သီချင်းဆိုယင်းအတူတူဖြတ်သန်းခဲ့ဖူးတဲ့တောင်တန်းတွေ

ချစ်သည်သခင်
မောင့်ရင်ခွင်မှာ
နေရာယူထား
ဘဝရဲ့
အစိတ်ပိုင်းမှာ
အတူရှိနေချိန်
တော်တော်များများမှာ
အပျော်ဆိုတဲ့တရား
ရင်ပိုင်စားခဲ့
အတွေးတခုနဲ့ပါ
ချစ်ခြင်းတခုတည်းပါ
ဘာမှမပါ
တပ်မက်တာ
တွယ်တာတာ
သခင်ပါပဲ
ရင်ကိုဖွင့်ကြည့်
မြင်မိမယ်ထင်......

ခဏခွဲရတဲ့အခိုက်
အလွမ်းတွေ
ခန်းလုံးပြည့်ဝေမယ်ဆိုယင်
သခင်မောင့်အား
ထားခဲ့မယ့်စကားအတွက်
ရင်ကနာကျင်ခြင်းတွေ
ဘာနဲ့ဖြေသိမ့်ရမလဲ
ဖြေပါသခင်
နှစ်ကိုယ်တူယှဉ်ဆိုခဲ့တဲ့
ချစ်သီချင်းတွေ
အလွမ်းထဲမှာပဲ
သိမ်းထားမလား........

ခဏတာခွဲရတဲ့အခါ
ခွဲမသွားချင်လို့
စိတ်တွေတွေဝေထွေပြား
လွမ်းနေတဲ့ကြား
နာလိုခံခက်
ခွဲချင်တဲ့အဖြစ်ပျက်တွေ
ပြောမနေပါနဲ့လားကွယ်
ခွဲကာမှခွဲရော
ကြိုမပြောပဲနဲ့
မသိစေချင်တဲ့သဘောနဲ့
လျှပ်တစ်ပြက်သာ
ခွဲသွားပါလေ
နှုတ်မဆက်ကြေး
လွမ်းတေးမဆို
လှမ်းမဝေးလို........

ဆုတောင်း

အကြိမ်ကြိမ်
အချစ်နဲ့ကွဲ
ကွဲကွာခဲ့ဖူး
ရင်နာရူးခဲ့
မူးခဲ့လေသလား
ရင်မှာနာတယ်
သေကွဲလည်းကွဲ
ရှင်ခွဲလည်းကွဲ
ကွဲနည်းပေါင်းစုံ
ထောင့်လည်းစုံတယ်
မငယ်တော့ပါဘူး
အချစ်နဲ့ပါတ်သက်ယင်တော့
နုနယ်သေးတဲ့နှလုံးသား
ကြေကွဲသွားတာ
မခံစားနိုင်တဲ့ဘဝ
ချစ်တာကိုသိမ်းထုပ်
အဆုံးမဲ့ခရီး
သွားတော့မည်လေ
ဒီတခါတော့
ကိုယ်ကစပြီး
သေခွဲခွဲစမ်း
မျှော်လင့်
ချက်မရှိတဲ့လမ်းမှာ
သေသွားတာက
ကောင်းလိမ့်မယ်
ဘယ်ဘဝက၀ဋ်ကြွေးလဲ
ကြေပါတော့ကွယ်
ဘဝမှာ
ခဏပဲဖြစ်ဖြစ်
အချစ်နဲ့လမ်းမခွဲခြင်း
ဖြစ်ချင်နေသေးတယ်။     ။

