လွမ်းသည်ဟုဆိုရာဝယ်
ဆုံစည်းခြင်းမရှိနိုင်သော
ဘဝတို့၏သံယောဇဉ်ရေစက်များ၏
ဝဋ်ကြွေးအဖြစ်သို့
သက်ရောက်လာသည့်အခါ
ရင်သည်.........
ကြေကွဲခြင်း
လွမ်းဆွတ်ခြင်း
တမ်းတခြင်းသာ
ထီးထီးကျန်ရစ်လေ၏ ။
နာကျင်ခြင်းရင်အစုံ
နှလုံးသားရှိသည့်ဖက်အခြမ်းဟု
ဆိုအပ်သောဘယ်ဖက်ရင်အုံသည်
ကြေမွခြင်းကိုမမြင်ရသော်ငြား
နာကျင်စွာတဆတ်ဆတ်တုန်ကာ
တစ်သားတည်းဖြစ်ခဲ့ဖူးသည့်
ချစ်သောသူ၏ ပုံရိပ်လွှာသည်
ကျောက်ထက်ကမ္ဗည်းထိုးသကဲ့သို့
ထင်ကျန်၏ ။
နာကျင်စွာပင်
တမ်းတငိုကြွေးပါသော်ငြား
ကူရာကယ်ရာမဲ့နေခြင်းအတွက်
နာကျင်ကြေမွကြေကွဲစွာ
တမ်းတခြင်းအတွက်
တစ်ဦး၏ရင်အစုံကို
တဦးကနားလည်ခြင်းငှာ
ငါသည်
ချစ်သူတိုင်တည်ရာစကားများကို
နားထောင်လျှက်ဖြေသိမ့်ပေးနိုင်သူဖြစ်အံ့
ထို့အတူ ချစ်သူသည်လည်း
ငါ၏တိုင်တည်ရာစကားများကို
နားထောင်လျှက်ဖြေသိမ့်ပေးနိုင်သူ
ဖြစ်ပါစေသား ။
No comments:
Post a Comment