ကြာခဲ့ပြီလေ
ရက်ရှည်မက်ခဲ့
အိပ်မက်နိုးထ
တစ်ခဏလား
ထင်ယောင်မှားခဲ့.......
ကြာခဲ့လေပြီ
အမှတ်တရများစွာ
ရင်မှာသိမ်းထုပ်
ပျော်ရွှင်ဖွယ်မဟုတ်သော
လွမ်းဖွယ်သောကများ
ပြေရာပြေကြောင်း
မတောင်းပန်ဖြစ်ခဲ့
နှစ်ရက်လတွေ........
အတိတ်ဆိုသည်
ပစ္စုပ္ပန်ကို
တုနှိုင်းမယှဉ်သာ
ကမ္ဘာတစ်ခုစာ
ဝေးကွာခဲ့သော
အချိန်နေရာဟောင်းများ
တမ်းတမက်မောခြင်း
အလျဉ်းကင်းသော
နေ့ရက်များစွာ
သံသရာမှာကျင်လည်
ပျော်ရွှင်ဖွယ်အတိ
နေ့ရက်များ
ရောက်လာခဲ့သည့်အတွက်
သံသရာနဲ့ကံကြမ္မာကိုကျေးဇူးတင်
ဘဝမှာနေပျော်ပြီထင်
ချစ်သမီးရဲ့မျက်နှာလေးမြင်................။ ။