သရဲစီးနေတဲ့သူတွေတော်တော်များများနေတဲ့မြို့

မြို့ပြပုံရိပ်
မျောလွင့်ညနေခင်း
ရေခပ်ဆင်းတဲ့
ခေတ်မဟုတ်
နိုင်လွန်ကတ္တရာလမ်း
အကျွမ်းတဝင်
နေသားတကျ
မွန်းပိတ်ကြပ်တည်း
အစီစဉ်မကျ
မောလျရွေ့စီး
သရဲစီးနေတဲ့သူတချို့လည်းပါခဲ့
တစီးလောက်၊တစီးလောက်ပါ အကိုရဲ့
ခေါင်းဝင်အတင်းတိုး
နင့်အမေတွေငါ့အမေတွေ
မညှာတမ်းပါးစပ်ထဲထည့်
ဆရာရေ တက်စီပြီးယင်ကျော်မယ်
ငါxxx ဘတ်စကားတွေ
ဆဲတဲ့သူကဆဲကုန်ပြီ
ယာဉ်စည်းကမ်းထိန်းသိမ်းရေးလား
အလကားပါကွာ
ကွယ်ရာမှာဆို
ဖမ်းမမိယင်လွတ်တယ်
ကျော်ချင်သလိုကျော်
မှတ်တိုင်ရောက်တော့အတင်းဝင်တိုး
ကိုယ်ချင်းစာတရားမထားနိုင်တော့တဲ့မြို့
ကြီးနိုင်ငယ်ညှဉ်း
အတင်းးပြုတဲ့မြို့
တကြိမ်ထက်တကြိမ်
ပိုကြပ်ကြပ်လာတဲ့မြို့
ကြက်ပျံမကျအောင်
မော်တော်ကားတွေနဲ့
ဖြည့်သိပ်ထားတဲ့မြို့
ဘယ်သူနေချင်မလဲ
အနာဂါတ်ကိုမျှော်တွေးတော့
ရင်မှာလေးပေါ့။

အယင်ကတော့တိုးတက်ပါရဲ့
ဘတ်စကားပေါ်ကို
ခုများတော့တိုးယုံပဲတိုးတော့တယ်
လမ်းပေါ်မှာကားအချင်းချင်း
တိုးဝှေ့ယာဉ်ကြောလုကြယင်း
ဆဲကြဆိုကြ ကြားမကောင်းတဲ့မြို့
ကမ္ဘာအဆင့်မှီမတဲ့လား
တရားလက်လွတ်ထင်တိုင်းကျဲနေသူတွေ
များလာပြီပဲဘာဖြစ်မလဲမသိ
အမြဲတမ်းအားပြိုင်တဲ့မြို့
စီးပွားရေးလောက ကအစ
ဘတ်စကားအဆုံး
အရာရာပြိုင်ဆိုင်မှုတွေနဲ့
ပြည့်သိပ်ကြပ်နေတဲ့မြို့
လုနိုင်မှရမယ်ဆိုပြီး
မလုနိုင်ယင်ငတ်ပြီးသေသွားမယ့်မြို့
အရာရာငတ်ကြီးကျနေတဲ့မြို့
မဟုတ်တာတွေအဟုတ်လုပ်
လိမ်ရောင်းနေတဲ့မြို့
fashionable price ကိုသာတန်ဖိုးထားတဲ့မြို့
နေရထိုင်ရတာရန်မကုန်ပဲ
ခြေကုန်လက်ပန်းကျကျလာတဲ့မြို့
လေရှူရတာမဝတော့တဲ့မြို့
..............................
.........................
.....................။     ။

အလွမ်းဒါဏ်

နင့်နင့်သည်းသည်း ခွဲခွာမှုရဲ့ဒါဏ် ရင်မှာဒါဏ်ဖြစ် နာကျင်လျှက်သာ နေမည်ထင်လား ခင်သက်ထားရေ ချစ်လျှက်လွမ်းသော် အလွမ်းပျော်ဟု မောင်ကင်ပွန်းတပ် ရင်မှာလှပ်တုန် ရင်ခုန်ခံစား ဝေးနေလျှင်လည်း အလွမ်းပျော်ထဲ မောင်နေရဲမည် နှလုံးသားတွင်း ချစ်ခြင်းကြောင့် လွမ်းလို့နေပြီ ကျွမ်းကာဖြေမဆည်နိုင်ဘူး ရင်မှာနင့်အောင် မောင်ချစ်သူမို့ အပူရုပ်ကို ဟန်လုပ်ကာြံပုံးယင်း နှုတ်ဆက်စကား ဆိုခဲ့သည် ပိုခဲ့သည်လား မောင့်သက်ထားရယ် မပိုခဲ့သည် မောင့်ရင်ခွင်ကို မှေးစက်ကြည့်ပါ ကြည့်စမ်းပါလေ ခဏ ခဏ ခဏလေး ခွဲရတဲ့ဒါဏ်တွေ ကြာရှည်စွာခွဲလို့ မနေနိုင်မှန်း ချစ်သည်း သိပါတယ်......။     ။

