ကြမ်းတမ်းတဲ့လက်များမှာ
နု ညံ့ တဲ့ကဗျာတွေရှိတယ်.....
ရင့်ကျက်တဲ့ နှလုံးသားမှာ
ပြည့်ဝတဲ့စေတနာတွေရှိတယ်....
မာကျောတဲ့ ရင်ဘတ်မှာ
ချစ်တဲ့သူအတွက်
ချစ်ခြင်းတရားတွေရှိတယ်......
မလှောင်ပါနဲ့ငါ့ကို
နှင်းတွေ ဝေတိမ်တိုက်တွေ
ပြိုကျတဲ့နေ့က
မာကျောတဲ့ရင်ဘတ်ထဲက
မင်းကိုလွမ်းတဲ့သာဓကကို
ကဗျာအဖြစ်ရေးခဲ့ဘူးတယ်.........
တမ်းတမိတဲ့နေ့က
အလွမ်းတရားအပြည့်နဲ့
ကျောပိုးအိတ်ကိုလွယ်
ကမ္ဘာနယ်အနှံခြေဆန့်
ခရီးထွက်ခဲ့ဘူးတယ်........
အမှန်တော့မာကျောတဲ့
ရင်ခွင်နဲ့ နှလုံးသားဟာ
အလွမ်းတရားတွေပိုက်
စကြဝဠာ အစွန်းနားမှာ
နှင်းတွေကိုငုံ့ကြည့်
တစ်ကယ်တော့
တမ်းတခြင်းတွေနဲ့
နုနွဲ့တဲ့ ရင်အစုံက
မြင်ယုံနဲ့မသိနိုင်
မချိတင်ကဲ ရယ်ပွဲဖွဲ့တဲ့ရက်တွေဆို
တခါတခါလေ "မီး" ကို
သတိရတယ်
ဒီနေ့ဟာ
ဟိုး.....လွန်ခဲ့တဲ့ ကိုးဆယ့်လေးက
မင်္ဂလာတစ်ခါဆောင်တဲ့နေ့ပေါ့..........။ ။
No comments:
Post a Comment