Wednesday, November 15, 2023
Tuesday, October 10, 2023
nnt@tamalon.com
တမလွန်ကညီမလေး
ဘာတွေတွေးနေမလဲ
ညကတွေ့မိ
ပျော်ရွှင်စွာ
စကားပြောနေမိ
ကျေနပ်နေတတ်သလား
အလွမ်း တချက်ချက်တမ်းတ
ညီမလေးပျော်ယင်
ကျေနပ် ရင်မှာနှစ်သိမ့်လို့နေဖူး
မနက်ကလန်းလန်းဆန်းဆန်းပါပဲ
ရင်ကိုငုံ့ကြည့်စဉ်
နွေးကနဲလှုပ်ခတ်
ဘာမှမတွေးမိပါပဲ
လာနှုတ်ဆက်လို့ပျော်တယ်
ညီမလေး ငြိမ်းချမ်းပါစေ။
Monday, March 13, 2023
နွေရာသီရောဂါ
နွေရာသီရောဂါဟာ
အပေါင်းပါမပါပဲလာတယ်
အပြစ်ဆိုလို့
ချစ်မိတာတခုတည်းပါ
နှစ်ပေါင်းများစွာ
နှစ်စဉ်အလွမ်းတွေ
ဒီတခါပါနဲ့ဆို
ဆယ်စုနှစ်တခုဖြစ်ခဲ့
လွမ်းတယ်.......
မင်းမရှိတဲ့နေ့
အိပ်ယာက
စောစောနိုးတဲ့မနက်ခင်း
နေ့တိုင်းနေ့စဉ်ပါပဲ
အသက်မရှိသလို
ခက်ချည့်နေတယ်
လွမ်းတယ်ဆို
အသာယာမဟုတ်
ရင်ထဲစူးနစ်
တမ်းတမ်းတတဖြစ်အောင်
သခင်ပြုစား.......
အပြင်ထွက်လည်း
လစ်ဟာနေ....
သခင့်အိမ်နား
အရောက်သွားယင်း
မျက်နှာမွန်ဦး
တွေ့မြင်ချင်လည်း
သခင်အဝေးသွား
အလွမ်းထဲတဝဲလည်လည်
သောင်ပြင်လွှတ်တဲ့
ငှက်ပမာကွယ်..........
ယောင်ချာချာဖြစ်
အလွမ်းတွေနဲ့စူးနစ်ရစ်ဖွဲ့
မပြောပြသာ
ရင်မှာဟာနေ
တမ်းတခြင်းတွေပိုကဲ
အလွမ်းထဲမှာ
မောင်ဟာ....
တစ်ယောက်တည်း
အထီးကျန်ဆန်.။ ။
Wednesday, February 15, 2023
ကြေကွဲကြေမွတမ်းတ
ကြေမွကြေကွဲ
တမ်းတစိတ်နဲ့
အိပ်မပျော်ပါ
အတိတ်ကအရိပ်ရယ်
စိတ်မှာမပျော်
ရင်မှာတမ်းတ
မင်းဘယ်မှာလဲ
မသိငြားလေ
တိတ်တဆိတ်
ဘယ်လိုပေါ်လာတဲ့အတွေး
ရင်မှာလှိုက်ခုန်
ကြေကွဲခြင်း......
အလျှဉ်းမသင့်လို့သာ
မဆုံဖြစ်ခဲရတဲ့
ဘဝတွေ
လောင်မြိုက်ကြွေစေတယ်လား
ချစ်ရဲ့သားလေ
မိုက်မဲခြင်းရဲ့
အစွန်းတစ်စမှာ
ငါတို့တွေလေ
ဝေးသွားကြတာပဲ
ပြန်ဆုံခွင့်လေး
ရခဲ့သေးလည်း
မဆုံဖြစ်နိုင်တဲ့အကြောင်း
နှစ်ပေါင်းသုံးဆယ်
တစ်ကယ်ဝေးသွားခဲ့
အငမ်းမရ
တမ်းတခြင်းဟာ
ဒီအကြိမ်မှာ
ရင်ကိုခွဲချင်လည်း
ခွဲပါစေပေါ့............
