အကျည်းတန် သင်္ကြန်

ဟယ်....ဘုရားဘုရား
အသံတွေကြားနေရပါလား
ဝုန်းဒိုင်း သံတွေ
ဒီဂျေသံနဲ့ရောစပ်
ကြားလို့မသင့်တော်တဲ့အသံ
ရင်ထဲကိုဖြတ်စီးသွားခဲ့
မဖြစ်သင့်တာပဲ
"ဗုံးကွဲတယ်တဲ့"
နှစ်သစ်မှာမင်္ဂလာယူနေချိန်
ရင်မှာဆူလောင်ပွက်စေဖို့
ကြားရတဲ့သတင်းဆိုး
အိုး မဟုတ်ပါစေနဲ့..........

မယုံမရဲနဲ့
အွန်လိုင်းပေါ်တက်လိုက်တော့
ဖေ့(စ)ဘွတ်ကအစ
ရိုက်တာအဆုံး
သေချာသတဲ့
အဖြစ်ပျက်တွေ
ရင်မှာမခံစားနိုင်အောင်
ဓါတ်ပုံတွေနဲ့တကွတွေ့ရ
ခက်တော့နေသား
ပျော်စရာတွေပျောက်ပျက်
သြင်္ကန်နေ့ရက်မှာ
အမင်္ဂလာ သတင်းဆိုး
၉/၁၁ လိုမျိုး
ရင်ထဲကိုတိုးတိုက်ကြေကွဲစေတယ်
ဒီတစ်ခါကလေ
မြန်မာပြည်မှာတဲ့
ဗုံးဆိုတာဒီလောက်ရှားတဲ့
ငါတို့ပြည်မှာ
သုံးလုံးတောင်ဘယ်ကရလဲ
အတွေးတွေ ေ၀ဝါး
ထွေပြားသွားစေတယ်..........

အရှေ့အလယ်ပိုင်းက
ပါလက်စတိုင်းဆိုလည်းထားပါတော့
ခုဟာက အသေခံလား
အသေမြန်လား
ချိန်ကိုက်တာလား
ခေါင်းထဲကိုအတွေးတွေ
စီရရီရောက်လာတယ်
ဘာလို့ခွဲတာလဲ ???
ဘာရန်ငြိုးရှိလို့လဲ???
အပြစ်မဲ့သူတွေ
အားလုံးပျော်နေတဲ့အချိန်မှာ
ဒီဂျေ သီချင်းသံနဲ့
ရောသမ မွှေလိုက်တဲ့
မင်္ဂလာနှစ်သစ်ကို
ကွဲပျက်စေတဲ့ဗုံး
ဖျက်ချင်လို့ပဲခွဲခွဲ
...........လို့ပဲခွဲခွဲ
မသမာမှုတွေကလည်း
ရက်စက်အကျည်းတန်လွန်းတယ်
ခွဲတဲ့ကောင်တွေလည်း
ရိုင်းစိုင်းယုတ်မာပက်စက်လွန်းတယ်.......။     ။

အမှတ်တမဲ့သင်္ကြန်

ခဏခဏ

အသံတွေကြားနေရ

သင်္ကြန်မှာအပျော်ရွှင်ဆုံးဖြစ်ခဲ့တဲ့

တစ်ထောင့်ကိုးရာကိုးဆယ့်ငါး

ဆိုင်ကယ်တစ်စီးနဲ့ မန ္တလေးမှာ

တို့နှစ်ယောက်ပျော်ဖူး

ချစ်ရည်လူးခဲ့ကြ

ပြင်ဦးလွင်မှာ

ဘီအီး

ရေတံခွန်ထဲချော်ကျ

ငါဆွဲထူတော့မနည်း

အနစ်ကြီးပဲဆိုတာတွေ

အဲတာအမှတ်တရနဲ့

အိမ်ထောင်ဦးရဲ့

ပျားရည်ဆမ်းရက်များ..........

နောက်တော့

နှစ်ထောင့်လေးမှာတစ်ခေါက်

မန္တလေးနဲ့မုံရွာ

နောက်တစ်ခေါက်ရောက်ဖြစ်ပြန်တယ်

အဲဒီမှာ အိမ်က သဘောမတူတဲ့

ဘဝရဲ့ မထင်မရှားနေရာမှာပါခဲ့တဲ့

ချစ်သူ လည်းပါခဲ့

လွမ်းစရာတွေမဟုတ်ပေမယ့်

သင်္ကြန်ဆိုယင်

ရင်မခုန်ချင်ပဲ

နာကျင်စရာတွေများနေခဲ့

တမ်းတတာမဟုတ်ပေမယ့်

နွမ်းလျရုပ်နဲ့ပါကွယ်........