သခင် လွမ်းချင်း

လွမ်းတယ်သခင်
အနားမရှိခိုက်
တမ်းတစိတ်တွေ
အလွမ်းတွေပို
နေလို့မရ
ခဏခဏ
တမ်းတမိကာ
ရင်မှာလှိုက်ခုန်
လှပ်ဟာယုံလေး
အတွေးနဲ့ပျော်
လွမ်းထဲမှာလေ
တွေ့ဆုံရက်သာ
တွေးခါပျော်လျက်
တမ်းတမော........

ညညတွေဆို
မအိပ်လိုပါ
သခင်နှင့်တွေ့ရေး
အတွေးပိုစိတ်မှာ
မျှော်လင့်တမ်းတ
အလွမ်းညတွေ
ပျော်ပါတယ်လေ
ဆိုချင်စကား
သခင်နားဝ
ပန်တော်မူ.....

ရင်နင့်ခံစား
အလွမ်းများကို
သခင်သိစေ
ရွယ်ရည်စူးလျှက်
လေလှိုင်းကြားဖြတ်
မေတ္တာပေလွှာ
ကဗျာအဖြစ်
သခင့်ရင်၌
ဆင်တော်မူ......

မြင်တော်မူ
သခင်အဝေး
ခဏလေးသွားခိုက်
တမ်းတပိုတဲ့
ရင်ခွင်စုံဟာ
အနားမှာပင်
သခင်ရှိရော့သလား
တမ်းတပိုကဲ
စိတ်ထဲစွဲဝင်
မောင့်ရင်ခွင်ကို
သခင်ကြည့်လှည့်
မြင်တော်မူ.........။      ။

အလွမ်း

ဒီတစ်ညတော့
လွမ်းခွင့်ပြုပါ
ရင်ကချစ်တဲ့
မောင့်သခင်ရေ.....

ခင်ရေ...သက်ထား
အဝေးကို
ခဏသွားတော့
မောင် နေမရ....

တစ်ကယ်ဆို
စက္ကန့်လေး
ဝေးရယင်တောင်
အချိန်တွေ
ကြာညောင်းတတ်လို့....

စက္ကန့် တစ်ခုသော်မှ
မဝေးချင်
အတွေးမှာလည်း
မလွမ်းချင်ပါ
ကျွမ်း မိသူစိတ်ထဲ
အစဉ်...စွဲငြိနေပြီပဲ......။      ။

တင်ကြိုလွမ်းခြင်းမျိုးလား

တစ်နေ့တစ်ရက်
တစ်မနက်မျှ
ခွဲခွာရလျှင်
ဝေသည့်အလွမ်း
တမ်းတမကုန်......

ချစ်သည်ချစ်သူ
ခဏတာမျှ
ခွဲခွာရလျှင်
ရေမြေလည်းခြား
တပါးအရပ်
တခြားအရပ်ကို
သူသွားမည်ဆို
ရင်မှာကြေကွဲ
ချစ်ခဲ့ကြတဲ့
နေ့ရက်တွေ
နှစ်ယောက်တည်း
တည်ခဲ့တဲ့ကမ္ဘာ
အလွမ်းတွေဟာ
ကုန်နိုင်ဖွယ်ပါကွယ်......

