
စိမ့်စိမ့်ယိုသည်
ဖြောက်ဖြောက်မြည်ဟီး
သူလေတီးသည်
နရီစည်းနှင့်
နဘေသင့်သည်
ရွာပါရွှေမိုး
မျှော်ကိုးမိရာ
စက်ကျသံသာ
အိပ်ယာထဲမှာ
အမောင်ကွေးလင့်
မကွေးလင့်

ပြောစမ်းပါဆို
ရွှေမိုးညိုရာ
တရံခါက
အင်းလျားကန်ဘောင်ထက်က
ပျော်ရွှင်ခဲ့သော
ဘဝများသည်
ဘယ်ဆီကိုများ
ရောက်နေလည်း

တသည်သည်းနှင့်
မစဲသောမိုး
လွမ်းစိမ့်သောငှာ
သူလေဖန်သည်
တစ်ရံခါဆီက
ထီးကိုကွယ်ကာ
တစ်ခါတည်းသာ
ခိုးနမ်းခဲ့ဖူးသော
ချစ်သူ၏ပါးပြင်
ပြန်လည်တမ်းတ
လွမ်းမိ၏......။      ။

မဟားဒယားမားကက်တင်း သို့မဟုတ် spam comments များ

 phung bella said...
hi beautiful blog. We have a big classified site in Myanmar. Please visit 
us back at: http://ads.com.mm/?
cid=4fd60e51e4b0fa6db841e336&utm_campaign=ads_mm_lb_blog_ph
ung&utm_source=ads_lb_blog&utm_medium=lb_blog


July 10, 2012 1:40 PM 
 phung bella said...
hi beautiful blog. We have a big classified site in Myanmar. Please visit 
us back at: http://ads.com.mm/?
cid=4fd60e51e4b0fa6db841e336&utm_campaign=ads_mm_lb_blog_ph
ung&utm_source=ads_lb_blog&utm_medium=lb_blog

ဟုတ်ကဲ့ ချစ်သောဘလော့ဂါအပေါင်း (ဘလော့ဂီအပေါင်းလဲပါ)

မင်္ဂလာပါလို့နှုတ်ခွန်းဆက်သမေတ္တာပို့သလိုက်ပါတယ်   ကျွန်တော် ကဗျာမရေး
ဖြစ်တာကြာပြီ မရေးဖြစ်ဆိုတွေးလို့မထွက်ဘူးကိုး ကဗျာဉာဏ်ဆိုတဲ့ကောင်က
တော်တော်ဒုက္ခပေးတာကလား အကြောင်းအရာတွေ့ပေမယ့်ကာရံကမတွေ့

တခါတလေ ကာရံတွေ့ပေမယ့် အကြောင်းအရာပျောက်ရှ အဲဒီတော့လည်းခေါင်း
စားပြီး အရောင်းအားမြှင့်တင်ရေးဝန်ထမ်းတွေကိုပဲ ဆဲရတော့မှာလား၊ အကုန်လုံး
သိမ်းကြုံးပြီးတော့မရမ်းချင်ပါ အလွန်လျှင်မြန်စွာတိုးတက်နေတဲ့ခေတ်ကြီးမှာ
မိမိကုန်စည်ရောင်းရဖို့ အဓိကကြံဆောင်နေတဲ့မားကက်တင်းသမား၊သမ တွေကို
ပထမတော့မုဒိတာလေးထားပြီးခွင့်လွှတ်ပါတယ် အော်သူတို့ စီးပွားရေးပဲလို့

ဒါပေမယ့်ဗျာလွန်ချက် က အတော်ဆိုးပါတယ် ကျွန်တော်တို့ဘလော့တွေအတွက်
feed back လို့ဆိုနိုင်တဲ့ comments ထဲအထိကြော်ငြာဝင်တာတော့မကောင်းဘူး
ပေါ့ဗျာ ဒါမှမဟုတ် spam တွေများလား ဒါမှမဟုတ် Hacker များလား အဲလို
အတွေးရောက်သွားပါတယ် ကျွန်တော် လင့်ကိုတောင်တို့မကြည့်ပဲ

ဖျက်ပစ်ခဲ့တဲ့ကွန်မန့် ကအကြောင်းအရာကို အပေါ်ဆုံးမှာ တင်ထားပါတယ်
spam လား virus လား hacker လား ဆိုတာတော့ကိုယ့်ကိုသာချင့်ချိန်ကြပါ
ကျွန်တော့ရဲ့ရင်ခုန်သံဖလှယ်ရာရပ်ဝန်းကို လာပြီးထိပါးတဲ့

