မြူနှင်းဝေ၍
လန်းဖြာသည့်ဆောင်း
အဟောင်းအတိုင်း
လွမ်းခဲ့ခိုင်းလျှင်
မောင့်ရင်ပူဆွေး
အတွေးထဲမှာ
လွမ်းကမ္ဘာတည်
နွယ်ကာရစ်ပတ်
တင်းကျပ်နေခက်
ဆောင်းငွေ့သက်တို့
မပီတပီ
ဝို့တို့ဝါးတား..........
အမြင်မှားသလား
မောင့်အတွေးမှာ
မပျော်ပိုက်ပါချေ
နွေအလား သောက
လောင်မြိုက်ကျွမ်းပူ
အလွမ်းယူစေ
ဆောင်းဟာနွေအလား
ထင်မှတ်မှားအောင်
ဖန်တီးယောင်သို့
နှင်းရိပ်ဝေလည်း
အတွေးစိတ်မှာ
မဖြေသာပျော်မော
အလွမ်းဝေဒနာတွေ
သေရာပါမယ်
ထင်ပါတယ်လေ...........
လွမ်းသောကဝေဒနာ
နွမ်းမောလျဝေဒနာ
တမ်းတကျွမ်းလောင်
ပူလောင်နေခွင့်
အလွမ်းရင့်လို့
ပန်းပွင့်လိုကြွေ
အလွမ်းတွေပါ
ဘာတွေပဲဖြစ်ဖြစ်
လွမ်းရစ်အောင်လို့
ဖန်တီးတဲ့ဆောင်း
အဟောင်းတွေ
အသစ်မဖြစ်ပေမယ့်
အတွေးတွေဝေ
အသစ်ဖြစ်စေသော
ဆောင်းအတုမှာလည်း
လွမ်းချင်းညည်းနေ
ခွင့်လွှတ်စေချင်
မောင့်ရင်ခွင်သည်
ကျွမ်းလောင်သောက
ဗျာပါဒတို့
စိုးမိုးခိုက်လေ
ငိုချင်လျှက်နှင့်
လက်တို့လာသော
အိုဘယ့်နှင်း.................
No comments:
Post a Comment