ပေါ့ပျက်ပျက်စကားလုံးတွေ
သုံးပြီးရေးထားတဲ့ကဗျာတစ်ပုဒ်
မလိုအပ်ပါဘူးကွယ်............
မင်းအချစ်ခံရဖို့အတွက်လည်း
(ပေါလိုက်တာလို့)မင်းသတ်မှတ်ထားတဲ့
လက်ရေးမူနဲ့ရေးပြီး
နှလုံးသွေးနဲ့ဖွဲ့နွဲ့သီချုပ်အပ်တဲ့
ကိုယ့်ရင်ထဲက ကဗျာစာအုပ်တစ်အုပ်
တစ်ကယ်တော့မင်းအတွက်
မလိုအပ်ပါဘူးကွယ်...........
ဘယ်လိုပဲဖြစ်ဖြစ် အချစ်ရေ
မင်းကိုယ်တိုင်က ကိုယ့်အတွက်ကဗျာ
မင်းမျက်ဝန်းက ကိုယ့်အတွက်
ထာဝရညီနေမယ့်ကာရံ
မင်းယိမ်းနွဲ့သွားပုံလေးက
ကိုယ့်အတွက် အမြဲ နရီ
မင်း ရယ်ဟန် ကကိုယ့်အတွက်နိမိတ်ပုံ
လေးသုံးနှစ် လေးသုံးတစ်
လေးလုံးစပ်မဟုတ်လည်းလှပါတယ်
ဒွေးချိုးမဟုတ်လည်းချော
မဖွဲ့ဆိုလည်းကဗျာဖြစ်ခဲ့...........
ဒါနဲ့တောင်
ငါ့ရဲ့မိုက်မဲမှု ငါမမြင်ခဲ့သေးဘူး
မင်းအတွက်ကဗျာဖွဲ့ယင်တောင်
ငါကိုယ်တိုင်ကဗျာဖြစ်သွားခဲ့တာ
အကြိမ်ရေမနည်းပါဘူး
ဒါပေမယ့်
မင်းငါ့ရဲ့မိုက်မဲမှုနဲ့ မထိုက်တန်ခဲ့ပါဘူး
ငါဟာကဗျာကိုရူးသွပ်ခဲ့သလောက်
မင်းကျတော့ဘာကိုမှမသိတာ
ငါခံပြင်းလွန်းလို့ပါ
ဒါတောင် ခုချိန်ထိ ငါဆက်ပြီး
မိုက်မဲမိနေတုန်း............။ ။
--
ချစ်သူမောင်
No comments:
Post a Comment