၉ရက်နေ့
ဒီဇင်္ဘာ
မနက်
အိပ်ယာထထချင်း
ခေါင်းတွေကိုက်လိုက်တာ
ညကလည်းသိပ်ပြီး
အိပ်လို့မပျော်လို့လို့ထင်ခဲ့
မျက်နှာသစ်ပြီးသွားတိုက်ပြီး
ပလုပ်ကျင်းတဲ့အခါကျတော့
ပါးစပ်က ရေမလုံတော့တဲ့အခါကျမှ
ရုတ်တရက်လန့်သွားပြီး
မိန်းမ ကိုယ့်မျက်နှာကိုကြည့်စမ်း
လေဖြတ်သွားတာလားမသိ....
မိန်းမကရုတ်တရက်
ပျာယာခတ်သွားတယ်
နောက်တော့ ပြောတယ်
ခြေလက်တွေလှုပ်လို့
ရတယ်မဟုတ်လားတဲ့
အင်းဟုတ်ပါပြီ လှုပ်လို့ရတယ်
အဲတာဆိုလေဖြတ်တာမဟုတ်လောက်ဘူး
ရှင်ခဏနေဦး
ပရက်ရှာကဒ်ယူလိုက် ဦးမယ်
မျက်နှာတော့နဲနဲယောင်နေတယ်
ချိန်ကြည့်တော့
သွေးပေါင်လဲတက်နေတယ်တဲ့.......
ဒီလိုနဲ့ပဲ
ဆေးရုံရောက်သွားပါရော
ဆရာဝန်ကြီးရဲ့မှတ်ချက်က
လေဖြတ်တာမဟုတ်......တဲ့
ခေါင်းအအေးပတ်ပြီး
သွေးခဲသွားတာတဲ့
ခုတော့ အကြည့် အမြင်
သိပ်မကောင်းသေးပေမယ့်
နဲနဲတော့ကျန်းမာလာပါပြီ
ပါးစပ်လေးနဲနဲရွဲ့တာပဲကျန်တယ်.......
ကျန်းမာရေးကြောင့်
နှစ်စဉ် ဆုံနေကျ ဖြစ်တဲ့
ပဒုမ္မာတွေ့ဆုံပွဲကို မရောက်ဖြစ်ဘူး
(တွေ့ဆုံပွဲလည်းမလုပ်ဖြစ်ဘူးကြားတယ်)
နားလည်ကြပါသူငယ်ချင်းတို့
ကူကူး ဖုံးဆက်လာပေမယ့်
ကူကူး နဲ့ မတွေ့ဖြစ်လိုက်ဘူး
ကူကူးရေ ဆောရီးပါ မနှစ်က
ဒီနှစ်မှ ပေးမယ်ဆိုပြီး
ကတိပေးထားတဲ့လက်ဆောင်
မပေးလိုက်ရဘူး
ဟက်ပီးနယူးရီးယား
မလုပ်လိုက်ရဘူး
အွန်လိုင်းကသူငယ်ချင်းတွေ
ခွင့်လွှတ်ပါ....
ကျန်းမာရေးက
အမြဲတမ်းအရေးကြီးတယ်
ဒီလောက်ဂရုစိုက်နေတဲ့ကြားက
ဖြစ်လိုက်သေးတယ်......
မကျန်းမာတာသိရှိသွားပြီး
ဝိုင်းဝန်းဂရုစိုက်ဆုတောင်းပေးကြတဲ့
ချစ်တဲ့ ပဒုမ္မာက
ရောင်းရင်းတွေကိုလည်းကျေးဇူးတင်
မျက်နှာစာအုပ်ပေါ်မှာ
လာရေးသွားတဲ့
ငတက်ပြားကိုလည်းကျေးဇူးတင်
အားလုံးကိုချစ်ခင်လေးစားစွာ
ကျေးဇူးတင်ပါတယ်............
အင်း....
သင်္ခါရ သာစိုးမိုးတဲ့လောကမှာ
ငါဆိုတာတစ်ကယ်မရှိပါလား
သိလိုက်ရတဲ့ခဏတာ
အတွေးတွေခြောက်ခြားပြီး
သွေးလေဖေါက်ပြား
ဥမမည်စာမမြောက်သေးတဲ့
ချစ်တဲ့သမီးလေးမျက်နှာကိုမြင်လာ
အင်း....ဆင်ခြင်မှ ဆင်ခြင်မှ.....။ ။
--
ချစ်သူမောင်
