မင်းရဲ့အကြောင်း
သတင်းအ ပေါင်း
အပေါင်းသင်းစုံနဲ့
ပြောဖူးတဲ့ နေ့
ကိုယ့်မှာရှိဖူး......
ရူးရူးမူးမူး
အလွမ်းသင့်
ကြေမွ ကြေကွဲ
နှလုံးသားဟာ
အခါးသက်သက်
စီးဆင်းခဲ့တဲ့
ပျားရည်မြစ်လား
ထင်မှတ်မှားဆဲ
မြင်ယောင်ထင်မှား
အိပ်မက်များစွာမှာ
မင်းသည်သာလျှင်
ပိုင်စိုးမိုးကာ
နေရာယူ.........
အယူမတူတဲ့အလွဲနဲ့
မူမတူတဲ့ငရဲဟာ
ရင်ကိုတိုက်စား
လွမ်းလို့ပြာကျ
နွမ်းလျအိပ်စက်ခြင်းညတွေ
အဖန်ဖန်နိုး
ဝိုးဝါးအိပ်မက်
ဂယောက်ဂယက်ပါလေ.....
ရင်ခွင်ညှာဦး
တမ်းတမူးရီ
အိပ်စက်သည်တွင်
မွမွကြေသည်
ရင်သည်ဟက်တက်
ကွဲသတည်း .......
အိပ်စက်ခြင်းသည်
ဖယ်ခွာပြေးထွက်
ညနက်နက်မှာ
လွမ်းလို့လောင်မြိုက်
အမှောင်တိုက်တွင်း
သက်ဆင်းခယ
ဒီတညလည်း
အိပ်လို့ပျော်ပါ
ရရပါစေ
တောင်းဆုချွေ။
Chitthu Maung
No comments:
Post a Comment