မျက်နှာမွန်ဦး
မော်ဖူးချင်လည်း
ဆုံဖြစ်ခဲသည့်
နေ့ရက်များတွင်
တမ်းတခြင်းသည်
အဆုံးစမရှိတဲ့
ကောင်းကင်ပြင်.......
နှစ်ကိုယ်တူကြည်ဖြူ
ချစ်ရည်လူးညများ
တမ်းတခြင်းသာ
အစားတိုးဝင်
နေရာယူစဉ်
ရင်မှာလွမ်းလျှက်
လောင်မြိုက်ခြင်း.....
တမ်းတတဲ့အခါ
လွမ်းရတဲ့အခါ
နွမ်းလျတာလည်း
အကြိမ်ကြိမ်
ကြယ်တွေနဲ့အတူ
စကြဝဋာအပြင်ဖက်
ပြေးထွက်သွားယင်း
စိတ်အစဉ်
ထိတ်လို့သာငိုချင်
ငိုချင်လျှက်ပင်
တရှိုက်မက်မက်
တမ်းတခက်တဲ့
နွေလယ်ည
ဝေဒနာများ........
ခဏဝေးလျှင်
ရင်ကအပူ
သောကဆူကာ
မဟာစကြဝဋာကို
တိုင်တည်ကာလှုပ်ကိုင်
တီးတိုးစကားဆိုယင်း
တမ်းတရေရွတ်ခြင်းမှ
တိုင်တည်သစ္စာ
နှောင်တွယ်မေတ္တာသည်
စက္ကန့်မလပ်ပင်
သူ..သူ..သူ...သာလျှင်
အစဉ်စိုးမိုး
အတွေးတိုင်းတခဏ
အသွေးသားက
တမ်းတခြင်း......
တကယ်ပါဆို
မောင်တို့တွေလေ
ခဏများဝေးယင်
ကြယ်အစင်းစင်း
ကြွေမယ်ထင်.......။
ဒီတစ်ညတော့
ငိုခွင့်ပြုပါ
မောင့်ချစ်သူရယ်
တွယ်တာတမ်းတ
လွမ်းရတဲ့ခါ
ရင်ခွင်မှာလေ
ငိုချင်လျက်လက်တို့
ထိန်းမရလို့ပါကွယ်.......
ရာသီတွေအခါခါပြောင်း
မဟောင်းနိုင်တဲ့အချစ်
အမြဲအသစ်ပါကွယ်
ခဏတာလေး
အဝေးသွားယင်
တမ်းတမျှော်မော
လွမ်းရသောရင်က
သောကထုတည်
မထင်သာပြီ
မျှော်ကာငေးမော
တမ်းတသည်..........
ထိန်းမရတဲ့အလွမ်း
အနမ်းမသင့်ပြီပဲ
ကျွမ်းရင့်လို့နေ
ရင်မှာကြွေ
ဖြေဆည်ရာနေရာ
နတ္ထိ ပစ္စက္ခ
ကျွမ်းလောင်မောလျ
စိတ္တဇလေ
ခါခါခိုဝင်
ရင်ခွင်ကအပူမီး
ဘယ်လိုသူသိလေမလဲကွယ်
လည်သလိုနေကြည့်ခဲ့လေလည်း
ဖယ်ခွာတိမ်းလို့သူစိမ်းမှမဟုတ်ပဲ.........
တွယ်ရာယိမ်းလို့ လူပြိန်းမှမဟုတ်ပဲ
နွယ်ရာလွမ်းလို့
ချစ်ဦးမောင့်ချစ်သည်း........
လွမ်းတယ်ချစ်ရယ်
နေမရအောင်
နှောင်တွယ်ကျွမ်းရစ်
သိပ်ချစ်သတဲ့
ရင်ကအပူ
ဘယ်သူသိ
ဘယ်သူမြင်
ရင်တခွင်ကျွမ်းလုလု.....