ကျွမ်းချစ်သက်သေ

လွမ်းပစ်ရမယ့်ရက်တွေပါတဲ့

သင်္ကြန်အပြန်လှန်ဆက်စပ်တွေး

ဒီလိုပဲခပ်ငေးငေးနေချင်

တွေတွေဝေေ၀နဲ့

ထွေရာလေးပါးစကားဆိုဖြစ်

ညီမလေးနဲ့အတူလည်ဖြစ်တဲ့

တနှစ်တည်းသောသင်္ကြန်

ရင်မှာနာယုံကလွဲပြီး

ဘာမှပြန်ဖြစ်မလာတော့

လွမ်းနေရတာပဲ

အဖတ်တင်

ကျွမ်းဝင်သူတွေနဲ့

မလွမ်းချင်အဖြစ်သနစ်စုံတဲ့

ကဖျစ်ကညစ်နဲ့

ခြောက်သွေ့သင်္ကြန်

ရောက်လာပြန်ခဲ့

သင်္ကြန်မိုးမရွာ

တန်ခူးလေမတိုက်

ခပ်မိုက်မိုက်ပဲ

ရဲရဲပူတယ်

ရင်ကနွေရယ်...။     ။

သင်္ကြန်တဲ့လား

ကဲပါကွယ် ....
နှစ်သစ်တဲ့လား
တနှစ်တနှစ်နဲ့
ရင်ခုန်သံမြန်ခဲ့
ကျန်ခဲ့တဲ့နှစ်တွေအတွက်
အပြစ်ကြေချင်တာလား
စဉ်းစား.........

မွေ့လျော်ခဲ့သော
မကောင်းမှုအားလုံး
အရာခပ်သိမ်း
အသာယာ ချုပ်ငြိမ်းစေချင်
စိတ်မှာငြီးငွေ့
အတိတ်ခြေရာတွေ
ပြန်မရှာချင်တော့
ဘာဖြစ်ဖြစ်
ပွင့်နေတဲ့ငုဝါ
ဖူးနေတဲ့ပိတောက်
အပင်ခြောက်တွေနဲ့
ဝေဆာနေတဲ့သြင်္ကန်.......

ဘာပဲဖြစ်ဖြစ်
ပူလိုက်တာနော်....
ငြီးတွားသံတွေ
နွေဟာပြင်းလွန်းလှ
ရင်ကအလွမ်းနဲ့အပြိုင်
နိုင်အောင်ကျဲမလား
မိုင်ထောင်ချီဝေးနေတဲ့
တစ်ယောက်ယောက်ကိုသတိမရနိုင်
အင်ဖနတီဝေးခဲ့တဲ့
ကျောချင်းကပ် ကာ
လမ်းလျောက်သွားသူကိုလည်း
သတိမရနိုင်
ပူလွန်းလို့သတိမေ့နေတာဖြစ်မယ်
အဲလိုပဲမှတ်ချက်ချ.........

အာရုံနောက်တယ်ကွာ
ဘာတွေလာပြောနေတာလဲ
ဒီနှစ်သြင်္ကန် မစည်ဘူးဆိုပဲ
အလကားပါကွာ
နှစ်တိုင်းဒီလိုပြောနေကျပဲ
ပြီးတော့လဲပြီးတာပါပဲ
မပျော်ချင်တော့ဘူးကွယ်
သင်္ကြန်ရယ်လေ............။ ။