နှစ်ကိုယ်တူယှဉ်
ချစ်ကြင်ဖူးတဲ့
အစ နေ့ရက်များ
ဘန်ကောက်ညတွေ
အတူနေခဲ့ဖူးတဲ့အခန်း
ညစဉ်တိုင်းဝယ်ဖြစ်တဲ့
စပယ်ကုံးလေးများ
မဝယ်ဖြစ်တဲ့ည
စိပ်ပုတီးနဲ့စည်းခြား
ကျောခင်းစရာ
နေရာလေးများ
လွမ်းလိုက်တာဆို
ခင်ရယ်နေလိမ့်မပေါ့
ကြာခဲ့ပြီပဲ
ရက်တွေလပြောင်း
အချစ်တွေနှစ်ပြောင်း
နွေအလီလီ
ဆောင်းအချီချီ
မိုးအသီသီ
ဘယ်လိုဖြတ်သန်း
လွမ်းလိုက်တာလေ
မျက်ရည်လည်မိတဲ့ထိ
ရင်မှာတလှပ်လှပ်နဲ့
အလွမ်အးတွေ
ပြိုကျ ငိုရပြီ..........
ခင်မှတ်မိမယ်ဆိုယင်
ဘန်ကောက်မှာကျန်ခဲ့တဲ့
ခင့်ထံကိုဖုန်းဆက်စဉ်က
ခံစားရတဲ့ခံစားချက်မျိုး
အာ့တာအလွမ်းဆိုယင်
ရင်သည်ကြွေလုကြွေခင်
အသက်တွေရမှ
ငယ်ဘဝတမ်းတခြင်းမျိုးလား
မဆုံဖြစ်ခဲ့ကြတဲ့
ဘဝတွေ တွေတွေငေး
ငိုချင်းမချချင်ပေမယ့်
အလိုလို ဟင်း...ချဖြစ်...
မျက်ဝန်းမှာတော့
ကိုယ်ငိုဖြစ်တယ်
အချစ်ရယ်
Tuesday, February 14, 2023
အလွမ်း ဘာလင်တိုင်း
ဘာပြောပြော
ဒီနေ့မနက်...နှင်းတွေကျတယ်
မြူလားနှင်းလား
မသဲကွဲပေမယ့်
ပတ်ဝန်းကျင်ကိုလည်းမသဲကွဲ
ရင်ထဲမှာတော့
အလွမ်းလား
အဆွေးလားလည်း
မသဲကွဲ.....
ချစ်ရတဲ့သခင်
အဝေးသွားတော့
အလွမ်းပိုကဲ
နှင်းသည်းသည်းမှာ
ရွာသာတည်ထား
နေ့ရက်တွေကကြာ
တစ်ရက်ဟာ
တစ်ကမ္ဘာထင်မိတဲ့နေ့
ဘယ်နေ့ရှိမလဲ.......
လွမ်းတယ်ကွယ်လို့
ဖွင့်ဟဆိုရမလား
တမ်းတတယ်လို့ပဲ
နှုတ်မြွက်ခြွေရမလား
စကားတွေဆွံ့အ
ရင်မှာလောင်ကျွမ်း
လွမ်းစရာနေ့တစ်ရက်ပါလေ.......
ပူလောင်ခြင်းတွေ
သောကပွေသည်
တမ်းတရတဲ့
နေ့စွဲများ.......
Friday, January 27, 2023
အလွမ်းဆိုတာ
အတိတ်အရိပ်တွေ
ထုတ်ပြသလား
ချစ်သက်ထားရေ
မေ့လုလုအတိတ်
မင်းလှစ်ဟမှ
အရိပ်အလားပေါ်လာ
ရင်ခွင်မှာလေ
နာကျင်ကြေမွ
နေမရလေ
တစ်ဖက်သတ်အချစ်နဲ့
နှစ်ပေါင်းများစွာ
နာကျင်နေမှာ
မြင်ရဲ့လားလေ
မသိလိုက်ဖာသာ
ရင်ခုန်တမ်းတ
လွမ်းရညတွေ
ရင်မှာအပြစ်ဖြစ်မလား.....
တိတ်တခိုးအချစ်နဲ့
နှစ်ပေါင်းများစွာ
ရင်ခွင်ကိုမင်းမြင်လား
နေရာမှားအတိတ်တွေ
ဖြေပြေစရာရှားခဲ့
တမ်းတလွမ်းမော
ကသောကမျောပါ
ရင်မှာ လှိုက်ခုန်
လှစ်ဟာသွားတဲ့
ရင်ခုန်သံမြန်ခြင်းနဲ့အတူ
နုညံ့ စွာ
လှိုက်မောစွာ
တုန်ရီနေတဲ့
နှုတ်ခမ်းအစုံနဲ့
ပျော်ရွှင်နေတဲ့
မျက်ဝန်းတစုံ
တမ်းတယုံသာ......