တမ်းတတယ်ချစ်
လွမ်းနှောင်ရစ်ပေါ့
စူးစူးနစ်ရင်ထဲ
နွေလယ်ပဲ ကျွမ်းလုအောင်
နေမြဲဝေဒနာလေ
တွေဝေဆဲခြေရာတွေ အထပ်ထပ်
နေမတတ်ပါပြီ..........
နွမ်းလို့သာမှိုင်လျော့
နှစ်ကိုယ်တူယှဉ်
လျှောက်ခဲ့ဖူးလမ်း
သတိရနေ
တမ်းတထွေကာ
ဝေဒနာဖြစ်
နှလုံးသားမှာ
မျက်ရည်မြစ်လေ
နှောင်နှောင်တွယ်တွယ်
တမ်းတမ်းတ.......
ဘင်္ဂလားပင်လယ်အော်
ကပ္ပလီပင်လယ်ကွေ့
မေတွေ့သလား
အလွမ်းခြေရာ
မဖြေသာပြီ
လှိုင်းနှင့်အတူ
သခင်ရှိရာကမ်းစပ်
ဘယ်နားကသဲသောင်
ဘယ်နားကကျောက်ဆောင်
မခွဲခြားပါ
သခင်နေရာအရပ်
တမင်ဖွေရှာကာ ဆက်စပ်လို့
လွမ်းနှင့်လေဦးမည်....... ။
လွမ်းတယ်ချစ်ရယ်
တနယ်တရွာ
အဝေးသွားယင်
လွမ်းလိုမဖြေသာ
တမ်းတလို့နေပါသည်......
လွမ်းသည်သခင်
ခဏတာခွဲရတဲ့ခိုက်
လွမ်းရက်တွေက
စက္ကန့်တိုင်းဟာကြာခဲ့
တွယ်တာတပ်ငြိခဲ့သော
သံယောဇဉ်ကြိုးစများ
မရုန်းဖယ်သာ
ရင်မှာမြိုသိပ်သော
သောကဝေဒနာတို့
ရင်ခွင်ကိုသာ
လောင်မြိုက်သွားယင်း
နွေ အပူကို အံတုခဲ့........
တမ်းတသည်ခင်
ပျော်ရွှင်စွာ
နှစ်ကိုယ်ယှဉ်ခဲ့သော
အရပ်သည်
အထီးကျန်ဆန်
မြင်ရာနေရာတကာ
အလွမ်းသာလျှင်
စိုးမိုးကာသာ
မပျော်ပိုက်လည်း
အလွမ်းထွေးပွေ့
ဝေဒနာနေ့တွေ
နှုတ်ခွန်းဆက်ကာ
မပျော်သောရင်က
တမ်းတမ်းတ.......
နွမ်းလျရက်တွေ
မြို့ပြညနေခင်း
လောင်မြိုက်သွားယင်း
ရင်ကအပူ
သောကဆူခဲ့
နွေလည်နေ့ခင်း
တမ်းတယင်းပင်
အသက်ပင်ကြွေလု
အခက်တွေပွေ
နေလည်းမပျော်
ဗျာပါဒညနေခင်း
ရေခပ်ဆင်းချိန်လား
ပကာသနညနေခင်းရဲ့
ရုံးဆင်းအိမ်ပြန်ချိန်လား
မကွဲပြားပါလေ..........
တိမ်ညိုလေးတွေ
မြေကိုသက်ဆင်း
ခနှင်းရောက်စဉ်
ရွာချင်တယ်ဆို
ပြိုချင်လျက်နဲ့
မပြိုခင်အကြောင်းကြားကာ
မှာတမ်းချွေဖွင့်ဟဆိုဦး........
မိုးရေမှုန်တွေ
မြေမှာခလို့
အစုဝေးဖွဲ့ကာ
ရေအိုင်ငယ်ဖြစ်တော့
ရာသီရယ်အေးမြစေဦး.....