ညီမလေးအတွက် ချစ်ခြင်းလက်ဆောင်

တစ်ကယ်တော့အလွမ်းဆိုတဲ့ နွံ ထဲမှာနစ်မနေချင်တော့ပါ ။ သို့သော် အလွမ်းဆိုသည်ကား ဘိန်းတစ်မျိုးဟု ဆိုလျှင်မှားမည်လား တစ်ကယ်တော့ အလွမ်းဆိုသည်ကားဘိန်းထက်သာသော စွဲယစ် ဝေရီ စေသော အရာဟု ဆိုလျျှင် မှန်မည်ထင်သည် ။တသသ နှင့်မှိုင်တွေနေခြင်းမျိုးမဟုတ်သော်လည်း ရင်ကိုထိခိုက်စေတတ်သောအကြောင်းအရာဖြစ် လေသည် အလွမ်းကိုလူတို့စွဲငြိကြသည် အလွမ်းကိုဋီကာ ဖွဲ့ကြသည် လွမ်းခြင်းကိုယိုးမယ်ဖွဲ့၍ ကဗျာ ဝတ္ထု အစသဖြင့်များစွာထွက်ပေါ် လာခဲ့ပြီဖြစ်သော်လည်း ထိုအလွမ်းသံသရာနွံထဲမှ မလွတ်မြောက်ချင်ကြသေး ဆက်၍ လွမ်းနေသေးသည် အပြစ်ဖြစ်တော့မည်လား ။ ထို့အတွက် အလွမ်းထဲမှာ ပျော်ရတော့မလား အချစ် အလွမ်း တွေနှင့် မောလျနေခြင်းသည် ကောင်း၏မကောင်း၏ ဝေဖန်သုံးသပ်ဆင်ခြင် ကြည့်ပါလျှင် အလွန်ဖြစ်လေမည်လား။ ညီမလေး၏ ဓါတ်ပုံဟောင်းနွမ်းခြင်း အသစ်လဲလှယ်ရန်သတိရနေခြင်းနှင့်အတူ ဓါတ်ပုံတစ်ပုံရရန် အသည်းအသန်ရှာ မိနေရာ အလွမ်းသည်လည်းဓါတ်ပုံရှာရာနောက်သို့အစဉ်ပါနေခဲ့၏ ဖြစ်ရမယ် ချစ်သူမောင်ရယ် ဟု ဆိုလှာ ငြားအံ မတုန်မလှုပ် လည်စင်းခံပါမည်။ ကျွန် တော်သည်လည်းကျွန်တော်ပေကိုး အသိမ်းလွန်ဓါတ်ပုံ များရှာဖွေခြင်းဖြင့် လွမ်းနေရသည်ဖြစ်ကြောင်း ဘလော့ပေါ်လာရေးသည် ထို့အတွက် ခွင့်လွှတ်ကြပါကုန်။ ဘဝအသစ်တစ်ခုကိုပိုင်ဆိုင် ကာပျော်နိုင်နေသော်လည်း အလွမ်းသည်
တခါတရံတိုးတိုက် ဝင်လာတတ်သည် ကျွန်တော်မတရားဟုဆိုကြအံ့ မတတ်နိုင်ပါချေ။ အလွမ်းဓါတ်ခံနှင့်ပေကိုး တွေ့ပါပြီ ထိုဓါတ်ပုံညီမလေးအတွက်ဓါတ်ပုံအသစ်ပါ ဟောင်းနွမ်းနေစား သွားတဲ့ ညီမလေးရဲ့ဓါတ်ပုံကိုအစားထိုးပေးဖို့ပါ ဒီတစ်ခါတော့နည်းပညာအသစ် နဲ့printing သွားလုပ်မယ် စတီးလ် ပြားပေါ်မှာဖြစ်ဖြစ် ကြွေပြားပေါ်မှာဖြစ်ဖြစ်ပေါ့။ ညီမလေးရေ မင်းဆီကိုကိုလာဦးမယ် ဘာဖြစ်ဖြစ်
လွမ်းပြီးသတိရနေတယ်ကွယ်။

ထာဝရထားသွားခြင်းမျိုး
ရင်ခွင်မှာမလိုလားပေမယ့်
ညီမလေးကအနိုင်ပိုင်း
တစ်ကယ်ထားသွားခဲ့
ကိုယ့်မှာတော့ရူးမတတ်ပါကွယ်
အလွမ်းပင်လယ်ကြောမှာ
မျောနေတော့တယ်...........

တခါတခါကိုကို
စဉ်းစားတယ်
တစ်ချိန်က ကိုကိုတို့
အမှန်တစ်ကယ်
ပိုင်ဆိုင်ခဲ့ဖူးတဲ့ဘဝ
တခဏကိုပဲ
ကိုကို့အတွက်
ထာဝရ သိမ်းထားချင်ခဲ့တယ်.......

ဒါပေမယ့်ကွယ်
သောကပွေ့ပိုက်
နေရခိုက်မှာ
ကိုကိုငိုလို့ လွမ်းနေယင်
ညီမလေး မြင်လှည့်
ကူလှည့်ပါကွယ်
အိပ်မက်ထဲမှာဖြစ်ဖြစ်
ခဏတဖြုတ်
တွေ့ချင်တယ်

အလွမ်းရယ်မဖြေသာ
သော ကနဲ့
နွမ်းကြေပါပြီကော
ကိုယ့်ရင်ကလေ
ဘယ်လိုဖြစ်ဖြစ်
တမ်းတမိ..........။     ။