တွေးမိယုံနဲ့
နှစ်ဦးသား
ပျော်ခဲ့ဖူးကြတဲ့
နေ့ရက်တွေ
အတူသွားခဲ့ဖူးတဲ့
နေရာတွေ
လွမ်းတဲ့အခါမှာ
တမ်းတစွာ
သွားထိုင်ဖြစ်တော့မှာပဲ
ပျော်ရွှင်ကြည်နူးနေခဲ့ဖူးတဲ့
အရပ်တွေဆီကို
မောင်တမ်းတယင်း
မျှော်ငေးသည်.........

ချစ်သည်ချစ်သူ
ကိန္နရာချောင်းခြားတဲ့
ထင်ပါတယ်လေ
တညခွဲလို့
ငိုရရက်ခုနစ်ရာ
အလွမ်းဇတ်ကို
ဖတ်မှတ်ဖူးမယ်
မောင့်အတွက်တော့
ဘယ်လောက်ကြာမယ်
ရင်မှာ မသိ
မချိတင်ကဲ
မခွဲခင်တည်းက
လွမ်းနှင့်ပြီ......။     ။

နှစ်ဦးမေတ္တာစာ

ပိတောက်ပန်းမဝေ
လျှင်လည်းလေ
မေတ္တာရေစင်
သွန်းပက်ကာလျှင်
အတာကူး၍
“နှစ်ဦး”ကိုလည်း
ကြိုခဲ့သည်......

နွေလည်ခေါင်
ပူလောင်နေလည်း
မေတ္တာရေသွန်း
ပူလောင်ညွှန်းကင်းစေ
မောင်နှမတွေ
ကင်းစေသောက
ပျော်ကြရအောင်
နှစ်ဦးမှသည်
နောက်နှစ်ဆီသို့......

ဆုမွန်ခြွေတောင်း
ဘလော့ဂါအပေါင်း
ရွှင်လန်းချမ်းမြေ့
မေတ္တာပြည့်ကာ
စိတ်လည်းချမ်းသာ
ကိုယ်ကျန်းမာ
မေတ္တာချွေကာ
ဆုတောင်းပါသည်
ချစ်သူမောင်၏
မေတ္တာစာ......။     ။

ထာဝရတည်ဖြစ်မည့်ချစ်ခြင်းဆီ

ဘယ်လိုဖြစ်ဖြစ်
မောင့်အချစ်ရေ
နှစ်ယောက်တစ်ကမ္ဘာ
တည်ခဲ့ကြတဲ့
နေ့ရက်တွေကို
တသလွမ်းတယ်
ညညတွေဆို
တွေဝေငေးမော
အလွမ်းဆိုတဲ့တောမှာ
မောင်ဟာဘုရင်ပေါ့ကွယ်.......

မောင့်ရင်ကသိ
ထပ်တူညီမျှ
ချစ်သူဘဝတွေမှာ
ရင်ချင်းထပ်လို့
အလွမ်းတွေတူပြိုင်
ယှဉ်နိုင်ခဲ့ကြ
သည်းသည်းလှုပ်ရင်က
အလွမ်းစာမျက်နှာမှာ
တမ်းတ တွယ်ငြိ
တပ်မက်မိခြင်း
ဝေဒနာဆင့်ကဲ
ရင်ခွင်ထဲမှာ
ဖြေမဆည်သာ........

စက္ကန့်လေးတစ်ခုတောင်
ခွဲမနေချင်လောက်အောင်
ချစ်မိသည့်ချစ်ခြင်းတွေနဲ့
ထပ်တူညီမျှခြင်းတွေ
တမ်းတခြင်းနဲ့ခံစား
လွမ်းသမျှချစ်ခြင်းနဲ့
အနမ်းရဲ့ညဖြစ်ခြင်းအတွက်
ပျော်ရွှင်ကြည်မြတဲ့ကမ္ဘာ
မောင်တို့နှစ်ယောက်အတွက်
ထာဝရဖြစ် တည်စေသား.......။     ။