အလွမ်းရာသီရယ်
ရင်မှာခိုက်လို့
ပိုက်ပိုက်ထွေးထွေး
ထွေးပွေ့ပါရစေဦး......
နှစ်ကိုယ်အတူ
ယှဉ်ကာလျှောက်တဲ့
စြင်္ကန်လမ်းလေးထက်မှာ
ထွေးပွေ့လိုအနမ်းခြွေ
ရွှေလည်တိုင်မော့လို့ထားဦး
နဖူးဆံစမွှေးမြချင်လို့........
တမ်းတသူ
တွယ်ရာမဲ့ပေါ့
ရင်ခွင်ကိုအလွမ်းတိုးဝှေ့စဉ်
တိုင်တည်စရာနေရာမဲ့ပေါ့
တစ်ကိုယ်တည်းလွမ်းတေးညည်းစဉ်
ပျော်ရွှင်ရာနေရာရှာခဲ့ဖို့
ကူလှည့်ခဲ့ဦး......
နွေနှောင်းရာသီ
အပူဒါဏ်မခံစားနိုင်တော့
မှိုင်းလို့မှုန်ဝေ
မိုးရာသီကို
တမ်းတမ်းတ....
ရွာမယ့်ဟန်ပြင်လဲလေပေါ့
အပူမစဲနိုင်ဘူး
ဆူဆဲ လေပူထဲမှာလ
မှိုင်းလို့သာမှုန်ဝေ
ဟန်ရေးအခါခါကြွယ်လေပေါ့
မိုရေမှုန်ကျ
ဝဿန်လကို
မျှော်မှန်းတမ်းတ
မိလေသော...........
ပူချက်ကယ်ကမ်းကုန်
ငရဲပြည်ရောက်လုလုမှတ်တယ်
ရွာမယ့်ဟန်ပြင်တော့
တိမ်တွေညိုကာလေ
ပြိုတော့မယ့်အရပ်ဆီ
အပြေးသော့နှင်
ရွာဟန်ပြင်သူ
မိုးမင်းသမီး
လာမယ့်အရပ်ဆီ
အကြိုထောက်
အရောက်လာကာ
တမ်းတ တတ
မျှော်မိလေကြောင်း............
တိမ်ပလီနွေနှောင်း
ဝဿန်ကူးလု
ဥတုသည်လေ
အပူခိုးဝေ
နွေနေ့တွေမတွေ့ချင်တော့
ရာသီအပြောင်း
မျှော်မိလေကြောင်း
နှုတ်ဖျားမှပင်
ဖွင့်ဟကာလျှင်
တမ်းငြီးမိ..........
တစ်ကယ်တော့
တွယ်တာတပ်မက်ခြင်း
အနှစ်
အပြစ်မဖြစ်သ၍
နေသာပါတယ်
တွယ်တာယုံပဲ
ဆိုယင်......
မြင်နေယင်ကျေနပ်
ဝမ်းသာယင်လိုက်ပျော်
စိတ်ညစ်ယင်
အားပေး
အလွမ်းအဆွေး
မတွေးကြေးဆို
နေသာပါတယ်
ပျော်ပါတယ်လေ........
မတွေ့ယင်လွမ်း
တွေ့တော့ကျွမ်းလောင်
အလွမ်းနှောင်ဖွဲ့
ချစ်သူသက်ထား
အတွေးများမှာ
မတွေ့ရမမြင်ရယင်
မျက်နှာမွန်ဦး
တွေ့ချင်မိ..........
ချိုသာစကား
နှုတ်ဖျားကနေ
ကြားရယင်ဖြင့်
အတိုင်းမသိ
ပျော်နေမိတယ်
တွယ်တာနှောင်
ရစ်ပတ်မိသူရင်ထဲ
အတွေးမှာအစဉ်ရှိ
မတွေးလည်း
အမြဲရှိတယ်.............
တစ်ကယ်သာဆို
တွယ်တာမိခြင်းဝေဒနာ
အသံကြားယုံ
မြင်ရယုံမျှ
ပြည့်စုံပါတယ်
ချစ်သည်းငယ်ရယ်......
