ချစ်ခြင်းနဲ့မုန်းခြင်းကြားက ခြားနေတဲ့ခြင်ထောင်

ငါ့ကို
မမုန်းပါနဲ့
ချစ်ခြင်းနဲ့မုန်းခြင်း
အဲဒီနှစ်ခုကြားမှာ
ဇာခြင်ထောင်တစ်ချပ်ပဲ
ခြားတယ်ဆိုလား.........
အဲဒီတော့မင်းနဲ့ငါဟာ
ခြင်ထောင်အတွင်းနဲ့
အပြင်ဖက်ဆိုတဲ့
စည်းခြား....................

ငါ့ကို
မတမ်းတပါနဲ့
တကယ်တော့
ဘာမှမဟုတ်တဲ့ငါဟာ
မင်းအတွက်.....
တမ်းတဖို့မဟုတ်ပါ
တကယ်တော့
တမ်းတခြင်းရဲ့နောက်ကွယ်မှာ
အလွမ်းဆိုတာရှိတတ်
အဲဒီအလွမ်းရဲ့
နောက်မှာလည်း
ချစ်ခြင်းဟာဖြစ်တည်တတ်.......

ငါ့ကို
သတိမရပါနဲ့
တကယ်တော့ငါဟာ
ပရော်ဖက်ရှင်နယ်ပါ
အချစ်နဲ့အမုန်းကို
ကိုယ်တိုင်ဖန်တီး
ယူတတ်သူပါ.......

ငါ့အနား
မလာပါနဲ့
တစ်ကယ်တော့ငါဟာ
အန္တရာယ်ရှိ
မြွေဆိုးတစ်ကောင်ပါ
ချစ်ခြင်းမုန်းခြင်းနဲ့ပါတ်သက်ယင်
လိုရာဖန်ဆင်းရှင်ပါ.........

တစ်ခုတော့ရှိတယ်
အခုငါပြောတာ
နင့်အတွက်
BELIEVE IT OR NOT
ဖြစ်ချင်လည်းဖြစ်နေမှာနော့
မယုံလို့
လက်တွေ့တော့
မစမ်းသပ်လိုက်ပါနဲ့
လွမ်းရတာပင်ပန်းလွန်းတယ်..........။ ။

မောင့်အဖြစ်မောင့်အပြစ်သာရှိစေရယ်လို့

ဘလော့ရယ်ရေးချင်
တင်ချင်နေတာတွေများ
ခက်တယ်ရယ်ခုချိန်
မီးတွေရယ်ခါခါပျက်ကာလ
ကွန်နက်ရှင်ရယ်သူမလာ
မောင့်မှာလေအချိန်မအားရှာဘု
လွမ်းသူ့သက်လယ်
အမျက်ရယ်သိုထား
အွန်လိုင်းမှာတွေ့တောင်မှ
ခွန်းတုံပြန်ပြောဖို့
မျက်နှာလွှဲကာသူရှောင်တယ်
မောင့်အဖြစ်မှာလေ
ကြောင့်ကြ ရစ်ရတာကြောင့်
ဘလော့မှာပို့စ်မတက်သေးယင်ဖြင့်လေ
စီးပွားရေးသောင်းကျန်းနေတယ်လို့
မှတ်ထားကာ လေ
ခွင့်လွှတ်ပါဦး.........။ ။