ကဲ ဘယ်လိုလုပ်မလဲ
ချစ်သော ငယ်ရယ်
မသိယောင်ဆောင်
ရယ်ပွဲဖွဲ့ခဲ့တဲ့ရက်တွေ
နွေတစ်နွေမှာ
ကုန်ဆုံးခဲ့ကြ
ဝေးခဲ့ကြပြီ......
လွမ်းတေးသီလည်း
လွမ်းနေမြဲသာ
နေသာနေ ဖြေမရတဲ့အဖြစ်
တွေဝေရတဲ့ အချစ်တွေနဲ့
ကိုယ်လေ ရင်တွေကွဲအောင်
ခံစားရစ်ခဲ့……….
မျက်နှာကလေးမြင်ချင်လို့တောင်မှ
တွေ့ခွင့်မရတဲ့အဖြစ်
အချစ်တဲ့လား……..
ယုံမှတ်မှားနေပြီ
ထင်မှတ်မှားတဲ့မောင့်ရင်ခွင်
အလွမ်း အဆွေး
တမ်း ရမ်း ငေး မော
အတူတူထိုင်ကာ
မမောနိုင်မပန်းနိုင်
သီကြူး ရင့်ခဲ့ကြတဲ့ အချစ်တေး
ခုတော့လည်း
အလွမ်းဇယားပဲလေလား
နွမ်းမောလျစေတဲ့
စိတ္တဇနွေမှာ
အိပ်မရ ည တာရှည်.....
ရှည်လွန်းလှတဲ့
အိပ်မရည
မောရတဲ့သောက
ဗျာပါဒတွေ
နေရာယူခွင့်
မောင်ပေးမိသည်
ဘာကြောင့်ဖြစ်ဖြစ်
လွမ်းရစ်တဲ့ဇတ်အလား
ကျွမ်းရစ်ဖူးသူ
သက်ထားရေ
အခက်များနေရှည်ကြာခဲ့
ရတက်အမှားပွေ
မနေသာရက်ပါ
ခင်ကတော့လေ
ပျော်ပါစေလို့.......
ထားခဲ့ဖူးတဲ့
ညောင်ညိုရိပ်
အတိတ်မှာပဲ
ကျောခိုင်းလျက်မောင်နေ
တွေတွေဝေဝေပါပဲ
ပျော်နေသားလို့မတွေးပါနဲ့
"အလွမ်း"ဆိုတာ
အပျော်တရားဖြစ်ယင်တောင်မှ
နွမ်းလျစိတ်တွေကြေမွလို့
ဘာပဲဖြစ်ဖြစ်ပျော်ပါတယ်လို့
ဇွတ်ငြင်းပြောရမယ့်အဖြစ်
မောင့်အချစ်ရေ........
လွမ်းသည်သခင်
ကြင်သူသက်ထား
ထားသွားတော့မလား
အလွမ်းကြားနစ်
မပျော်ရစ်ပါ
ရင်ကိုဝင်ကြည့်
မချိတရိပါ
ကြေ ကွဲနေ မိုး ည
ညညဆိုယင်
အိပ်မရပါ မျှော်လင့်ယင်းဝေး
ရင်မှာဆွေးသည့်
အဖြစ်ပျက်တွေကို
မောင့်ရဲ့ချစ်သူ
သိစေချင်ပါသည်။ ။
No comments:
Post a Comment