ကျွမ်းရစ်ခဲ့အလွမ်းဝေဒနာ

သဘာဝအရ

အမှတ်တရတွေ

ရင်မှာဝေခဲ့

အလွမ်းတွေတွေမှာ

ရင်ကိုနှောင်ဖွဲ့

အနမ်းတွေနဲ့မသေချာတဲ့

ကြေကွဲစရာဘဝတစ်ခု

တဒင်္ဂအချိန်တစ်ခုမှာ

ကြေမွပျက်သုဉ်း..........

ပျော်ရွှင်စွာနေခဲ့ကြတဲ့

ဘဝလေးတစ်ခုဟာ

မျက်ရည်ထုထည်နဲ့

ငိုရှိုက်သံနဲ့အတူ

ပကာသနလေကြောမှာ

တွေဝေစွာမျောလွင့်

သြော်....အချစ်တွေ

မနှစ်ကနဲ့မတူပါလား.......

ဝေဒနာရက်တွေ

ရှည်မြဲရှည်ကြာ

နေလာတာပေါ့

အမှန်တွေမမှားပေမယ့်

အမှားတွေကနေ

အမှန်ဖြစ်လာတဲ့အခါ

သံသရာတစ်ဆစ်မှာ

ဒါဏ်ရာအသစ်တွေနဲ့

မောင့်မှာလေ...

ကြံရာပါဖြစ်..............

ရင်မှာညစ်နွမ်း

ဆိုးသွမ်းမိုက်မဲတဲ့

အလွမ်းထဲမှာလည်း

မနေရဲပါ

ဝေခွဲလာလျှင်

ရင်မှာနာကျင်

တုန်ရီခံစား

အသည်းကြားမှာ

စွဲထားစူးနစ်

နှောင်ပတ်ရစ်ဖွဲ့

ခွဲခွာကွဲကွာသွားတဲ့ဝေဒနာနဲ့

သေရွာသွားချင်

အလွမ်းပင်ပျိုးချစ်မိုးစွေလည်း

မျက်ရည်စို့ခဲ့

လှိုက်မောရင်သည်

ကြိုတင်ငိုမလား

မလိုချင်စွာ

အမှတ်မထားပေမယ့်လေ

ငိုချင်တာအမှန်တရား.......

မုသားတောထဲမှာ

ချစ်ခြင်းအလင်္ကာတွေ

တစ်ဘဝစာပျောက်ဆုံး

အသည်းနှလုံးဆိုတာ

မုန်းစရာပါ

အမှားပရဗျစ်နဲ့

မတရားတဲ့ရင်အဖြစ်

သိမ်ငယ်စွာညှိုးနွမ်း

လိပ်ပြာလည်းမလန်းတော့ပါပြီ......

အပိုစကားတွေ

ဆိုထားပါရဲ့

မလိုတမာစကားမဟုတ်ပေမယ့်

လိုချင်တာ မတရားတဲ့အလုပ် မှ

မဟုတ်တာကွယ်

နှောင်တွယ်ရစ်ပတ်တဲ့ဘဝမှာ

အမှောင်ကွယ်ညစ်ပတ်ခဲ့ယင်လည်း

ခံတော့မယ်ဆိုတဲ့စိတ်ကူးနဲ့

ရူးခဲ့တာလည်းသည်းခြေပျက်

မနည်းအနေခက်ခဲ့ပေမယ့်

ပကာသနကဘဝကိုဝါးစား

အမှားတရားတွေကအမှန်ဖြစ်

တရားစကားတွေနဲ့

ခဏခဏရန်ဖြစ်

အမှန်တရားဆိုတာလည်း

ကျန်ရစ်မြဲကျန်ရစ်တော့လကွယ်...........

သည်းအူပြတ်မျှ

ချစ်ခင်စကို

ငိုနေလည်းတွေး

နှလုံးသားအရေးမှာ

အရှုံးသမားအတွက်တွေးစရာ

ဘဝဆိုတာအဆစ်ပါသွား

အဲတာတွေအနှစ်ပါလို့ပြောမလား

သဘောတရားတွေနဲ့

အပြောသမားလည်းမလိုချင်

အမောစကားတွေသာအဖတ်တင်

ကြေကွဲခြင်းတွေရင်မှာစု

တစ်ခုပြီးတစ်ခုဟာနာကျင်

အချိန်တိုင်းဟာသောက

ပြောသမျှမောလျနွမ်းဝေ

အတွေးတွေကိုတောင်မှဖယ်ထုတ်

အမှတ်တရဖြစ်စေတတ်တဲ့

နေရာအနှံ့ကိုလည်း

မသွားချင်မသွားရဲ

အလွမ်းထဲကိုအလည်ရောက်ယင်

နာကျင်ကြေမွ

နေမရအောင်

သောကတွေဘောင်ဘင်ခတ်

အငိုမလွယ်ပေမယ့်

အရှိုက်လည်းခက်ခဲ့

မျက်ရည်စက်တွေက

ရင်မှာကြွေ

တမ်းတရက်တွေရှည်ကြာဝေးနေလို့

နွမ်းလျမျက်ရည်ခြေရာလေးတွေက

နှလုံးသားမှယိုစီး

လောင်စာမီးအလား

အမှားတစ်ရာနဲ့ဗျာပွေ

သောကတွေလေ

ဘယ်သူမြင်မိ

သိရှိမလဲ...........။     ။