ခဏမဟုတ်တဲ့ တဘဝစာ သံယောဇဉ်

ဖြူစင်သန့်ရှင်း
ရင်ကချစ်ခြင်းတွေ
သူသိပြီလား
ပျော်လိုက်တာကွယ်
နှောင်တွယ်ရစ်ပတ်
ကြည်နူးနေပျော်
လက်တွဲဖော်ဖြစ်
နှောင်ဖွဲ့ကြင်နာ
နေပျော်နေသား
ကြားလေသွေးယင်
ဝေးတယ်ဆိုတဲ့ဘဝ
ခုမှနားလည်
ပိုတယ်ထင်ယင်ထင်ကြမယ်~~~~~

ဘာကိုမှမမျှော်လင့်ခဲ့တဲ့
မောင့်အချစ်ဟာ
ကြီးကျယ်ခမ်းနား
လွန်းနေသလား
သခင့်အပါးမှာ
ခဏတာခစား
ရောက်နေယုံမျှ
ရောင့်ရဲတင်းတိမ်
ကျေနပ်နေတတ်
နေပျော်သူဟာတစ်ကယ်
ကိုယ်ပါကွယ်~~~~~

သခင်ကိုယ်တိုင်
အသိမှတ်ပြုကာ
အကြင်နာနှောင်ဖွဲ့တော့
ဘာပြောကောင်းမလဲ
“ချစ်တယ်”ဆိုတဲ့
စကားတစ်ခွန်းသာ
မမောမပန်း
ထပ်ထပ်ပြောဖြစ်
တွယ်နှောင်ရစ်လို့
တိုးတိုးပြီးချစ်~~~~

ခဏလေးခွဲလို့
အလုပ်ထဲမှာ
အလွမ်းဆိုလည်း
ပျော်ပါတယ်ကွယ်
သခင်ချစ်ခွင့်
ရမှတော့လေ
ပျော်ရွှင်ကြည်နူး
မော်ဖူးချစ်ခွင့်
ပေးအပ်ခြင်းတွက်
အကြင်နာဆတိုး
နုညက်ပါးပြင်
ငုံ့မွှေးနမ်းစဉ်
သင်းပျံ့ထုံအကြင်နာရယ်
ရင်ထဲမှာအစဉ်သာစွဲ
တိုးလို့ချစ်တယ်~~~~~

ဘဝစာပါကွယ်
ခဏတာမဟုတ်တဲ့
ချစ်ခြင်းထက်ပိုတဲ့
သံယောဇဉ်အတွက်
သခင့်ကိုလေးစား
ရင်ကမြတ်နိုး
တန်ဖိုးဖြတ်စရာ
မရှိပါလေ
လွမ်းတိုင်းသာလျှင်
ပန်းပွင့်ဝေလျှင်
သခင့်အတွက်
တည်ပေးမယ့်အရာ
ပန်းကမ္ဘာသာဖြစ်
မောင့်အချစ်တွေပေါ့~~~~~~~။     ။

အလွမ်းသစ်ပင်

အို...အချစ်ရယ်
တနေ့တည
စက္ကန့်မျှပင်
မတွေ့ရလျှင်
ရင်သည်ပိုကဲ
သည်းသည်းကျင်ကျင်
လွမ်းချင်ချင်ပါ
မြင်လျှင်တွေ့လျှင်
မတို့ထိရက်
အနားမှာရှိ
မြင်သိယုံမျှ
ကျေနပ်နေတတ်
နေသူပါ.......

မြင်တွေ့ ထိတွေ့
အသံကြားယုံ
ဖုန်းဆက်ယုံပင်
ရင်မှာနေခက်
နေ့ရက်တွေ
ကာလရှည်လျှား
နှစ်များကြာသော်
စိုင်ခဲဖွဲ့ခွေ
ငိုင်မြဲရက်တွေမှာ
တမြည့်မြည့်........