အေးစက်လွန်းလှတဲ့
ရိုးမရဲ့ဆောင်းကို
ခံစား ယင်း
အမှတ်တရ
အတွေးတွေ
ရင်ကိုရိုက်ခတ်
ပညတ်နဲ့ပရမတ္တသဘော
စောကြောကာနေယင်း
တချိန်က
ညီမလေး နဲ့
ချစ်ကြင်ခဲ့စဉ်ကဆောင်းရဲ့
အ ငွေ့သက်တို့
ရင်ခွင်မှာခိုဝင်လာခဲ့
မမေ့ သေး ဘူး
ညီမ လေး ရေ
ညည်းကိုလွမ်းလို့
ပင့်သက် ဝေ
တမ်းတတာထက်
လွမ်းတယ်ပဲဆို
ညီမလေးနဲ့
မနီးခင်က
အထီးကျန်တဲ့
ဆောင်းရဲ့အ တွေး
အလွမ်းတွေနဲ့
ဟိုအဝေးမှာ
တပြည်တရွာ
ဖော်ကွာဝေးညည်းချင်းဆိုသည်လား
မပျော်ပါအတွေး တွေးယင်းငိုသည်လား
အတွေးမှာချာလည်
ခုတော့ညီမ
ဘယ်ဘဝများ
ရောက်သည်လည်း
လေလွင့်လိပ်ပြာ
တမ်းချင်းငိုယင်းဆိုသည်
ရင်မှာပူကြွ
သောကထုစိုင်
ငေးယင်းငိုင်ယင်း
အလွမ်းရွာတည်။
မြေနိမ့်ပြီဆို
လှံကအလိုလို
ပါလာမြဲလေ
ရွှေမင်းသမီးလေးရေ
ကိုယ်ချင်းလည်းစာ
နားလည်သနား
ရင်ထဲမှာလေ
မင်းတွက်အပူ
သောကထူ......
ရွှေမင်းသမီးလေးလို
လောကအလယ်
ကျင်လည်သွားစဉ်
အရာရာသတိ
အစဉ်ရှိစေ
တကယ်ဆိုယင်
ကိုယ့်ရဲ့ရင်က
တွယ်တာချစ်ခြင်း
အပြစ်ကင်းစေ
မရွယ်ရည်စူး
တွယ်တာခြင်းသက်သက်
တပ်မက်ခြင်းမပါ
မင်းအတွက်သာလေ
နုနုညံသက်တဲ့
မင်းမျက်ဝန်းအစုံ
ကိုယ်မြင်သာယုံရယ်ပါ.......
နူရာ ဝဲစွဲ
တတ်သတဲ့လေ
လဲရာသူခိုး
နှိပ်စက်လိမ့်မည်
ကိုယ်တိုင်ဆင်ခြင်
သတိရှိလေ
မြေနိမ့်နေတဲ့ကြားထဲ
လှံလာစိုက်မယ့်သူတွေ
နူနေတဲ့ကြား
ဝဲမကူးစေနဲ့ပေါ့
လဲမယ်ဆိုလည်း
သူခိုးမထောင်းတဲ့
နေရာရှာလဲပါလေ
ဘဝဆိုတာ
ရေကန်သာမဟုတ်သလို
ကြာတိုင်းလဲ
မွှေးမြနိုင်မယ်မထင်ဘူးလေ။ ။
ညက
ပင်လယ်ရှိုက်သံတွေ
တိတ်ဆိတ်ငြိမ်သက်
လှိုင်းပုတ်သံသဲ့သဲ့
ရပ်နား
ညက
ယပ်တောင်တွေမကယ်
ပူလောင်ခြင်းလှိုင်းတွေ
အထပ်ထပ်
ရစ်ပတ်
ညက
တိုးတိတ်တိတ်ရှိုက်သံ
ပင့်သက်ချ
မောပန်းနွမ်းလျ
အချစ်နှုတ်ဖျားက
ပန်းဖူးပွင့်တဲ့
နွေညတစ်ည
ညက
သောင်ပြင်တွေ
တိတ်ဆိတ်
လေမထန်
လှိုင်းမတိုး
အနမ်းမိုးတွေ
နွေအလယ်မှာ
ရွာပစ်ခဲ့
ညက
ပူလောင်အိုက်စပ်
ညက
ရင်ခုန်ကြည်နူးကျေနပ်
ညက
ပင့်သက်ရှိုက်
ညက
အနမ်းနုနု
ညက
ချွေးသံရွှဲရွှဲ
ညက
..........
