အလို............
မျှော်လင့်ချက်ရှိမှ အသက်ရှင်တဲ့
လောကကြီးထဲမှာ
အရာရာဟာ မျှော်လင့်ချက်အပြည့်နဲ့ အသက်ရှင်
ရင်မှာတော့လှုပ်ရှားမှုတွေနဲ့
အတွေ့ရခက်တဲ့ရက်တွေမှာတောင်
မနေတတ်တော့ သယောင်ပါပဲ.............
ဒီလိုပြောတော့.........
ခပ်သောသောရယ်ချင်ရယ်မယ်
မယုံသင်္ကာဖြစ်ချင်ဖြစ်မယ်
"အရမ်းချစ်တယ် သခင်ရယ်"လို့
တစ်ခါကရေးဖူးတဲ့စာသား
နှလုံးသားမှာထင်ဟပ်
တကယ်မနေတတ်ခဲ့ပြီလားလို့
ကိုယ့်ကိုဆန်းစစ်
ပန်းတွေတော့ချစ်နေဆဲပါပဲ.................
တခါတလေ.....
ညာမနေတတ်ပေမယ့်လည်း
မျှော်လင့်ချက်နဲ့ရှင်သန်
မှန်ကန်နေဦးမလား
အခြားအခြားသောကမ္ဘာမှာ
စကြဝဠာအပြင်ဖက်မှာ
အခက်ပွေကြုံဦးမလား
တစ်သက်လေငုံဦးမလား..........????
ရှင်သန်မှုဆိုတာ......
အင်မတန်မှတုပလို့ကောင်းတဲ့အရာ
တခါတခါတွေးမှတ်
မျှော်လင့်ချက်မဲ့လည်းအသက်ရှင်
အသက်ဝင်လှုပ်ရှားနေတဲ့ငါဟာ
အတ္တရဲ့လမ်းညွှန်မှုအောက်မှာ
ညှာတာမှုကင်းမဲ့တဲ့မျက်နှာ
ရက်စက်တဲ့ မျက်လုံးတွေနဲ့
တခါတခါရှင်သန်ခဲ့ပါတယ်............
အသက်မဲ့အရုပ်......
ငါလေငုတ်တုတ်ဖြစ်ချင်
(သို့မဟုတ်)
ချစ်ရတဲ့သူကိုဖြစ်စေချင်
တကယ်တော့လည်း
ဘာကိုမှ မဖြစ်စေချင်
ရှင်သန်နေချင်တာ
ရင်ထဲကဆန္ဒအမှန်
အကြံဖန်မလုပ်ပဲ
အမှန်ကန်သရုပ်ခွဲပြီး
တမ်းတချစ်နေဦးမယ်................
တကယ်ဆို......
ကလေးငယ်တစ်ဦးရဲ့ရှင်သန်မှု
ယုယမှုဆိုတဲ့စကားဟာ
မိဘပေါ်မှာပဲမူတည်သလို
လှပတဲ့ပွင့်ဖတ်နဲ့
သင်းထုံတဲ့ရနံပေးတဲ့
နှင်းဆီပင်ရဲ့ရှင်သန်ခြင်းဟာ
ဥယျာဉ်မှူးပေါ်မှာပဲမူတည်
မကြည်ဖြူတဲ့အပြုံးမှာ
ရှင်သန်ခြင်းအနှစ်တွေ
ကင်းမဲ့နေပါတယ်.............
အပြစ်မရှိတဲ့အချစ်ဟာ
တခါတလေတော့လည်းဖေါက်လွှဲ
မရဲတရဲအကဲခတ်ပေမယ့်
ယဲ့ယဲ့ပဲကျန်တဲ့ နှလုံးသားမှာ
ရှင်သန်ခြင်းဆိုတာရှာတွေ့ဖို့
မနည်းလိုက်ရှာလို့..............
မစို့မပို့ရှင်သန်နေတဲ့နှလုံးသား
တခြားနေရာမှာတော့မတွေ့ခဲ့ပါ............
ဘာပဲဖြစ်ဖြစ်ချစ်စေချင်တယ်
အမှန်တကယ် တွယ်တာမြတ်နိုး
တိုးတိုးတိတ်ချစ် အိပ်မပစ်ရက်
အချစ်ခက်ပြီ နေ့တွေဆီကို
မျှော်ရည်မှန်းဆ လွမ်းသမျှကို
သည်းမှာပိုကဲ မငိုရဲပါ
မြဲစေရာလို မြဲစေရာလို
တခါကဆိုစပ်
ခပ်ကျပ်ကျပ်ကဗျာဟာလည်း
အမြဲတမ်းအသုံးမဝင်ပေမယ့်
တခါတလေတော့လည်းအကျုံးဝင်ချင်
မနှင်ပါနဲ့ခင်ပါကွဲ့လို့ ခပ်နွဲ့နွဲ့စာသားတွေ
ခပ်လေလေမရေးချင်ပါ...........
ဘာပဲဖြစ်ဖြစ်....
ငါသိပ်ချစ်တဲ့ နင့်ဥယျာဉ်မှာ
နင့်ကိုစောင့်စား တောင့်ထားအားယူ
အငုံဖူးပွင့်မယ့် ချစ်တတ်တဲ့ နှင်းဆီပင်
ရှင်ဖို့အားယူနေပါတယ်..........။ ။
No comments:
Post a Comment