သူတွေကိုအရမ်းမုန်းတယ်  စီဘောက်တောင်ဖြုတ်ပစ်လိုက်ချင်တယ်ဗျာ စိတ်တွေ
ကုန်လွန်းလို့ ပါသူတို့ရဲ့ အရည်မရအဖတ်မရ ကြော်ငြာတွေ လဲမတင်ချင်ဘူး
ကိုယ့်ဝါသနာနဲ့ကို အေးဆေးကဗျာရေးနေချင်တာကို ဆက်ပြီးသိမ်းကြုံးပြော
ရပါဦးမယ် မားကက်တင်းသမား၊သမ တို့ ခင်ဗျာ ကြော်ငြာတာဈေးကွက်စီးပွား
ရေးခေတ်မှာအလွန်ထိရောက်တဲ့ရောင်းအားမြှင့်တင်ခြင်းပါ သို့ပေမယ့် အလွန်ကျွံ
ကြော်ငြာလို့ ကြော်ငြာဖိုးနဲ့ပြုတ်သွားတဲ့ ကုမ္ပဏီတွေရှိတာကိုခင်ဗျားတို့သိကြပါ
သလား၊ကျွန်တော်အလုပ်အတွက်မဖြစ်မနေကြော်ငြာကိုသုံးရပါတယ် ၊

များသောအားဖြင့် တနင်္ဂနွေအချပ်ပိုရောင်စုံ မှာပဲကြော်ငြာခြင်းဖြစ်ပါတယ် ၊

တစ်ခါကြော်ငြာပြီးယင် အရောင်းအဝယ်ဖုန်းစောင့်ရပါတယ် ။ သို့သော်လည်း

အဲဒီလိုအချိန်မျိုးမှာကြော်ငြာ မားကက်တင်းသမား၊သမ

တို့ရဲ့ဖုန်းမျိုးစုံဝင်လာတဲ့အခါ (တဖက်သူထပ်ကြော်ငြာချင်မှန်း မကြော်ငြာချင်မှန်း
မသိ) အတင်းစွတ်ကြော်ငြာခိုင်းတာမျိုး မလုပ်သင့်ပါဘူး

နောက်တော့ကျွန်တော်လည်း Black List ဆိုတဲ့ဆော့ဝဲသုံးဖြစ်သွားတော့တာပဲ
အခုလည်း စပမ် ကွန်မန့်တွေကိုဘယ်လိုရှင်းလင်းသုတ်သင်ရမလဲဆိုတာ
ကြံစည်လျှက်ရှိပါတယ်။

ကိုယ္ပိုင္အမွတ္အသားမ်ား

ဒီေန႔ေတာ႔ကဗ်ာလည္းမေရးျဖစ္ပါဘူးသူငယ္ခ်င္းေတြအတြက္လက္ေဆာင္ေလးေတြစီစဥ္ထားတယ္
သိခ်င္ယင္ Android phone or  I phone က Neo reader ဒါမွမဟုတ္ Barcode scanner သံုးၿပီးၾကည္႔ၾကေနာ္

အချစ်ဦး

တွေ့နေရယုံ
မြင်ရယုံမျှ
နေသာကြည်နူး
နေခဲ့ဖူးသည်.....

မရွယ်စူးပဲ
ဘဝတကွေ့
ပြန်ဆုံတွေ့လျှင်
ရင်ခုန်ကြည်နူး
နေဖူးပြန်သည်.....

ဖေးမပြောကြား
စကားတွေမှာ
နှောင်တွယ်နွယ်ရစ်
အသစ်ဖြစ်တည်
တသရင်မှာ
လှိုက်မောသည်......

ပြောတဲ့စကား
နားမှာသကာဖြစ်
ပျားရည်နှစ်သို့
ချိုမြကြည်အေး
ရင်ကိုနွေးစေ.......

ကြည့်တဲ့မျက်ဝန်း
ရင်ကိုဖောက်ဝင်
စူးစူးနင်နင်
လှုက်ဖိုမောလျ
ချိန်တိုင်းတမ်းတ
လွမ်းပိုသည်......။     ။

တခါကကားထဲမှာ.......

