ကူကူးအတွက် အမှတ်တရရေးပေးလိုက်တဲ့ ကဗျာလေးပါ တစ်ခါက စီဘောက်မှာ ဥဥ ကဗျာစပ်ပေးမလား
လို့လာအော်သွားခဲ့ ဖူးတဲ့ ကူကူး အတွက် ဥဥ ရဲ့လက်ဆောင်လေးပါ လွမ်းရလွန်းလို့ရူးတော့မယ် ဆိုတဲ့
စိတ်အခြေနေမှာတွေ့လို့ အားပေးလိုက်တဲ့ဥဥရဲ့ ကဗျာပါ အမှတ်တရပေါ့................
ခင်တဲ့
ဥဥ
လွမ်းရလွန်းလဲ
ရူးမသွားပါနဲ့ကွယ်
စိတ်ကရုပ်ကိုထိန်းချုပ်သတဲ့
စိတ်ထောင်းလို့ကိုယ်ကျေ
နေဖြစ်သလိုသာနေပါ
စိတ်တော့မထောင်းပါစေနဲ့...........
နားလည်ပါတယ်
ရင်ထဲကခံစားချက်တစ်ချို့
အတွေးကိုလာငြိတဲ့အခါ
လွမ်းလွန်းလို့ဆိုတဲ့
စကားလုံးရိုင်းလေးက
အထီးကျန်ရင်ကို
ထိရှစေခဲ့............
ဘယ်ရောက်နေလဲ
ဟိုးအဝေးမှာ(တစ်ကယ်ဆိုမိုင်ပေါင်းများစွာ)
ကမ္ဘာ ရဲ့တစ်ဖက်ခြား
အခက်များပင်ပွေ
ရတက်ပွားချင်လေပါပဲ
ချစ်သူ၏ချစ်ခြင်းကို
ငတ်မွတ်စွာတမ်းတမိတဲ့
မှောင်မိုက်တဲ့ညများ
ဖြတ်သန်းစီးဆင်းသွားချိန်လေး
တမ်းတစွာ
နွမ်းလျစွာ
မောဟိုက်စွာ
လှောင်ပိတ်နေတဲ့
အခန်းကျဉ်းထဲမှာ
လွမ်းနေတဲ့အလွမ်းတွေနဲ့
ရူးရမယ်ထင်ပ..............
မဆုံနိုင်တဲ့
မျဉ်းပြိုင်နှစ်ကြောင်းလို
ဒါမှမဟုတ်
မဆုံသေးတဲ့
မြစ်တစ်စင်းရဲ့
ကမ်းပါးနှစ်ဖက်
အဲဒီမြစ်ဟာအထီးကျန်မြစ်
ပင်လယ်ထဲကိုစီးဆင်းမယ်
ငါသိပါတယ်
ဒါပေမယ့်ငါ
ဂဃဏန မသိခဲ့ပါဘူး
ငါသေချာသိနေတယ်
ငါသေချာသိချင်တယ်
လောလောဆယ်လွမ်းရလွန်းလို့
ရူးတော့မယ်ထင်ပါရဲ့..............
ငိုနေမိတယ်
တစ်ယောက်တည်းပါပဲ
တိတ်တိတ်လေး
ကြေကွဲစွာမနေရဲခဲ့
ဒါပေမယ့်ကြေကွဲနေတယ်
ဒါပေမယ့်တမ်းတနေတယ်
ဒါပေမယ့်...............
ဒါပေမယ့်.......
ဒါပေမယ့်ချစ်နေခဲ့တယ်
အဲဒီတော့
လွမ်းမှာပဲပေါ့ ..........။ ။
1 comment:
ကဗျာအတွက်ကျေးဇူးပါဥဥ.. ခံစားချက်နဲ့ ထပ်တူမျှတယ်.. ကူးမယ်နော်
Post a Comment