ညက
..........
ညက
.............
ညက
ပင်ပန်လွန်းပေမယ့်
ညက
ပူအိုက်လွန်းပေမယ့်
ညက
ပျော်ပါတယ်....။ ။
နှစ်သစ်မှာမိတ်ဆွေအပေါင်း
ကျန်းမာချမ်းသာကြပါစေကြောင်း
ဆုတောင်းမေတ္တာပို့သလိုက်ပါသည်
ရွှင်လန်းချမ်းမြေ့ကြပါစေ
ႏွစ္သစ္အႀကိဳဆုေတာင္းနဲ႔အတူ ကြန္ျပဴတာမဖြင့္ပဲ အလြယ္တကူ က်ေနာ့ရဲ႕ဖုန္းေလးကေန ဘေလာ့ျပန္ေရးပါေတာ့မယ္ခင္ဗ်ာ
ဘေလာ့ဂါေမာင္ႏွမအေပါင္းက်န္းမာခ်မ္းသာလန္းျဖာေစေၾကာင္းဆုမြန္ေတာင္းယင္း
ေပ်ာ္႐ႊင္ဖြယ္ရာႏွစ္သစ္ကို ႀကိဳဆိုၾကပါစို႔လို႔
သည်လိုခေါင်းစဉ်တပ်လျှင် ချက်ချင်း facebook တည်းဟူသော လူမှုကွန်ယက်ကြီးကိုပြေးမြင်မိမှာ
အသေချာဖြစ်သည် ။တကယ်တော့ အယင့်အယင်တည်းကရှိခဲ့သော network များစွာတွင်
facebook တခုတည်းသာအလွန်အောင်မြင်သည့်လူမှု ကွန်ယက်တစ်ခုဖြစ်ခဲ့လေသည်။ လူငယ်များ
၏ဖုန်းများအတွင်းအလွယ်တကူ ထည့်သွင်းနိုင်သည့်နက်ဝဒ် တစခုဖြစ်လာသည့်နောက်ပိုင်းတွင်
အလွန်တွင်ကျယ်စွာအသုံးပြုလာကြလေသောအခါ နည်းပညာကိုမျှဝေသုံးစွဲရာ အရောင်းဝယ်အမျိုးမျိုးတို့တွင်ကျယ်ရာ သတင်းအတင်းတို့ဆုံစည်းရာ လူမှုကွန်ယက်တစ်ခုဖြစ်
လာသည့်အလျောက်ဖြစ်သင့်မဖြစ်သင့် ချင့်ချိန်နိုင်မှုမရှိ ငါ့စကားနွားရ ပြောနိုင်ကြလေသော
ဖွစရာနေရာတစ်နေရာဖြစ်လာသည့်အလျောက် ဖြစ်သင့်သည်မဖြစ်သင့်သည်တို့ကိုမစဉ်းစားပဲ
မဖြစ်သင့်သည်များလည်းဖြစ် ကုန်ကြလေသည်။
မကြာခဏငြင်းခုန်ပွဲများရန်ပွဲများချစ်သူချင်းချင်းစိတ်ကောက်စိတ်ဆိုးခြင်းမှအစမဖြစ်သင့်သည်များလည်းဖြစ်သည် ဆိုရှယ်နက်ဝဒ်မှချစ်သူကို အပြင်တွင်ချိန်းတွေ့ရာမှအထပ်မြင့်မှခုန်ချသေသူပင်ရှိခဲ့
လေသောအခါအဆိပ့်သင့် လူမှုကွန်ယက်အသွင်ဆောင်လာလေတော့သည်။ထိုအဆိပ်သင့်