မိုးတွေသည်းသည်း
တမ်းတဆဲမှာ
တခါကဝေဒနာ
ပြန်လည်မြင်ယောင်
အလွမ်းတွေတောင်ဖက်ဆီက
ညို့ညို့လို့လာချေပြီ
မရွာပဲဟန်ပြင်တဲ့သည်မိုး
မညာပဲခင်နှင်တဲ့အချိုးတွေကြောင့်
မောင့်အတွေးနယ်မှာ
လွမ်းလို့ကျန်ဆဲ.......။     ။

လွမ်းပါ့

မိုးတွေရွာပြီ
အလွမ်းသည်မို့
ပျော်ချင်သလား
တွေးတိုင်းအားငယ်
မျက်ရည်လည်ရွဲ
ရင်ခွင်ထဲက
သည်းဦးနန်းမှာ
စံထိုက်သူရယ်မို့
အကြံအိုက်ရတဲ့
ကိုယ်ပါကွယ်
မလိုတမာဘယ်လို
ပြောစေဦးတော့
ရွယ်ရွယ်ရည်စူး
မောင့်သက်ဦးကို
အောက်မေ့သတိရ
တမ်းတမိသည်
မိုးတွေရွာခိုက်
တွေ့ခွင့်မကြုံ......။     ။

ညှာကေခိုင်ပိုင်ပိုင်ပန်သူငဲ့

မေ့နေခဲ့တယ်
မင်းမွေးနေ့ကို
အလွမ်းတွေပါကွယ်
အနွမ်းကြွေ
စမ်းရေတစ်လျှောက်မှာ
တမ်းတခြင်းတွေ
ဝေးစေဆိုပြီး
တချိန်ကဖုံးဖိလို့မရတဲ့
အတ္တနဲ့မစ္စရိယအတွက်
မင်းမွေးနေ့ကို
ကိုယ်လေတမင်
မေ့ပစ်ခဲ့တယ်.....

ကြာလာတော့
တစ်ကယ်မေ့ရော
ဆိုပါစို့ကွယ်
ဝန်ခံပါတယ်
ရင်ကအမှား
မဖောက်ပြားတောင်
ဖောက်ပြားချင်ယောင်ဆောင်ခဲ့
အတ္တစိတ်ရဲ့
စေညွှန်ရာကို
မှားမှန်သိလျှက်
ကောက်ကောက်လိုက်ခဲ့
ချစ်သူမုန်းစေ
မေ့စေရွယ်စူး
မောင်ရူးချင်စိတ်
ဖြစ်မိလေလည်း
တွေးဘဝင်မှာ
ချစ်သူသက်သာစေရယ်ပေါ့
တမင်ထင်လွဲ
မုန်းစေရန်ရွယ်စူး
ဖယ်ခွာတိမ်းကာ
တစိမ်းလို
နေစေချင်
မှောက်မှားတဲ့
စိတ်အစဉ်မှာ
မောင်ရူးခဲ့တယ်
ဆိုပါစို့........

မမေ့သာသူ့ရင်ထဲ
သောကပွဲဆင့်အောင်
မောင်လေ.....
မချစ်ချင်ယောင်
ဆောင်ခဲ့မိတယ်
ဟိုတနေ့မှ
သိခွင့်ရခဲ့
ခွဲဖို့ခက်ခဲ
ဘဝထဲမှာ
မနေပျော်ပဲ
သူနေခဲ့ကာ
တစ်ယောက်တည်းဘဝမှာ
အထီးကျန်မှုတွေ
ရင်ဆိုင်ဖြတ်သန်း
ပန်းခင်းလမ်းမဟုတ်ပေမယ့်
နင်းလျှောက်ဖြတ်သန်း
လာခဲ့တယ်.......

မောင့်အမှားတွက်
ခွင့်လွှတ်စေရန်
မတောင်းပန်လည်း
သူကခွင့်လွှတ်
နေခဲ့သည်မို့
ယူကြုံးမရ
တဘဝစာ
ဝေးနှင့်လေဦးဟု
ညှာကေခိုင်ပိုင်ပိုင်
ပန်ခဲ့သူရဲ့
မောင့်အတွက်
လှောင်ပြုံး......။      ။

ငိုလို့ရဘူး မောင့်ချစ်ဖူး

ငိုလို့ရဘူး
မောင့်ချစ်ဖူးရယ်
တွယ်တွယ်တာတာ
တမ်းတမ်းတတ
ညညရက်တွေ
မရှည်ချင်ပါ
မျှော်တော်ဇောနဲ့
မောလှပြီထင့်
တွေ့ချင်မြင်ချင်ဇော
ရင်မှာမောလျ
စိတ္တဇညလို
တမ်းတပိုတဲ့
ရှည်ကြာခဲ့
နေ့ရက်များပါ.....

