တွဲမရလို့
ခွဲကြတဲ့ခါ
မလွမ်းပါနဲ့
လွမ်းတဲ့အကြောင်း
တစ်ယောက်ကိုတစ်ယောက်
ဖွင့်ဟဖြစ်ယင်
လွမ်းတဲ့အကြောင်း
ပြောပြဖြစ်ယင်
ဘယ်လိုဘယ်ပုံ
ခွဲလို့ရမလည်း
ထိန်းမရအောင်
ချစ်တဲ့စိတ်.......
ရှေ့ဆက်မရလို့
နောက်လှည့်မယ်လို့
စဉ်းစားတဲ့အခါ
နောက်ကရှေ့မှာလား
ရှေ့ကနောက်မှာလား
ရှေ့ကဆက်မှာလား
နောက်ကဆက်မှာလား
တွေတွေဝေဝေ
အတွေးထွေပြား
စဉ်းစားမရတဲ့ခါ
အိုကွာ.....မထူးဇတ်ခင်း
လွမ်းခြင်းတွေက
ခြေရာထပ်
ဖြေဆည်ရာမတတ်တဲ့အခါ
နာကျင်ကြေမွ
နေလို့မရ..........
သည်လိုတွေးလေ
ချစ်ခဲ့ကြတာပဲ
ဆယ့်နှစ်နှစ်တာကာလ
ရှည်လျားခဲ့သည်ပဲ
ချစ်ခြင်းငယ်ပြိုင်
ဘယ်သူနိုင်နိုင်မလဲ
အလွမ်းကမ္ဘာဖြတ်လို့
တောအထပ်ထပ်
တောင်အသွယ်သွယ်
အနယ်နယ်ခရီးနှင်
အနောက်ဖက်ကမ်း
ပင်လယ်လမ်းထိ
မီးကုန်ယမ်းကုန်
နှစ်ကိုယ်တူယှဉ်
ချစ်ကြင်ခဲ့ခြင်းများ
နောင်တမဲ့
ချစ်ခြင်းတရား
အစဉ်အမြဲ
တည်ပါစေသား........
ကဲကွယ် တစ်ကယ်
တွဲမရလို့
ခွဲရတဲ့အခါ
မလွမ်းပါနဲ့
ရင်မှာသိုသိပ်
မြိုသိပ်စရာမလို
မငိုပါနဲ့
သခင်သက်ထား
အဝေးမှာဆို
မတမ်းမတ
မနွမ်းလျနှင့်
အတိတ်တစ်ခု
မေ့ပစ်ဖို့ရန်
အကြောင်းပြုတယ်
ပေါင်းစုလို့
သခင်.......
ဝမ်းမြောက်ပါလေတော့.........
.jpeg)