နှောင်းတမြည့်
လမ်းတကွေ့မှာ
တွေ့ဆုံကြုံကွဲ
သံသရာထဲမှာ
အလွမ်းတွေဆိုတာ
တည်မှီရာဖြစ်
ချစ်နေယုံနဲ့
နေတတ်ခဲ့သည်
ကာလတွေလည်း
ရှည်ခဲ့ပြီ.........

အော် သည်းရယ်
ခွဲမယ်ကြံသလား
အလွမ်းနေ့စွဲများဟာ
တွဲဆက်လို့မကုန်
ခွဲရက်လို့တဖုံနှိပ်စက်
ရင်ကအပူတွေ
မမြင်သိစေချင်ပါ
ဝေဒနာလေ
လောင်မြိုက်ကျွမ်း.....

မတွေးချင်
မေ့လို့ပင်ထားခဲ့
နှစ်ကိုယ်ယှဉ်တွဲ
ရှိခဲ့ရက်တွေ
အချိန်တွေရယ်
ကုန်လွယ်လွန်း.......

မခွဲချင်ပါ
ဝေးမှာကိုလည်း
မလိုချင်ပါ
နွမ်းလျတဲ့
နေ့ရက်တွေ
တမ်းတရမယ့်
ညညတွေ
ဆယ်နွေလိုပူပြင်း
ရင်တွင်းမှာ
အလွမ်းသစ်ပင်....။      ။

သိစေလို

သခင်ထံပါး
တစုံတခု
ရရန်ရွယ်စူး
မခူးချင်ပါ.....

ရင်ကသနစ်
ဖွင့်ဟလှစ်လျှက်
ကျွန့်ချစ်ခြင်းကို
သခင်မြင်ယုံ
ထင်သာယုံ.....။     ။

အစီစဉ်မဲ့

ဖောက်ပြန်နေတဲ့စိတ်ကိုထိန်းချုပ်
သိမ်းထုပ်လို့မနေသာ
ရင်ထဲမှာနင့်နေအောင်လည်း
သိပ်ချစ်တယ်ကွယ်~~~~

ပြောမှပြောသင့်ပါမလား
စဉ်းစားချိန်တွေး
စိတ်တွေမောလျ
ဒီတညတော့နှုတ်ဖျားလျမှာ
မခြွေသေးဘူး
စကားဦးကို
ရင်နှင့်အမျှ
ပွေ့ပိုက်ထားယင်း~~~~~

စကားသည်လို
မဆိုဖြစ်ပါ နှစ်များကြာပေါ့
ရင်မှာမွတ်သိပ်
တမ်းတစိတ်တွေ
ခုနေ..လျှင်လည်း
နှလုံးထဲမှာ
ချွေးသိပ်ဖြေလျော့
ပြေစေသောစိတ်တွေ
မတွေဝေချင်
မိုက်မဲမှုတွေအစဉ်ရင်က
ထိန်းချုပ်မရနိုင်တော့လို့~~~~

သိပ်ချစ်တယ်ကွယ်
“ဘာတွေခံစားနေလဲ”
ပြောရက်လေအား
သည်စကားကို
ဆိုခြင်းမှာပင်
ရင်တွင်းပူကျွမ်း
လောင်မြိုက်လွမ်းစေ့
လွမ်းလျက်မေ့လျော့မနေသာ~~~~

မဖြေသာသည်
ရင်ခွင်ဆီမှာ
ထွေးပိုက်ထားယင်း
လွမ်းစကားတွေ
ဆိုဖြစ်တော့မည်
ထင်ပါသည်~~~ ။     ။

တွယ်မက်တိမ်းမူးတမ်းတ

အပါးမှာမခွဲ
အမြဲရှိနေချင်
တွေ့မြင်ရခွင့်
ခဏလေးတွေ
ကြာရှည်အောင်ပင်လေ
အနီးနားမှာ
အကြောင်းရှာကာ
နေမိတတ်ပြီ.....