မဖြေသာခဲ့
တွေ့အခက်ကြား
ဘယ်ဆီရှောင်ပုန်း
နေဦးပေါ့လေ
အချစ်တွေလေ
ရင်အပြည့်ပါ
မသိရော့လားထင်
ခင်ခင်မေ့မှာ
စိုးကြောက်ပါရဲ့
မိုးနှောင့်လို့
ညှာကြွေမျက်ရည်ပုလဲ
သီတွဲခဲ့သို့
လွမ်းလို့မော်ဖူး
မောင့်ချစ်ဖူးရယ်
မရွယ်ရာ
ကွယ်ရာကပဲတမ်းတတယ်.........

မျက်နှာမွန်ဦး
တွေ့ခွင့် ဖူးချင်
မျှော်လင့်ခြင်းအစဉ်
စိတ်ဘဝင်မှာ
တွယ်တာတမ်းတ
မြတ်နိုးရ၏
ချစ်သည်ခင်ရေ
တွယ်မက်တိမ်းမူး
ပျော်ခဲ့ဖူးတဲ့
ဘဝတွေကို
ပြန်လည်တမ်းတယင်း
ရင်ခွင်မှာတဆိတ်
စိုးထိတ်ပိုခဲ့
ဝင်ခဲ့သံသယ
ကြင်ခဲ့ခဏတာ
ဘဝဆိုတာ
ပိုင်ဆိုင်ခဲ့ကြဖူးပြီပဲ.......

ပျော်ခဲ့ဖူးတယ်
ခဏဆိုတဲ့
အဲဒီဘဝထဲမှာ
မောင်သာပြေးထွက်
မနေရဲခဲ့ခြင်းလို့
ခုမှတမ်းတ
နောင်တရလည်း
ကာရံစည်းခြား
တံတိုင်းဖျားက
မြင့်လွန်းသမို့
မခေါ်မပြောယင်လည်း
မနေပါနဲ့
အပေါ်ကြောဆိုယင်လည်း
မမင်ပါနဲ့ကွယ်
ရင်ခွင်ကနုသမို့
ငိုလို့ရဘူး
မောင့်ချစ်ဖူးရယ်.......။     ။

နှောင်းနောင်တ

ကိုယ်ငိုနေတာ
သိသွားသလား
ဆောရီးပါကွယ်
နှောင်းမှရတဲ့
နောင်တတွေပွေ့လို့
ကလေးကလားတော့
မဟုတ်ခဲ့ပါဘူး
အသွေးသားကြောင့်
ဖြစ်မယ်ထင်တယ်
တစ်ခါက
တစ်ချိန်က
ကျူးလွန်ခဲ့တဲ့
အပြစ်အတွက်
ပေးဆပ်လိုက်ရတဲ့
အရာက
လူသားတစ်ယောက်အတွက်
လူသားတစ်ယောက်ပါ
အသက်တစ်ချောင်းအတွက်
အသက်တစ်ချောင်းပါ
ဟာမူရာဗီကိုယ်ဓဥပဒေ
နားမလည်ယင်နေပေါ့
သဘာဝတရားကတော့
နားလည်တယ်
ခက်တာက
လူသားနှစ်ယောက်လုံး
အသက်နှစ်ချောင်းလုံးက
ကိုယ့်သွေးတွေလေ
ကဲခံနိုင်မလား
မငိုပဲနဲ့
တစ်ယောက်က
ကိုယ့်ရဲ့အတ္တနဲ့
ဥပေက္ခာကြောင့်
နောက်တစ်ယောက်က
နောက်တစ်ယောက်ရဲ့
ဂရုနာမဲ့မှုကြောင့်
ဘာမှန်းတောင်မသိသေးတဲ့
သွေးခဲလေးဘဝမှာ
ပျက်စီးခဲ့ကြရှာ
ပြုသူအသစ်
ဖြစ်သူအဟောင်း
အကျိုးကြောင့်
အကြောင်းဖြစ်တယ်
ကဲ....ဘာပဲဖြစ်ဖြစ်ပေါ့
မင်းခါးကသေနတ်ထုတ်
ငါ့နထင်ကိုတေ့ပြီး
မောင်းသာဖြုတ်လိုက်တော့........ ။     ။