တွယ်တာရသော

မြတ်နိုးတွယ်တာခဲ့သမျှ
ကွယ်ရာကပဲချစ်တော့မယ်
တိတ်တခိုးမဟုတ်ပေမယ့်
စိတ်မဆိုးနဲ့သူရယ်
တမ်းတတာလွမ်းလှလို့ပါ
ကျွမ်းမြေ့သွားတဲ့အသည်း
လွမ်းနေ့စွဲတွေမှာလည်း
ချစ်သူပါပဲလေ..........

ခွဲခွာရတာ
အခံရခက်လှပေမယ့်
ကျန်ရစ်ရတဲ့ရက်တွေဟာ
မနေသာမဖြေသာပေမယ့်
နေစရာကအသေချာပါ
မရေရာတာတွေလည်း
နေပါစေတော့ရယ်လို့..........

မသေချာတဲ့
တောင်းဆုလည်း
မပြုလိုဘူး
မတမ်းတချင်တော့
ရင်တွေမောရလွန်းလို့
တိမ်တိုက်တွေလည်းပြိုကျခဲ့
အလွမ်းရေလျဉ်ကြောမှာမျောပြီး
နွမ်းကြေတဲ့နှလုံးသားဟာ
ပန်းတွေမဝေယင်လည်းနေပါစေ
မေတ္တာစမ်းချောင်းလေးလည်းခမ်းခြောက်
ချစ်သူ့ရင်မှာနောက်တစ်ယောက်မို့
လွမ်းချင်လည်းအခက်တွေ့
နှလုံးသားဟာ
အရှုံးသမားလို့လှောင်ရယ်
ချစ်ရသူရယ်လေ
နေစိမ့်နိုင်လွန်းတယ်.........။ ။