မဝေးချင်ပါ
မျက်နှာမွန်ဦး
မော်၍ဖူးချင်
ရင်မှာရူးမတတ်
စူးနစ်ခတ်လည်း
တွယ်တာတပ်ငြိ
တမ်းတမော......

မတွေးချင်ပါ
လက်ရှိခြေနေ
“မိုက်မဲလေသည်”
ထို၍စကား
ကြားလျှင်လည်းလေ
ဥပေက္ခာပြု
ကိုယ်မမှုဘူး
ငယ်တုန်းကလို
လှိုက်မောသည်........

ရင်မှာတိုးတိုက်
နှလုံးသား၏
ရိုက်ခတ်သံများ....လှောင်ရယ်
မောလျတွေးနေ
တွေဝေခြင်းတွေ
ရှောင်ဖယ်ကာ
အချစ်သင့်ပြီလား......

သစ္စာကွယ်သည်
ဆိုစေထားဦး
မပြတ်တမ်းတ
သတိရမိသည်
တစ်ကယ်ပါဆို
လွမ်းရဦးမလား
နှုတ်မြွက်ခြွေ
တမ်းတညနေခင်း
တူတူယှဉ်ထိုင်
ကိုယ်တိုင်ပင်
မှိုင်နေမိခဲ့
ကိုယ်တိုင်သာသိတဲ့အချစ်
အပြစ်သင့်မလားကွယ်.......

အန ္တရာယ် ....ကြီးလား
မသိချင်ပါ
ဘာပဲပြောပြော
မရှောင်ချင်ပါ
ရင်ထဲမှာလျှင်
သခင်သာရှိ
မတွေမဝေပဲ
တိမ်းမူးတမ်းတ
တွယ်မက်၏ ။     ။

အပြစ်မကင်းတဲ့ချစ်ခြင်းတွေ

ဆိုစကားတင်း
ချစ်ခြင်းဖွဲ့တွေ
တွေဝေစွာပင်
ဝေးမှာစိုးကြောက်
လွမ်းလောက်ပါတဲ့
တွယ်ငြိတပ်မက်
ဝေဒနာ....

ရိုးသားစိတ်လေး
ကွယ်ပျောက်ပြေးမှာ
စိုးရွံ့ပါရဲ့
စိတ်မှာဖြစ်သော
ဒါဏ်ရာတွေလေ
အယင်ကထက်...ပိုများနေ

မပြောသာသည်
နှောင်တည်ရစ်ပတ်
သံယောဇဉ်စ
မြင်ခဲ့သည်လေ
သည်းရင်ပူစေ
ကျွမ်းမြေ့စေသား
အတွေးမှားတွေ
နှလုံးသားထိ
စွဲငြိဝင်.....

သည်းသည်းလှိုက်ခုန်
ရင်အစုံသည်
တွယ်ငြိခြင်း၏
မြစ်ဖျားခံရာ
သံသရာစက်ဝန်း
ခဏခြင်းသာ
ကြုံဖူးပါရဲ့
နုညံ့ဖက်ပွေ့
အတွေ့...၌ပင်
ပျော်မောခဲ့ဖူး
ရင်ခုန်ဖူး၏
ခွဲခဲ့ရလည်း
မလွမ်းသာ......

မလွမ်းသာသည်
ရင်မှာသည်းသည်း
အလွမ်းထဲနစ်မွန်း
ချစ်လွန်း၍သာ
အရာရာပင်
မတွယ်ငြိဟန်
ဟန်ဆောင်စကား
နှုတ်ဖျားတင်.......

“ရိုးရိုးသားသား”
စကားသည်လို
ဆိုခဲ့သည့်နှုတ်
မှားမိမှန်းပင်
စိတ်ဝယ်ထင်သည်
ချစ်မိရင်မှာ
မလွန့်သာ.....

“ချစ်သည်”သခင်
ရင်ခွင်ကသိ
ဖွင့်ဟလှစ်ကြား
စကားသည်လို
ဆိုချင်ပါသည်
တို့နှုတ်ဖျားမှ
မပြောသာသည်
ခွဲခက် မခွာဝံ့
မစွန့်သာသည်
ရင်ကဝေဒနာ
သခင်မြင်မလား.......