အလွမ်း .ရာသီ...သောက သီဖွဲ့
လာလာမဆွနဲ့
တခါကသံယောဇဉ်တွေ
အညှာကပြန်မပြောချင်ပေ
ရာသီဖွဲ့လွမ်းခြင်းတွေ
စာစီသွဲ့ညင်းပျောင်းစေ
တစ်ကယ်တော့
ဆောင်းရောက်ယင်
လွမ်းချင်ချင်....
ဘယ်လိုအတွေးကြောင့်
အလွမ်းဆိုတာ
ရင်ထဲရောက်လာတယ်မသိ
ရင်ထဲဆို့တို့တို့နဲ့
နဂိုတည်းက
အလွမ်းဓာတ်ခံနဲ့ပါဆို
ငိုချင်ရက် လက်တို့
လွမ်းတဲ့အကြောင်း
သောင်းပြောင်းထွေလာ
ငယ်သူငယ်ချင်းတွေရဲ့
အမှတ်တရပုံတွေ
ဖေ့ဘုတ်မှာတက်လာတိုင်း
အလွမ်းတွေနှောင်ဖွဲ့
အလွမ်းရဲ့ရာသီ
ဆောင်းတောင် ရောက်ပြီလား
မတမ်းတချင်
မလွမ်းချင်ပါ
ရာသီအေးအေး
လခြမ်းကွေးမှာ
ရင်ခွင်သိုထား
သက်ထားကလျာ
စကားတွေတီးတိုး
ဆိုခဲ့ကြတဲ့
ဝရံတာလေးကို လွမ်း
ဘယ်နေရာမြင်မြင်အလွမ်း
အလွမ်းဆိုတာ ရွာလည်
အဖြစ်သနစ်အစုံ
မျက်ရည်စိုယုံလွမ်း
ရင်ခွင်မှာတငွေ့ငွေ့လွမ်း
ဪ....... လွမ်း
......
......
.....
..... လွမ်း။ ။
အသက်ငါးဆယ်ကျော်မှ ချစ်သူက ထုတ်ပြသော သူ၏ရည်းစားစာများအကြောင်း 😂😂😂😂
နာနာကျင်ကျင်
ရယ်ရမလား
ဘယ်လိုဖီလင်ကြီးလဲကွာ
ရင်တွေပဲနာရမလို
ကိုယ်သိခဲ့တဲ့ဇတ်လမ်း
ခုချိန်မှာ public ဖွင့်ပြောတော့
ရင်နာရမလား
ကြင်နာကမလား.......
ရင်ထဲဆို့နင့်
ကြေကွဲခံစား
ခုချိန်မှာမှ
ရယ်သွမ်းသွေးနိုင်တဲ့
မောင့်ချစ်သူရယ်
ရင်မှာနာကြင်
ဆွံ့အကြေကွဲ
မခံစားနိုင်ပဲ
ငိုချင်မိ.......
နဂိုတည်းက
ချစ်ခဲ့တာ
သုံးဆယ့်ငါးနှစ်
ကြာတဲ့အချစ်တွေ
ဝေ ဝါးသွားသလား
မှိန်မှေးသွားသလား
မသေခြာပဲ
တစ်ဖက်သတ် ကပ်သပ်ယင်
ငါဟာရှုံးးပြီးသားဆိုတာ
မင်းသိယင်ကျေနပ်
မနေတတ်တော့တဲ့အခါ
မတရားတဲ့ကံကြမ္မာကိုပဲ
ယိုးမယ်ဖွဲ့ရမလား
အတွေးတွေ...မအေးလေ
နောက်ဆုံးတော့လည်း
နာချင်ယင်နာပါစေ
ချစ်သူစိတ်ချမ်းသာဖို့အရေး
ရေးချင်ရာရေးပါ
လုပ်ချင်သလိုသာလုပ်ပါ
ရင်တွေပြန်ပြီးနာလည်း
ခံစားရမှာက
ချစ်နေရသူပါ
ဘယ်လိုဖြစ်ဖြစ်ပေါ့
ချစ်ရသူငိုစတမ်းဆိုယင်
စိတ်တိုင်းကျသာ
သဘောတော်အတိုင်း
ငိုခိုင်းပါ.....