အရှင်ဘုရား
ဩကာသ အစချီကာ
ရှိခိုးဦးခိုက်
ကန်တော့ပန်းဆင်ပြီး
သစ္စာပြုအဓိဌာန်ပါမည်......
ဘုရားတပည့်တော်သည်
တပည့်တော်၏
ချစ်သူအပေါ်
ချစ်ရသည့်ချစ်ခြင်းသည်
အကြွင်းမဲ့ဖြစ်ပါသည်
သူ့အပေါ်တွင်
စိုးစိမျှဖောက်ပြန်ခြင်း
အလျှဉ်းမရှိခဲ့ပါ........
ဤမှန်သောသစ္စာကြောင့်
ဘုရားတပည့်တော်တို့၏
ချစ်ခြင်းကို
နှောင့်ယှက်ဖျက်ဆီးလျှက်ရှိကုန်သော
ချစ်သူ၏
မကောင်းရာမကောင်းကြောင်း
သူငယ်ချင်းအပေါင်း
တို့သည်လည်းကောင်း
ချစ်သူ၏
စိတ်သဏ္ဍန်တွင်
ထင်ဟပ်နေသည့်
ပျက်စီးရာပျက်စီးကြောင်း
စိတ်အစုံသည်လည်းကောင်း
ပျက်သုဉ်းကြေမွဖြစ်ရပါစေသား
အရှင်ဘုရား......
ဤသစ္စာ
မှန်ကန်ပါက
နှစ်ကိုယ်တူနီး
ချစ်ခရီးသည်
ပေါင်းဖက်ခြင်းသို့
အမြန်ရောက်ရပါစေသား
အရှင်ဘုရား.........
သစ္စာမမှန်
ဖောက်ပြန်သူဖြစ်ပါက
အန္တရာယ်
ရန်စွယ်အဆုံးမရှိသော
ငရဲသို့ကျပြီး.........
ဤသစ္စာ
တည်ကြည်မှန်ကန်ပါက
ချစ်သူ၏စိတ်
စေတသိက်သည်
ဘုရားကျွန်တော်မျိုးအပေါ်
သာယာညွတ်ပြောင်းခြင်းသို့
အလျှင်အမြန်
ရောက်ရပါစေသား
အရှင်ဘုရား..........
No comments:
Post a Comment