သိက္ခာကိုလွှင့်ပစ်ခြင်း

ခက်တာပဲကွယ်
သိက္ခာတွေ
ဘာလုပ်ရမလဲ
ဆွဲယူကိုင်ဆုပ်
လွှင့်ပစ်မယ်လေ

ချစ်တာပဲကွယ်
သိက္ခာကို
ဘာလို့ထိန်းမလဲ
ကိုယ့်အတွေးပဲ
လွန်တာလား
မေ့အရေးတွေး
ရင်ခွင်မှား

သိက္ခာနဲ့အရှက်လဲမှဖြစ်မယ်ဆိုယင်
ရှက်တတ်နေသေးသပေါ့ကွယ်
အဖတ်လည်းမဆယ်ချင်ပါ
အမြတ်လည်းမဖလှယ်ချင်ပါ
ဘာပဲဖြစ်ဖြစ်ချစ်တတ်တဲ့ရင်က
ချစ်တာပဲသိတယ်........

တိတ်ဆိတ်တွယ်ငြိတပ်မက်ဝေဒနာ

သခင်ရင်မှာ
နင်အမြဲရှိတယ်
အတွေးထဲတွေဝေ
မှောက်မှားဖောက်ပြားတဲ့စိတ်နဲ့
ခြောက်ခြားခြင်းအရိပ်တွေ
ရင်မှာဝင်လို့နေရာယူ........

ရင်ထဲမှာ
အစဉ်အမြဲငြိတွယ်
အတွေးထဲမှာ
အစဉ်အမြဲရှိတယ်
တိတ်ဆိတ်စွာမနေသာခြင်းရဲ့
တဖက်နံရံမှာ
အနေနီးလို့
ရင်မှာမနေတတ်ခဲ့
အခြေကြီးလို့
နင်ဟာလေ
အဖြေမတတ်ခဲ့သလားကွယ်....

သံယောဇဉ်အပိုင်းစနဲ့
ပြန်မပြောချင်တဲ့
စကားအခွန်းခွန်းဟာ
အထင်သေးအမြင်သေးဖြစ်ခဲ့
ချစ်မိသူငါ့
ရင်မှာရတက်မအေးအောင်
လှိုက်ဖိုမောလျတဲ့
ရင်ဝေဒနာအစုံက
နင်ရယ်လို့ငြိတွယ်မြဲပါ......

သခင်ခြေရင်း
ဝပ်စင်းခစား
ချစ်ခြင်းများနဲ့
နင့်အပါးမှာ
အမြဲအစဉ်
နေရာယူနေချင်
တွယ်မက်တဲ့စိတ်
တမ်းတရစ်စေ
နှောင်မိတဲ့ကြိုး
တွယ်ကာပတ်ရစ်
သိပ်ချစ်သတဲ့........

အမှန်နဲ့အမှားလို
ခံစားတွေဝေ
ရင်မှာမနေတတ်
အနေကြပ်ခဲ့
မတတ်သာသည်
လှိုက်ဖိုမောလျ
ရင်ခွင်မှာ........။     ။

HAPPY BIRTHDAY ပါးပါးရဲ႔ သည္းပြတ္ေလး

Happy Birthday ပါးပါးခ်စ္တဲ႕သမီးေလးခ်ိဳသဒၵါေဇာ္ က်ေရာက္တဲ႕ဒီေန႕ေမြးေန႕မွသည္ ေနာင္ႏွစ္ေပါင္းမ်ားစြာသမီးခ်စ္တဲ႕ ပါပါးမာမား တို႕နဲ႕ ေပ်ာ္ရႊင္သာယာစြာေနထိုင္ႏိုင္ၿပီး

လိုတိုင္းတတိုင္း ရပါေစလို႕........

သည္းပြတ္ေလးရဲ႕ပါပါး

ခ်စ္သူေမာင္