လာလာမဆွနဲ့
တခါကသံယောဇဉ်တွေ
အညှာကပြန်မပြောချင်ပေ
ရာသီဖွဲ့လွမ်းခြင်းတွေ
စာစီသွဲ့ညင်းပျောင်းစေ
တစ်ကယ်တော့
ဆောင်းရောက်ယင်
လွမ်းချင်ချင်....
ဘယ်လိုအတွေးကြောင့်
အလွမ်းဆိုတာ
ရင်ထဲရောက်လာတယ်မသိ
ရင်ထဲဆို့တို့တို့နဲ့
နဂိုတည်းက
အလွမ်းဓာတ်ခံနဲ့ပါဆို
ငိုချင်ရက် လက်တို့
လွမ်းတဲ့အကြောင်း
သောင်းပြောင်းထွေလာ
ငယ်သူငယ်ချင်းတွေရဲ့
အမှတ်တရပုံတွေ
ဖေ့ဘုတ်မှာတက်လာတိုင်း
အလွမ်းတွေနှောင်ဖွဲ့
အလွမ်းရဲ့ရာသီ
ဆောင်းတောင် ရောက်ပြီလား
မတမ်းတချင်
မလွမ်းချင်ပါ
ရာသီအေးအေး
လခြမ်းကွေးမှာ
ရင်ခွင်သိုထား
သက်ထားကလျာ
စကားတွေတီးတိုး
ဆိုခဲ့ကြတဲ့
ဝရံတာလေးကို လွမ်း
ဘယ်နေရာမြင်မြင်အလွမ်း
အလွမ်းဆိုတာ ရွာလည်
အဖြစ်သနစ်အစုံ
မျက်ရည်စိုယုံလွမ်း
ရင်ခွင်မှာတငွေ့ငွေ့လွမ်း
ဪ....... လွမ်း
......
......
.....
..... လွမ်း။ ။
No comments:
Post a Comment