လူမှုကွန်ယက်ကို ဆက်လက်သုံးစွဲရန်မသင့်သည့်အလျောက် ဆက်လက်သုံးစွဲရန်မစွမ်းသာသဖြင့်
လူမှုကွန်ယက်မှနှုတ်ထွက်လိုက်ရပါသည် ။ နောက်ဆိုလျှင် လင်ကွဲမယားကွဲကိစ္စများ မနာလိုဝန်တိုမှုများစွာပါလာနိုင်သည်ဖြစ်လေရာ ချစ်သူချင်းလင်မယားချင်းချင်း အလွန်နားလည်မှု
ရှိမှသာအကောင့်တစ်ခုစီဖြင့် လန်းနိုင်ပေမည်မဟုတ်လျှင်လူမှုကွန်ယက်ကို လူမှုကွန်ယက်ဟုသဘောမထားနိင်ပဲ မိမိတို့၏ လက်တွေ့ဘဝများပေါ် ရောက်လာပါလျှင် သောက်ကျိုးနည်းမည်ဖြစ်ပေသည်။
လူမှုကွန်ယက်အတွက်ကုန်သွားသောအချိန်များကို
မိမိလူမှုရေးစီးပွားရေး အတွက်အသုံးချပါက များစွာ အထောက်ကူဖြစ်မည်ကိုတွေးတောကြည့်ပါကမြင်နိုင်မည်ဖြစ်ပါသည်။အွန်လိုင်းနှင့်ထိတွေ့နေရသူများလည်း ဆိုရှယ်နက်ဝဒ် အချိန်လျှော့ချကြည့်ပါကအကျိုးထူးမည်
ကိုလက်တွေ့သိရှိရပါမည်။
(မှတ်ချက်။ ။ကျွန်တော်တစ်ဦးတည်းအမြင်ဖြစ်ပါသည်)
ဖြူနီဝါပြာရောင်စုံ
အရောင်နှောလို့
အရောင်စုံအောင်
စိုက်ထားတယ်
ပန်းရောင်စုံတွေ
အပြိုင်ပွင့်လို့
တင့်လှသာမော
ရင်သပ်ဖွယ်
ရှုမငြီးတယ်
တစ်ကယ်လန်းလို့
မပြန်ချင်တယ်
ပန်းပင်လယ်..........
သြင်္ကန်တွင်းဝယ်
ဖြူနီရောင်နှော
အပြာလေးတွေ
ပါခဲ့တယ်
မောင်မရှက်ပေါင်
ငေးကြည့်ယင်းနဲ့
ရင်ထဲမှာတော့
နာလှတယ်.........
ရိုးရာကွဲ့လို့
ဆိုချင်တာလား
ပြောပြန်ယင်လည်း
လွန်လိမ့်မယ်
ပေါင်တိုစကပ်တွေပါမကလို့
ပန်တီလေးတွေတွေ့ခဲ့တယ်
ရိုးရာသြင်္ကန်ပွဲရယ်
မဆိုထားနဲ့
အရှက်ကြီးပဲ
ရှက်ခဲ့တယ်
မမြင်ချင်အဆုံးတွေ
လာဦးမှာမို့
ပျော်မောနွမ်းလျပန်းပင်လယ်........
စိတ်ဘဝင်မှာ
အလိုမကျ
ပျော်တဲ့စိတ်လေး
ပျောက်ကွယ်ပြေးပေါ့
စိတ်ပျက်လက်ပျက်
ပန်းပင်လယ်
အနွမ်းတွေရယ်
ဖွင့်ဆိုထားလို့
မတင်စားချင်တော့
ပန်းပင်လယ်..........
